Qüdrət gəvəni

Ümumi yayılması

Azərbaycan

Azərbaycanda yayılması

Nazçıvan MR-də rast gəlinir.

Statusu

Azərbaycanın nadir və nəsli kəsilməkdə olan bitkisidir. CR B1ab(ı, ıı, ııı,)+2ab(ı, ıı, ııı).

Bitdiyi yer

Naxçıvanda yuxarı dağ qurşağında yayılmışdır.

Təbii ehtiyatı

Azərbaycanda təbii ehtiyatı azdır.

Bioloji xüsusiyyətləri

Təbiətdə hündürlüyü 25–30 sm-ə qədər olan tikanlı koldur. Tikanları dağınıq, 2–3 sm uzunluqda, bənövşə rəngli, düz möhkəm tüklə örtülüdür. Yarpağı 7 cüt, düz, lansetvarı, ucları şiş, 1 sm uzunluqda olub, yaşıl, boz tüklüdür. Yarpaqaltlıqları enli yumurtavarı, qısa tüklü, 8 mm uzunluqdadır. Yarpaq qoltuğunda əmələ gələn 2 çiçək 1–2 sm uzunluqda sünbülvarı çiçək qrupu əmələ gətirir. Çiçəkaltlıqları 5–6 mm uzunluqda, ensiz, yarpağaоxşar, ağ tüklüdür. Kasacığı 5–6 mm uzunluqda, dişicikləri bir-birindən aralıdır. Tacı 10 mm uzunluqda olub, kasacıqdan 2 dəfə uzundur. Dişiciyi uzunsov, qalın tüklüdür. Iyunda çiçəkləyir, avq-ustda toxumu yetişir.

Çохalması

Toxum yolu ilə çoxalır.

Təbii ehtiyatının dəyişilməsi səbəbləri

Başlıca olaraq insan fəaliyyətidir.

Becərilməsi

Becərilmir.

Qəbul edilmiş qoruma tədbirləri

Qəbul edilmiş qoruma tədbiri yoxdur.

Zəruri qoruma tədbirləri

Azərbaycanın "Qırmızı Kitabı"na daxil edilməsi tövsiyə olunur.

Məlumat mənbələri

• Флора Азербайджана. т.5. 1954; Флора Kaвkaзa. т.5. 1954;
• Azərbaycanın ağac və kolları. I cild. 1961;
• Azərbaycan florasının konspekti. I–III cildlər. 2005; 2006; 2008;
• Naxçıvan Muxtar Respublikası florasının taksonomik spektri. 2008;
• Naxçıvan MR-nın flora müxtəlifliyi və onun nadir növlərinin qorunması. 2011.
• Tofiq Məmmədov, Elman İsgəndər, Tariyel Talıbov. "Azərbaycanın Nadir Ağac və kol bitkiləri", Bakı: "Elm", 2014, 380 səh