Qüdrət Həsənquliyev

Vikipediya, açıq ensiklopediya
Jump to navigation Jump to search
Qüdrət Həsənquliyev
Qüdrət Müzəffər oğlu Həsənquliyev
Qüdrət Həsənquliyev.jpg
Qüdrət Həsənquliyev 2011-ci ildə
Doğum tarixi:9 dekabr 1965(1965-12-09)
Doğum yeri: Əbrəqunus, Culfa rayonu, Naxçıvan MSSR, Azərbaycan SSR
Vətəndaşlıq: Flag of Azerbaijan.svg Azərbaycan
Peşələri: Millət Vəkili ,Bütöv Azərbaycan Xalq Cəbhəsi Partiyasının sədri
Milliyyəti:azərbaycanlı
İxtisası: hüquqşünas
Təhsili:Bakı Dövlət Universiteti Hüquq fakültəsi
Fəaliyyəti:siyasətçi
Karyera:1993-günümüzə qədər
Təltifləri:"İlin ən fəal millət vəkili" (2004,2005,2006....2016,2017)
baxcp.az

Həsənquliyev Qüdrət Müzəffər oğlu (d. 9 dekabr 1965, Əbrəqunus, Culfa rayonu, Naxçıvan MSSR, Azərbaycan SSR) - Azərbaycan Respublikası Milli Məclisinin deputatı,Milli Məclisin Hüquq Siyasəti və Dövlət Quruculuğu Komitəsi və Hesablayıcı Komissiyasının üzvü, Azərbaycan Respublikası Milli Məclisinin NATO Parlament Assambleyasındakı və AVRONEST Parlament Assambleyasındakı nümayəndə heyətlərinin üzvü, Azərbaycan-Malta parlamentlərarası dostluq qrupunun sədri,Azərbaycan-Italiya və Azərbaycan-Belçika parlamentlər arası əlaqələr qurpunun üzvüdür.

Bütöv Azərbaycan Xalq Cəbhəsi Partiyasının qurucusu və hal-hazırdakı sədridir.

2003-cü, 2008-ci 2013-cü2018-ci illərdə Azərbaycan Respublikası prezidenti seçkilərində namizəd.

Siyasi fəaliyyətinin ilk illəri[redaktə | əsas redaktə]

Qüdrət Həsənquliyev 9 dekabr 1965-ci ildə Naxçıvan Muxtar Respublikasının Culfa rayonunda Əbrəqunus kəndində anadan olub. 1992-ci ildə Bakı Dövlət Universiteti Hüquq fakültəsini fərqlənmə diplomu ilə bitirib. Bakı şəhər Nəsimi rayon prokurorluğunda müstəntiq, Azərbaycan Respublikası Dövlət Katibinin köməkçisi, Asiya Universitetinin baş müəllimi, Mərkəzi Seçki Komissiyasının katibi vəzifələrində çalışıb.1993-cü ildən Azərbaycan Xalq Cəbhəsi sədrinin müşaviri, 1998-ci ildən AXCP Rəyasət heyətinin üzvü olub.Əbülfəz Elçibəy xəstələndikdən və müalicə üçün Türkiyəyə yola düşdükdən sonra AXCP-də daxili ziddiyyətlər daha da dərinləşərək idarəolunmaz hala gəldi. AXCP faktiki olaraq iki siyasi qanada – “islahatçılar”a və “klassiklərə” parçalandı. Partiyanın parçalanmasını istəməyən insanların göstərdikləri fədakarlıqlara baxmayaraq bir çox hallarda kənardan idarə olunan proseslərin qarşısını almaq mümkün olmadı.

Həmin dövrdə partiyanın parçalanmasının qarşısını məqsədilə açıq mesajlar verən və əməli addımlar atan şəxslərdən biri də Əbülfəz Elçibəyin müşaviri, AXCP Rəyasət Heyətinin üzvü Qüdrət Həsənquliyev idi.

2000-ci il iyul ayının 19-da AXCP-nin “klassiklar” adlanan qanadı partiyanın bir sıra rayon təşkilatlarının iştirakı ilə müşavirə çağırdı. Əks tərəfdə - AXCP-nin “islahatçılar” qanadında təmsil olunmasına baxmayaraq, Qüdrət Həsənquliyev “klassiklər”in müşavirəsinə qatıldı və çıxış edərək partiya üzvlərini təşkilatı parçalamamağa çağırdı. Lakin kimlərinsə ölüm yatağında olan Əbülfəz Elçibəyin adından istifadə etməsi  Qüdrət Həsənquliyevin birlik çağırışının real nəticəyə yol açmasına imkan vermədi. Beləliklə, Milli Azadlıq Hərəkatında, Azərbaycanın dövlət müstəqilliyinin qazanılmasında müstəsna xidmətləri olan bir siyasi təşkilat ikiyə parçalandı.

