Qalatasaray Universiteti

Vikipediya, azad ensiklopediya
Jump to navigation Jump to search
Qalatasaray Universiteti
GSÜ
türk. Galatasaray Üniversitesi
Loqonun şəkli
GalatasarayUniversity2012.jpg
Əvvəlki adı Galata Sarayı Enderun-u Hümayunu
Əsası qoyulub Galata Sarayı Enderun-u Hümayunu (1481)
Galatasaray Üniversitesi (1992)
Tip Dövlət universiteti
Rektor Prof. Dr. Ərtuğrul Karsak
Tələbə sayı 2.500 (2018)
Müəllim sayı 200
Ölkə
Ünvan İstanbul, Beşiktaş, Ortaköy, Çırağan məhəlləsi 34349
Metro orta Bayrampaşa stansiyası
Sayt Galatasaray Üniversitesi
Vikianbarın loqosu Vikianbarda əlaqəli mediafayllar

Qalatasaray Universitetiİstanbulun Beşiktaş ilçəsində, Ortaköy səmtində yerləşən fransız dilli universitet. Qalatasaray Universiteti, Qalatasaray İdman Klubu və Qalatasaray Liseyi ilə birlikdə Qalatasaray Qrupunun ən əhəmiyyətli qurumlarından biridir.

Tarixçə[redaktə | mənbəni redaktə et]

Fransızca olan Qalatasaray Liseyinin davamı olaraq bir ali məktəbin yaradılması ideyası 1970-ci illərdə ortaya çıxdı və 1979-cu ildə keçmiş prezident və iş adamı Səlahəddin Bəyazid, Bülənt ƏcəvitSüleyman Dəmirəl ilə görüşərək ilk mühüm addımı atdı. Bəyazid, İstanbulun Bəykoz ilçəsində, Riva səmtində, 1975-ci ildə Qalatasaray klubu tərəfindən alınan torpaq sahəsinin 1.175.000 kvadrat metr hissəsində universitetinin tikilməsini təklif etdi. Universitetin qurulması ilə bağlı müzakirələr davam etdi və 1984-cü ildə Qalatasaray Təhsil Vəqfi Başçısı İnan Qıraç, "Qalatasaray Universitetinin qurulması üçün işə başladıq" dedi və bu fikrin artıq yetkin olduğuna işarə verdi.[2]

Ortaköy, Qalatasaray Liseyində fəaliyyətə başlayan Qalatasaray Təhsil Təşkilatı, Rivadakı torpağın yerinə 1994-cü ilin iyununa qədər burada fəaliyyət göstərdi. Yerli imtahan ilk dəfə 23 may 1993-cü ildə keçirildi və prezident Süleyman Dəmirəl ilk tədris ilinin açılışı ilə əlaqədar 11 oktyabr 1993-cü ildə qurumu ziyarət etdi. 13 dekabr 1993-cü ildə Fransanın bir çox universiteti ilə əməkdaşlıq protokolları imzalanmışdır.[3]

Qurum, 6 iyun 1994-cü il tarixli və 21952 nömrəli Rəsmi Qəzetdə dərc edilmiş 3993 nömrəli qanunla Qalatasaray Universitetinə çevrildi. Qanunun hazırlanması və qəbulu zamanı, o dövrdə DYP İstanbul Millət vəkili olaraq vəzifə yerinə yetirən Coşqun Kırca da böyük töhfələr vermişdir.

Qurum universitet statusu alsa da, vahid bir təhsil müəssisəsi olaraq qaldı və Qalatasaray Liseyi və Qalatasaray İbtidai məktəbi Qalatasaray Universitetinə bağlı tədris vahidləri olaraq təyin olundu.

Saray binasında yanğın[redaktə | mənbəni redaktə et]

Qalatasaray Universitetinin Bosfordan görünümü

22 yanvar 2013-cü ildə saray binasının damı və üçüncü mərtəbəsi tamamilə yandı və qısa qapanmadan çıxan böyük bir qığılcımla bina yararsız hala düşdü. Qalatasaray Təhsil Vəqfi binanın Qalatasaray Universiteti tərəfindən yenidən istifadəyə verilməsi üçün bütün işləri gördü və cəmiyyət adından işə başladı.

Təmir və bərpa işləri 30 may 2016-cı ildə başlamış və 5 may 2019-cu ildə tamamlanmışdır.

Tələbə mübadilə proqramları[redaktə | mənbəni redaktə et]

Qalatasaray Universiteti hər il "Erasmus" və "Sokrates" mübadilə proqramları çərçivəsində təxminən 250 Avropa tələbəsini qəbul edir və 150-yə qədər tələbəni Avropanın müxtəlif universitetlərinə, xüsusən də FransaBelçikaya göndərir.

Məzunlar Birliyi Dərnəyi[redaktə | mənbəni redaktə et]

Universitet məzunları arasında həmrəyliyi gücləndirməyi hədəfləyən GSÜMED, 27 avqust 2002-ci ildə qurulmuşdur.

Rektorlar[redaktə | mənbəni redaktə et]

  • Qurucu Rektor Prof. Dr. Yıldızxan Yayla
  • Prof. Dr. Ərdoğan Teziç (2000-2003)
  • Prof. Dr. Duygun Yarsuvat (2004-2008)
  • Prof. Dr. Ethem Tolqa (2008-2015)
  • Prof. Dr. Ərtuğrul Karsak (2015 - h.h)

İstinadlar[redaktə | mənbəni redaktə et]

  1. 1 2 Directory of Open Access Journals. 2003.
  2. "Erdoğan 6 rektörü atadı". Al Jazeera Turk - Ortadoğu, Kafkasya, Balkanlar, Türkiye ve çevresindeki bölgeden son dakika haberleri ve analizler. 8 avqust 2015. Archived from the original on 2015-08-08. İstifadə tarixi: 5 mart 2020.
  3. "Galatasaray Üniversitesi". gsu.edu.tr. 10 iyun 2015. Archived from the original on 2015-06-10. İstifadə tarixi: 2022-04-11.

Həmçinin bax[redaktə | mənbəni redaktə et]