Qızqayıt Həsənova

Qızqayıt Həsənova
Doğum tarixi	1924(1924-Şablondakı doğum və ya ölüm tarixində texniki yanlışlıq var!-{{{3}}})
Doğum yeri	Xırmandalı, Biləsuvar rayonu Azərbaycan SSR
Vəfat tarixi	22 avqust 2012(2012-08-22)
Vəfat yeri	Xırmandalı, Biləsuvar rayonu, Azərbaycan
Vətəndaşlığı	SSRİ  Azərbaycan
Milliyyəti	Azərbaycanlı
Fəaliyyəti	siyasətçi
Mükafatları	Prezident təqaüdçüsü

Qızqayıt Həsənova (1924, Xırmandalı, Salyan qəzası – 22 avqust 2012(2012-08-22), Xırmandalı, Biləsuvar rayonu) — Sosialist Əməyi Qəhrəmanı (1948).

Həyatı

Qızqayıt Həsənova 1924-cü ildə Biləsuvar rayonunun Xırmandalı kəndində anadan olub. Əmək fəaliyyətinə sıravi kolxozçu kimi başlayıb. Pambıqçılıqda yüksək əmək göstəricilərinə görə o, 1947-ci ildə "Lenin ordeni" ilə təltif olunub, Sosialist Əməyi Qəhrəmanı fəxri adına layiq görülüb. 1953-cü ildən 1996-cı ilə kimi Xırmandalı kəndindəki Telman adına kolxozun sədri işləyib.

Qızqayıt Həsənova 1975-ci ildə Kənd Təsərrüfatı Akademiyasını bitirib. 1984-cü ildə Telman adına kolxoza Qızqayıt Həsənovanın adı verilib.

Qızqayıt Həsənova V-VI çağırış SSRİ Ali Sovetinin, II-X çağırışlar olmaqla 9 dəfə Azərbaycan SSR Ali Sovetinin deputatı, dəfələrlə Azərbaycan KP MK-nın, Azərbaycan SSR Ali Soveti Rəyasət Heyətinin üzvü, Azərbaycan KP Biləsuvar rayon komitəsinin büro üzvü seçilib. 6 Lenin, 2 Oktyabr İnqilabı, 1 Qırmızı Əmək Bayrağı, 1 Xalqlar Dostluğu ordenləri, müxtəlif medal və dövlət mükafatları ilə təltif olunub. Azərbaycan Respublikası Prezidentinin təqaüdçüsü olub.

Məşhəd, Kərbəla və Həcc ziyarətlərində olub.

2012-ci ildə Sosialist Əməyi Qəhrəmanı Qızqayıt Salman qızı Həsənova 88 yaşında vəfat edib.

Mənbə

• [1]
• [2]

Həmçinin bax

• Muğan qızı (film, 1972)