Qüdrət Həsənquliyev

Vikipediya, azad ensiklopediya
Jump to navigation Jump to search
Qüdrət Həsənquliyev
Qüdrət Müzəffər oğlu Həsənquliyev
Qüdrət Həsənquliyev.jpg
bayraqAzərbaycan Respublikasının Milli Məclisi II, III, IV, VVI çağırış deputatıbayraq
5 mart 2003 — hal-hazırda
bayraqBütöv Azərbaycan Xalq Cəbhəsi Partiyası sədribayraq
4 aprel 2004 — hal-hazırda
bayraqAzərbaycan Respublikası Mərkəzi Seçki Komissiyasının üzvübayraq
18 iyun 2000 — 21 fevral 2003
bayraqAzərbaycan Xalq Cəbhəsi Partiyası sədrinin müşaviribayraq
1993 — 2000
Şəxsi məlumatlar
Partiya Azərbaycan Xalq Cəbhəsi Partiyası (1993-2004)
Bütöv Azərbaycan Xalq Cəbhəsi Partiyası (2004-)
Təhsili Bakı Dövlət Universitetinin Hüquq fakültəsi
İxtisası hüquqşünas
Doğum tarixi (56 yaş)
Doğum yeri Əbrəqunus, Culfa rayonu, Naxçıvan MSSR, Azərbaycan SSR
Vətəndaşlığı Azərbaycan Azərbaycan
Milliyyəti azərbaycanlı

Qüdrət Müzəffər oğlu HəsənquliyevAzərbaycan Respublikasının Milli Məclisi II, III, IV, VVI çağırış deputatı, Milli Məclisin Hüquq Siyasəti və Dövlət Quruculuğu Komitəsinin sədr müavini. Bütöv Azərbaycan Xalq Cəbhəsi Partiyasının qurucusu və hazırkı sədri, 2003-cü, 2008-ci 2013-cü2018-ci illərdə Azərbaycan Respublikası prezidenti seçkilərində prezidentliyə namizəd, Azərbaycan Respublikası Mərkəzi Seçki Komissiyasının üzvü (2000–2003).

Həyatı[redaktə | əsas redaktə]

Qüdrət Həsənquliyev 29 yanvar 1965-ci ildə Naxçıvan Muxtar Respublikasının Culfa rayonunda Əbrəqunus kəndində anadan olub. 1992-ci ildə Bakı Dövlət Universiteti Hüquq fakültəsini fərqlənmə diplomu ilə bitirib. Bakı şəhər Nəsimi rayon prokurorluğunda müstəntiq, Azərbaycan Respublikası Dövlət Katibinin köməkçisi, Asiya Universitetinin baş müəllimi vəzifələrində çalışıb.

Siyasi fəaliyyəti[redaktə | əsas redaktə]

1993-cü ildən Azərbaycan Xalq Cəbhəsi sədrinin müşaviri, 1998-ci ildən AXCP Rəyasət Heyətinin üzvü olub. Əbülfəz Elçibəy xəstələndikdən və müalicə üçün Türkiyəyə yola düşdükdən sonra AXCP-də daxili ziddiyyətlər daha da dərinləşərək idarəolunmaz hala gəldi. AXCP faktiki olaraq iki siyasi qanada – "islahatçılar"a və "klassiklərə" parçalandı.

2000-ci il iyul ayının 19-da AXCP-nin "klassiklər" adlanan qanadı partiyanın bir sıra rayon təşkilatlarının iştirakı ilə müşavirə çağırdı. AXCP-nin "islahatçılar" qanadında təmsil olunmasına baxmayaraq, Qüdrət Həsənquliyev "klassiklər"in müşavirəsinə qatıldı və çıxış edərək partiya üzvlərini təşkilatı parçalamamağa çağırdı. Bu hadisədən 1 gün sonra Əbülfəz Elçibəy dünyasını dəyişdi.

Partiyanın parçalanmasının qarşısını məqsədilə Əbülfəz Elçibəyin müşaviri, AXCP Rəyasət Heyətinin üzvü Qüdrət Həsənquliyev 2001-ci ildə AXCP-nin yenidən vahid bir təşkilata çevrilməsi üçün partiyanın hər iki qanadının rəhbərliyi ilə danışıqlara başlanıldı. Lakin tərəflər əksər AXCP üzvlərinin vahid bir siyasi partiyada təmsil olunmaq istəklərini nəzərə almadılar. Öncədən partiyanın birləşdirilməsi üçün yaradılmış Təşkilat Komitəsində təmsil olunmağa, birləşdirici qurultayın çağırılmasına razı olsalar da sonradan öz əvvəlki mövqelərindən geri çəkildilər. Buna baxmayaraq, AXCP-nin Birləşdirici Qurultayına Hazırlıq üzrə Təşkilat Komitəsi yaradıldı. AXCP-nin vahid bir təşkilat kimi qorunub saxlanılmasında maraqlı olan rayon təşkilatlarının seçkili orqanları bəyanatla çıxış edərək AXCP-nin Birləşdirici Qurultayına Hazırlıq üzrə Təşkilat Komitəsinə qoşuldular.