Bu hadisədən 1 gün sonra Əbülfəz Elçibəy dünyasını dəyişdi.

Baş verənlərə baxmayaraq, Qüdrət Həsənquliyev və onunla eyni mövqeni paylaşan insanlar AXCP-nin bütövləşməsi üçün fəaliyyətlərini davam etdirdilər. 2001-ci ildə AXCP-nin yenidən vahid bir təşkilata çevrilməsi üçün partiyanın hər iki qanadının rəhbərliyi ilə danışıqlara başlanıldı. Lakin tərəflər əksər AXCP üzvlərinin vahid bir siyasi partiyada təmsil olunmaq istəklərini nəzərə almadılar. Öncədən partiyanın birləşdirilməsi üçün yaradılmış Təşkilat Komitəsində təmsil olunmağa, birləşdirici qurultayın çağırılmasına razı olsalar da sonradan öz əvvəlki mövqelərindən geri çəkildilər.

Baş verənlərə rəğmən AXCP-nin əksər rayon təşkilatları partiyanın bütövləşməsində qərarlı idilər. Məhz onların siyasi iradəsi və qətiyyəti nəticəsində AXCP-nin Birləşdirici Qurultayına Hazırlıq üzrə Təşkilat Komitəsi yaradıldı. AXCP-nin vahid bir təşkilat kimi qorunub saxlanılmasında maraqlı olan rayon təşkilatlarının seçkili orqanları bəyanatla çıxış edərək AXCP-nin Birləşdirici Qurultayına Hazırlıq üzrə Təşkilat Komitəsinə qoşuldular.

2002-ci il avqustun 19-da Şəhriyar adına Mədəniyyət Sarayında AXCP-nin möhtəşəm birləşdirici qurultayı keçirildi. Qurultayda partiyanın yeni Nizamnamə və Məramnaməsi qəbul edildi. Qurultaya Hazırlıq üzrə Təşkilat Komitəsinin həmsədri Qüdrət Həsənquliyev alternativ əsaslarla və gizli səsvermə yolu ilə AXCP-nin sədri seçildi. Qurultay Azərbaycanın siyasi həyatında yeni bir mərhələnin əsasını qoydu. AXCP Qurultayda elan olunan yeni siyasi istiqamətlə əslində Azərbaycan Xalq Cəbhəsinin və onun lideri Əbülfəz Elçibəyin vaxtilə elan etdiyi təməl ideoloji prinsiplərə qayıtdı. Qurultayda Azərbaycanda sivil və etimadlı siyasi münasibətlər sisteminin formalaşmasının vətəndaş cəmiyyəti quruculuğu prosesində aparıcı rola malik olduğu vurğulandı və partiya bu dəyərlərə söykənərək fəaliyyət göstərəcəyini bəyan etdi. Bütöv Azərbaycançılıq, təsanüdçülük, milli birlik və həmrəylik, konstruktvizim, sivil siyasi mübarizə, dövlətin və cəmiyyətin innovativ siyasi, iqtisadi və hüquqi islahatlar yolu ilə irəli aparılmasının vacibliyi önə çəkildi.

Elan olununan siyasi kursun demokratik dəyərləri, hüquqi dövlət və vətəndaş cəmiyyəti quruculuğu prosesinin fundamental  prinsiplərini hələ tam mənimsəməmiş Azərbaycan cəmiyyətinin inkişafı üçün alternativsiz  bir yol olduğuna baxmayaraq, mövcudluqlarını siyasi qarşıdurmalar yolu ilə qoruyub saxlamağa çalışan qüvvələr birləşmiş AXCP-yə qarşı ən radikal mövqedən çıxış etməyə başladılar. Azərbaycan cəmiyyətini “parçala və hökm sür” prinsipi ilə idarə etməyə çalışan xarici dairələr də öz nüfuz müvəkkillərinin bütöv AXCP-yə qarşı apardıqları mübarizəyə açıq və birmənalı dəstək verdilər. Lakin birləşmiş AXCP-nin sədri Qüdrət Həsənquliyevin və partiyanın rəhbərliyində təmsi olunan şəxslərin qətiyyəti və nümayiş etdirdikləri prinsipial mövqe nəticəsində təşkilat Birləşdirici Qurultayda elan olunan siyasi kursundan bir addım da geri çəkilmədi. Azərbaycan Respublikasının Ədliyyə Nazirliyi təqdim olunan təkzibedilməz faktlar və sənədlər əsasında birləşmiş Xalq Cəbhəsi Partiyasını AXCP-nin yeganə hüquqi varisi kimi tanısa da, sonradan xarici qüvvələrin təzyiqi qarşısında hökumət geri çəkildi və partiyanın dövlət qeydiyyatı ləğv olundu. Lakin bu hadisə də partiya üzvlərinin və rəhbərliyinin əzmini qıra bilmədi. Bütöv AXCP ölkənin əksər kütləvi informasiya vasitələrinin və siyasi qüvvələrinin təzyiqi, basqısı və informasiya blokadasına önəm vermədən, fəaliyyətini əzmlə davam etdirdi.

