Qəbələ Olimpiya İdman Kompleksi

Vikipediya, azad ensiklopediya
Jump to navigation Jump to search

Qəbələ Olimpiya İdman Kompleksi (rəsmi adı: "Qəbələ Olimpiya İdman Kompleksi" MMC) — Azərbaycan Respublikasının Qəbələ rayonunun Qəbələ şəhərinin mərkəzində yerləşən olimpiya idman qurğusu. Azərbaycan Respublikası Gənclər və İdman Nazirliyinin strukturuna daxil olmayan tabeliyindəki təsərrüfathesablı qurumdur[1]

Tarixi[redaktə | əsas redaktə]

Qəbələ Olimpiya İdman Kompleksinin tikintisinə 2007-ci ildə başlanılmışdır; 2011-ci il noyabrın 18-də istifadəyə verilmişdir. Həmin gün Azərbaycan Respublikasının Prezident İlham Əliyev Qəbələ Olimpiya İdman Kompleksinin açılışında iştirak etmişdir.[2]

Fəaliyyəti[redaktə | əsas redaktə]

Bu nəhəng idman qurğusunun inşası üçün 4,3 hektar torpaq sahəsi ayrılmışdır. Yüksək səviyyədə aparılmış tikinti işləri bu ilin oktyabrında başa çatdırılmışdır. İkimərtəbəli kompleksdə idman zalı, üzgüçülük hovuzu, trenajor zalları, yeməkxana, məşq zalları və kotteclər yaradılmışdır. Kompleks Qəbələdə idmanın müxtəlif sahələrinin müasir standartlar səviyyəsində inkişaf etdirilməsi üçün lazımi avadanlıqla təchiz olunmuşdur.[2]

Kompleksdə mini kafe fəaliyyət göstərir. Burada idmançıların asudə vaxtlarının səmərəli keçirmələri üçün hər cür şərait vardır. Bunun üçün kompleksin ikinci mərtəbəsində bilyard və tennis masaları quraşdırılmışdır.[2]

Əsas binanın tikinti sahəsi 9 min kvadratmetrdir. Kompleksin birinci mərtəbəsində Heydər Əliyevin və Prezident İlham Əliyevin ölkədə bədən tərbiyəsinin və idmanın inkişafına göstərdikləri diqqət və qayğını, həmçinin idmançıların müxtəlif beynəlxalq yarışlarda uğurlarını əks etdirən fotostendlər quraşdırılmışdır.[2]

İdmanın mini futbol, basketbol, voleybol, gimnastika, boks, güləş növləri üzrə beynəlxalq səviyyəli turnirlərin keçiriləcəyi idman zalında yarışları izləyəcək tamaşaçılar üçün 720 oturacaq quraşdırılmışdır. Burada qadın və kişilər üçün ayrı-ayrılıqda trenajor zalları yaradılmışdır. Zallar müasir avadanlıq ilə təchiz olunmuşdur.[2]

Üzgüçülük hovuzunda xüsusi nəmalma qurğusu quraşdırılmışdır. Buradakı yarışları 80 nəfər izləyə bilir.[2]

Açıq havada yaradılan idman qurğularından olan süni örtüklü açıq stadion 1540 tamaşaçı tutumuna malikdir. Bundan başqa, burada mini futbol, tennis kortu, basketbol və voleybol meydançaları vardır.[2]

Kompleksdə hər cür şəraiti olan üç kottec də inşa olunmuşdur. Burada həm idmançılar, həm də qonaqlar istirahət edə bilərlər.[2]

Qəbələ Olimpiya İdman Kompleksinin ərazisində 10 min kvadratmetrlik sahədə abadlıq və yaşıllaşdırma işləri görülmüşdür. Fərdi qazanxanası, transformator yarımstansiyası, su anbarı, artezian quyuları olan idman qurğusunda mühafizə və yanğınsöndürmə sistemləri quraşdırılmışdır. Bu müasir olimpiya kompleksi rayonda idmanın geniş yayılmasına və daha da inkişafına hərtərəfli təkan verir.[2]

İstinadlar[redaktə | əsas redaktə]

  1. ""Azərbaycan Respublikası Gənclər və İdman Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 2011-ci il 6 dekabr tarixli 193 nömrəli Qərarı. e-qanun.az  (azərb.)
  2. 2,0 2,1 2,2 2,3 2,4 2,5 2,6 2,7 2,8 İlham Əliyev Qəbələ Olimpiya İdman Kompleksinin açılışında iştirak etmişdir. president.az, 18.11.2011  (azərb.)

Xarici keçidlər[redaktə | əsas redaktə]

Azərbaycan Azərbaycan olimpiya idman kompleksləri

AbşeronAğcabədiAğdamAğdaşBalakənBərdəBiləsuvarFüzuliGöyçayHövsanİsmayıllıKürdəmirOğuzSabirabadŞağanŞəmkirGəncəTovuzİmişliQəbələSumqayıtAstaraCəlilabadQobustanXaçmazŞirvanQaxGöygölQazaxQubaLənkəranMasallıMaştağaNaxçıvanSaatlıSalyanSərhədçiŞamaxıŞəkiŞərurZaqatala