2002-ci il avqustun 19-da Şəhriyar adına Mədəniyyət Sarayında AXCP-nin birləşdirici qurultayı keçirildi. Qurultayda partiyanın yeni Nizamnamə və Məramnaməsi qəbul edildi. Qurultaya Hazırlıq üzrə Təşkilat Komitəsinin həmsədri Qüdrət Həsənquliyev alternativ əsaslarla və gizli səsvermə yolu ilə AXCP-nin sədri seçildi.

Azərbaycan Respublikasının Ədliyyə Nazirliyi təqdim olunan sənədlər əsasında birləşmiş Azərbaycan Xalq Cəbhəsi Partiyasını AXCP-nin yeganə hüquqi varisi kimi tanısa da, sonradan xarici qüvvələrin təzyiqi qarşısında partiyanın dövlət qeydiyyatı ləğv olundu.

Qüdrət Həsənquliyev Azərbaycan Respublikasının Milli Məclisinə 2003-cü ilin mart ayında keçirilən təkrar seçkilərdə iştirak etdi və dairədə lider namizəd olaraq deputat seçildi.

Bütöv Azərbaycan Xalq Cəbhəsi Partiyası[redaktə | əsas redaktə]

Dövlət qeydiyyatı ilə bağlı yaranmış problemin həlli məqsədilə 2004-cü il aprelin 3-də partiyanın təsis konfransı çağırıldı və təsis konfransında Əbülfəz Elçibəyin mənəvi mirası olan, eləcə də partiyanın Məramnaməsində yer alan Bütöv Azərbaycançılıq məfkurəsi partiyanın adında yer aldı. Beləliklə Azərbaycan Milli Azadlıq Hərəkatının və Azərbaycan Xalq Cəbhəsinin ideoloji xəttinin davamçısı olan partiya fəaliyyətini Bütöv Azərbaycan Xalq Cəbhəsi adı ilə davam etdirməyə başladı. Qurultayda partiyanın sədri Qüdrət Həsənquliyev seçilmişdir.

7 iyun 2008, 2 iyun 2013 və aprel 2018-ci illərdə keçirilən BAXCP qurultaylarında Qüdrət Həsənquliyev yenidən partiya sədri seçilmişdir.

Deputat fəaliyyəti[redaktə | əsas redaktə]

Qüdrət Həsənquliyev 2003-cu il Azərbaycan Parlamentinə təkrar seçkilərdə 86 saylı İsmayıllı seçki dairəsindən, 2005-ci ildə 97 saylı Goranboy-Ağdam-Tərtər seçki dairəsindən, 2010-cu il2015-ci il seçkilərində 7 saylı Ordubad-Culfa seçki dairəsindən2020-ci il seçkilərində isə 36 saylı Xətai dördüncü seçki dairəsindən millət vəkili seçilmişdir.

Azərbaycan Respublikasının Milli Məclisinin III çağırışında Hüquq siyasəti və dövlət quruculuğu məsələləri Daimi Komissiyasının üzvü[9], IV çağırışında Hüquq siyasəti və dövlət quruculuğu Komitəsinin üzvü[6], V çağırışında Hüquq siyasəti və dövlət quruculuğu Komitəsinin və Hesablayıcı Komissiyanın üzvü, VI çağırışında isə Hüquq siyasəti və dövlət quruculuğu Komitəsinin sədr müavini olmuşdur.[16]

Prezidentliyə namizəd[redaktə | əsas redaktə]

2003, 2008, 20132018-ci illərdə keçirilən Azərbaycan Respublikası Prezident seçkilərində iştirak etmişdir.

Ailəsi[redaktə | əsas redaktə]

Evlidir, 2 övladı vardır.

Mükafatları[redaktə | əsas redaktə]

Parlament Jurnalistləri Birliyi tərəfindən 2004-cü ildə təqdim olunan "İlin Ən fəal millət vəkili" nominasiyası üzrə "Mütərəqqi ideyalar müəllifi" mükafatı ilə təltif olunub.

2005, 2006, 2007, 2008, 2009, 2010,2011,2012,2013,2014,2015,2016,2017-ci illərdə Parlament Jurnalistləri Birliyi tərəfindən müxtəlif mətbuat orqanlarının nümayəndələri arasında keçirilən sorğuda ilin ən fəal beş millət vəkilndən biri seçilib.

Həmçinin bax[redaktə | əsas redaktə]

Mənbə[redaktə | əsas redaktə]

İstinadlar[redaktə | əsas redaktə]