Buassye armudu

Vikipediya, açıq ensiklopediya
(Pyrus boissieriana səhifəsindən istiqamətləndirilmişdir)
Keçid et: naviqasiya, axtar
?Buassye armudu
Elmi təsnifat
Aləmi: Bitkilər
Şöbə: Örtülütoxumlular
Sinif: İkiləpəlilər
Yarımsinif: Rozid
Sıra: Gülçiçəklilər
Fəsilə: Gülçiçəyikimilər
Cins: Armud
Növ: Buassye armudu
Elmi adı
Pyrus boissieriana
Wikispecies-logo.svg
Vikinövlərdə
sistematika
Commons-logo.svg
Şəkil
axtarışı
IPNI   ???

Buassye armudu  - (lat. Pyrus boissieriana) — gülçiçəklilər fəsiləsinə aid bitki növü.

IUCN Qırmızı Siyahısına görə növün kateqoriyası və statusu “Kritik təhlükə həddində olanlar” kateqoriyasına aiddir –CR A2abc; C1. Azərbaycanın nadir növüdür. [1][2]

Qısa morfoloji təsviri[redaktə | əsas redaktə]

5m-ə qədər hündürlüyündə ağac və ya koldur. Yarpaqları dairəvi-yumurtavari və ya ovalşəkillidir, küt, itidişli, 2-3 sm uzunluğunda və enindədir. Üstdən tükcüksüz, parlaq, yaşıl, quruyan zaman qaralan, alt hissədən damarlar boyu seyrək tükcüklüdür; saplağı nazikdir. Çiçəkləri xırda şüalı, qalxanvari çiçək qrupunda yerləşəndir. Meyvələri xırdadır, 1-1,5 sm diametrindədir; kürəvari və ya nisbətən yastı, xırda, sarımtıl, vəzilidir, parıldayan, qırmızımtıldır; meyvə saplağı nazik, meyvədən 2-3 dəfə böyükdür. [1]

Bioloji, ekoloji və fitosenoloji xüsusiyyətləri[redaktə | əsas redaktə]

Aprel ayında çiçəkləyir. Meyvələri avqustda yetişir. Tozlanması-entomofildir. Toxum vasitəsilə çoxalır. Lənkəran dağlarında (arabir), aşağı meşə qurşağında və başlıca olaraq talalarda rast gəlinir. [3]

Buassye armudu

Yayılması[redaktə | əsas redaktə]

Lənkəran ovalığı (Astara rayonu-Ələzəpin, Maşxan kəndləri; Lənkəran rayonu- Yuxarı Apu və Xanbulan kəndləri) və Lənkəran dağlıq hissəsidir. [4][5]

Sayı və tendensiyası[redaktə | əsas redaktə]

İtmə təhlükəsi altında olan yeganə lokaliteti mövcuddur, populyasiyanın sayı sürətlə azalır. [6]

Məhdudlaşdırıcı amillər[redaktə | əsas redaktə]

Gəmiricilərquşlar tərəfindən meyvələri yetişmədən əvvəl yeyilir. Mal-qara tərəfindən otarılması təbii bərpanı çətinləşdirir.

Mühafizə tədbirləri[redaktə | əsas redaktə]

Hirkan Milli Parkında mühafizə olunur.

İstinadlar[redaktə | əsas redaktə]

  1. 1,0 1,1 Azərbaycan Respublikasının Qırmızı Kitabı Nadir və nəsli kəsilməkdə olan növlər. 2-ci nəşr. Bakı-2013
  2. http://redbook.az/?options=project&id=Buassye%20armudu
  3. Azərbaycanın ağac və kolları, 1970
  4. Səfərov İ.S., Əsədov K.S. 1984
  5. Azərbaycan SSR-in Qırmızı kitabı, 1989
  6. Səfərov H.M., 2010