Qəbələ şəhər stadionu

Vikipediya, açıq ensiklopediya
Jump to navigation Jump to search
Qəbələ şəhər stadionu
Yeri Qəbələ, Flag of Azerbaijan.svg Azərbaycan
Açılma tarixi 1985
Tamaşaçı tutumu4 500
Ev sahibi komandaQəbələ

Qəbələ şəhər stadionu"Qəbələ" İdman Klubunun stadionu.

Tarixi[redaktə | əsas redaktə]

Qəbələ şəhər stadionu 1985-ci ildə Tütün Fermentləmə Zavodunun nəzdində tikilib istifadəyə verilib. Ərazisi 6 hektardır. Stadionda əsas meydança ilə yanaşı, kiçik məşq meydançaları da mövcuddur. 2005-ci ildən etibarən stadionun bərpasına başlanılıb. Həmin dövrdə plastik oturacaqlar yerləşdirilib və tamaşaçı tutumu 2 minə bərabər olub. Eyni zamanda ot örtüyü də yenilənib. 2006-cı ildə müasir tələblərə cavab verən soyunub-geyinmə otaqları, su problemini aradan qaldırmaq üçün artezian quyuları və idmançıları fiziki hazırlıqlarını artırmaları üçün trenajor zalı istifadəyə verilib. 2007-ci ildən etibarən stadionun əsaslı təmir edilməsi qərara alınıb. Hazırda əsas komandanın oyunlarını keçirdiyi stadionun daxili yarışlar üçün 4, beynəlxalq yarışlar üçün 2 min nəfərlik tamaşaçı tutumu mövcuddur. Meydançanın örtüyü təbiidir və aşağıdan isitmə sistemi ilə fəaliyyət göstərir. 8 nəfərdən ibarət işçi qrupunun fəaliyyət göstərdiyi meydança məhz yüksək diqqət sayəsində nəinki ölkə və region, hətta bütün Avropada ən yaxşılardan biri hesab edilir.

Meydançalar[redaktə | əsas redaktə]

- Əsas stadionun meydançası (təbii, isitmə sistemli)

- Gənclərdən ibarət komandaların oyun meydançası (təbii)

- Məşq meydançaları (3 ədəd, təbii)

- Məşq meydançaları (2 ədəd, süni)

- Məşq meydançası (1 ədəd, süni, qapalı)

- Məşq meydançasl (2 ədəd, süni, kiçik ölçülü)

- Məşq meydançası (1 ədəd, qum, 35 m X 35 m)

Beynəlxalq oyunlar[redaktə | əsas redaktə]

UEFA Avropa Liqası

2015. "Qəbələ" - "Şiroki Briyeq" (Bosniya və Herseqovina) 0:2

2016. "Qəbələ" - "Dinamo" (Tbilisi, Gürcüstan) 2:1

2018. "Qəbələ" - "Proqre" (Lüksemburq) 0:2

UEFA Gənclər Liqası

2017. "Qəbələ" - "Dinamo" (Moskva, Rusiya) 0:2

Hazırda Qəbələ şəhər stadionunda 30-a yaxın işçi işləyir. Stadionun direktoru Mübariz Əhmədovdur.

Mənbə[redaktə | əsas redaktə]