Qanlı Toy
| Qanlı toy | |
|---|---|
| Bodas de Sangre | |
 Mingəçevir Dövlət Dram Teatrının 2019-cu ildə hazırladığı tamaşanın afişası | |
| Janr | faciə |
| Müəllif | Federiko Qarsiya Lorka |
| Orijinal dili | ispan dili |
| Yazılma ili | 1931 |
| Elektron versiya | |
 Vikianbarda əlaqəli mediafayllar | |
Qanlı toy (isp. Bodas de Sangre) - ispan yazıçı, dramaturq Federiko Qarsiya Lorka tərəfindən 1931-ci ildə yazılmış faciə janrında üç pərdəli pyes.
Mövzu[redaktə | mənbəni redaktə et]
Feliks ailəsi ilə davam edən qan düşmənçiliyində bir oğlu və ərini itirən Ananın digər oğlu evlənmək üzrədir. Bəyin istədiyi qız, Gəlin, bir neçə il əvvəl Feliks ailəsindən olan Leonardo ilə görümüş, lakin daha sonra aralarında mübahisə düşmüş və ayrılmışlar. Leonardo Gəlinin əmisiqızı ilə evlənmiş və təzəcə doğulmuş bir uşağı var. Gəlin Leonardoya qarşı ehtirasını, sevgisini saxlamış, lakin Bəylə evlənməyə razılıq vermişdir. Bəylə Gəlinin toy gecəsi qonaq kimi ailəsi ilə dəvət edilən Leonardo Gəlini də ikna edərək toydan qaçırlar. Bundan xəbər tutan Bəy və qohumlar onların axtarışına çıxır. Gecənin bir vaxtı qaçaq sevgililərin önlərini kəsən Bəy Leonardo ilə təkbətək döyüşə girir və nəticədə hər ikisi ölür. Sevgilisini itirən Gəlin, ərini itirən Gəlinin əmisiqızı (Leonardonun arvadı) və yeganə oğlunu itirən Ana öz faciələrini yaşayırlar.
Əsər 1930-cu ilin əvvəlində Əndəlüsdə bir region qəzetində çıxan cinayət xəbərindən ilham alınaraq yazılmışdır.
Personajlar[1][redaktə | mənbəni redaktə et]
Ana Gəlin
Bəy Gəlinin atası
Qonşu qadın Qulluqçu qadın
Leonardo Gənc qızlar
Qaynana Gəncə oğlanlar
Leonardonun arvadı Odunçular
Gəlin Ay
Ölüm (Dilənçi qadın qılığında)
Simvolizm[redaktə | mənbəni redaktə et]
Federiko Qarsiya Lorka əsərlərində bir çox simvolizmdən istifadə etmişdir. Lakin bu simvolizmə edilən şərhlər daha sonralar ədəbiyyatşünasların problemi olmuşdur, bu barədə müxtəlif elmi əsərlər yazılmışdır. Bu səbəbdən müxtəlif tədqiqatçıların subyektiv fikirləri və şərhləri mövcuddur.[2]
Dilənçi qadın: ölümü təmsil edir
Ay: Həm həyatı, həm də ölümü bildirir.
Çay: Həyatın davam etdiyini bildirir.
Qırmızı yumaq: ölüm
Torpaq: Ana, ana torpaq, həyat