Partiyanın sədri Qüdrət Həsənquliyev 86 saylı İsmayıllı Seçki Dairəsindən Azərbaycan Respublikasının Milli Məclisinə 2003-cü ilin mart ayında keçirilən təkrar seçkilərdə iştirak etdi və əksər siyasi partiyaların, qeyri hökumət təşkilatlarının, kütləvi informasiya vasitələri təmsilçilərinin, eləcə Azərbaycanda dislokasiya olunmuş bütün beynəlxalq təşkilat və diplomatik korpus nümayəndələrinin müşahidə etdiyi seçki prosesini qələbə ilə başa vurdu.

Dövlət qeydiyyatı ilə bağlı yaranmış problemin həlli məqsədilə 2004-cü il aprelin 3-də partiyanın təsis konfransı çağırıldı və təsis konfransında Əbülfəz Elçibəyin mənəvi mirası olan, eləcə də partiyanın Məramnaməsində yer alan Bütöv Azərbaycançılıq məfkurəsi partiyanın adında yer aldı. Beləliklə Azərbaycan Milli Azadlıq Hərəkatının və Azərbaycan Xalq Cəbhəsinin ideoloji xəttinin davamçısı olan partiya fəaliyyətini Bütöv Azərbaycan Xalq Cəbhəsi adı ilə davam etdirməyə başladı.

BAXCP[redaktə | əsas redaktə]

2004-cü ildə Bütöv Azərbaycan Xalq Cəbhəsi Partiyasını (BAXCP) yaradıb.

BAXCP Sədri Qüdrət Həsənquliyev 2005,2010,2015-ci illərdə Azərbaycan Respublikasının Milli Məclisi seçkilər

7 saylı Ordubad-Culfa seçki dairəsindən Millət Vəkili Seçilmişdir.

2003,2008,2013,2018-ci illərdə Azərbaycan Respublikası Prezident seçkilərində iştirak etmişdir.

13.11.2015-də BAXCP Avropa Parlamentinde sayca 3-cü ən güclü fraksiyaya malik Avropa Mühafizəkarlar və İslahatçılar Alyansının tamhüquqlu üzvü oldu.

Qüdrət Həsənquliyev 2008,2013,2018-ci ildə keçirilən qurultaylarında növbəti dəfə BAXCP-nin sədri seçilib.

Mükafatları[redaktə | əsas redaktə]

Parlament Jurnalistləri Birliyi tərəfindən 2004-cü ildə təqdim olunan «İlin Ən fəal millət vəkili» nominasiyası üzrə «Mütərəqqi ideyalar müəllifi» mükafatı ilə təltif olunub. 2005, 2006, 2007, 2008, 2009, 2010,2011,2012,2013,2014,2015,2016,2017-ci illərdə Parlament Jurnalistləri Birliyi tərəfindən müxtəlif mətbuat orqanlarının nümayəndələri arasında keçirilən sorğuda ilin ən fəal beş millət vəkilndən biri seçilib.

Şəxsi həyatı[redaktə | əsas redaktə]

Evlidir, 2 övladı vardır.

İstinadlar[redaktə | əsas redaktə]

AXCP-nin sədrliyinə iddialı olub(2002-2004)

Bütöv Azərbaycan Xalq Cəbhəsi Partiyasının qurucusu və hal-hazırda sədridir.

Mənbə[redaktə | əsas redaktə]

Qüdrət Müzəffər oğlu Həsənquliyev

BAXCP.AZ

Həmçinin bax[redaktə | əsas redaktə]