Qarışqa-adam (film, 2015)

Vikipediya, azad ensiklopediya
Jump to navigation Jump to search
Qarışqa-adam
Ant-Man
Qarışqa-adam (film, 2015).jpg
Janr döyüş filmi[4][5][…], elmi-fantastika filmi[d][7][8][…], Super qəhrəman filmləri, macəra filmi[10], komediya filmi
Rejissor Peyton Rid
Prodüser Kevin Feyc
Əsərin müəllifi Sten Li
Ssenari müəllifi Edqar Rayt
Co Korniş
Adam Makkay
Pol Radd
Baş rollarda Pol Radd
Evancelin Lilli
Kori Stoll
Bobbi Kannavale
Maykl Penya
Klifford Cozef
Antoni Maki
Vud Harris
Cudi Qrir
Deyvid Dasmalçian
Maykl Duqlas
Bəstəkar Kristofer Bek
İstehsalçı Marvel Studios
İlk baxış tarixi 29 iyun 2015
Filmin növü fantastika
Rəng rəngli
Vaxt 117 dəqiqə[1]
Büdcə 130 milyon $[2]
Gəlir 401,4 milyon $[3]
Ölkə ABŞ ABŞ
Dil ingilis
Əvvəlki film Qisasçılar: Ultron Dövrü
Sonrakı film Qarışqa-adam və Eşşək arısı
Commons-logo.svg Vikianbarda əlaqəli mediafayllar

Qarışqa-adam (ing. Ant-Man, rus. Человек-муравей) — Marvel Studios tərəfindən 2015-ci ildə çəkilən super qəhrəman film. Film komiks dünyasında Qarışqa-adam kimi tanınan iki şəxsin — Skott Lenq və Henk Pimdən bəhs edir. Film Marvel Film Dünyasının 12-ci filmidir. Peyton Ridin rejissoru olduğu filmin əsas rollarında Pol Radd, Evencelin Lilli, Kori Stol, Maykl Duqlas, Maykl Pena, Bobbi Kannavale, Klifford Cozef, Antoni Maki oynamışdır. Filmin senarisi Co Korniş, Edqar Rayt, Adam Makkay və Pol Radd tərəfindən yazılmışdır. Filmin senarisinə görə Skatt Lenq Qarışqa-adam olmalı, Henk Pimin texnologiyasını qorumalı, Sarı Jaketə qarşı mübarizə aparmalı və dünyanın təhlükəsizliyini təmin etməli idi.

Film üzərində işlər 2006-cı ilin aprelində Co Korniş və Edqar Raytın senari yazması ilə başlamışdır. Senarinin yazılması 2011-ci ilin aprelində bitmiş, 2012-ci ilin iyulunda Rayt sınaq görüntülərinin çəkilməsinə start vermişdir. Çəkilişlər 2013-cü ilin oktyabrında Raytın "Dünyanın sonu" filmi üzərində işini bitirməsindən sonra başlamışdır. 2013-cü ilin dekabrında film üçün aktyor seçimləri start götürmüşdür və Paul Radd Skott Lenq rolu üçün seçilmişdir. 2014-cü ilin mayında Rayt layihədən çıxmış, əvəzinə filmin rejissoru Peyton Rid olmuşdur. Radd və Makkay senariyə əlavələr etmişdirlər. Əsas çəkilişlər avqust-dekabr 2014-cü il tarixlərində Atlantada və San-Fransiskoda baş tutmuşdur.

"Qarışqa-adam" premyerasını 29 iyun 2015-ci ildə Los-Ancelesdə etmişdir. Şimali Amerikada 17 iyul, Azərbaycanda isə 16 iyul tarixindən kinoteatrlarda göstərilmişdir.

Məzmun[redaktə | əsas redaktə]

Tanışlıq[redaktə | əsas redaktə]

Filmin rejissoru Peyton Rid

Təhlükəsizlik sistemi olduqca güclü olan bir şirkətə soxula bilən və buna görə həbs olunan təcrübəli elektrik mühəndisi Skott Lenq 3 il həbsxanada qaldıqdan sonra azad olunur. Dostu Luiz ona yeni oğurluq işi təklif edir. Amma Skott bu təklifi geri çevirir. Luiz, Deyv və Kurtla birlikdə yaşamağa başlayır, özünə bir kafedə iş tapır.

Lakin müdir onun həbsxanadan çıxdığını öyrəndikdən sonra onu işdən qovur. Skott daha sonra qızı Kassinin evinə yollanır. Skott həyat yoldaşı Meqqi ilə artıq boşanmışdırlar və münasibətləri yaxşı deyil. Meqqi polis rəisi Pakston ilə evlidir. Skott qızı Kassinin ad gününə yollandıqda Pakstonun və Meqqinin təzyiqləri ilə üzləşir. Meqqi ev tutduqdan, aliment verdikdən və iş tapdıqdan sonra qızı ilə görüşə biləcəyini deyir.

Bu zaman Pimtech şirkətində işlər qarışır. Şirkətin keçmiş sahibi Henk Pimin əvəzinə onun keçmiş şagirdi Darren Krossdur. Henk Pim 1963-cü ildə canlıları və cisimləri kiçildə bilən Pim hissəciklərini tapmışdır. Amma Henk Pim bu gücün çox təhlükəli olduğunu bildiyindən bunu dünyadan gizlədir, uzun müddət Qarışqa-adam olur. Şagirdi Darren onun bu sirrini açmaq üçün əlindən gələni edir. Henk Pimin şirkətdən atılmasından sonra, nəhayət, cisimləri kiçiltməyin sirrini tapır. Bunun əsasında işləyən Sarı Jaket adlı kostyumun təqdimatını edir. Bundan narahat olan Henk qızı Hopla birlikdə onu dayandırmağı planlaşdırır. Qızı Qarışqa-adam kostyumunu ona verməsini təkid edir, amma Henk başqa birini tapdığını deyir.

Həyatda işləri yaxşı getməyən Skott dostlarının təklifini qəbul edir və yenidən oğurluq etməyə qərar verir. Uzun müddətli hazırlıqlardan sonra dördü də oğurluq üçün nəzərdə tutulmuş evə oğurluğa gedirlər. Evin yaxşı qorunmasına baxmayaraq Skott maneləri aşaraq seyfi açır. Amma pul və daş-qaş əvəzinə Qarışqa-adam kostyumunu tapır.

Məyus halda evə qayıdan Skott kostyumun nə işə yaradığını bilmək üçün hamamda onu geyinir. Səhvən kostyumun kiçilmə düyməsinə basır və kiçilir. Maskadan isə Henk Pimin səsi gəlir. Başqa aləmə düşən Skott Lenq kiçik macəradan sonra böyüyür, kostyumu qaytarmaq üçün həmin evə qayıdır. Lakin polislər tərəfindən yaxalanır.

Həbsxanaya gələr-gəlməz polislər onun ziyarətinə vəkilin gəldiyini xəbər verirlər. Bu Henk Pimdir. Henk Pim ona gizli bir şəkildə seçim etməsi haqqında söhbət aparır. Bundan heç nə başa düşməyən Skott hücrədə olarkən qarışqalar tərəfindən gətirilmiş və kiçildilmiş kostyumu gətirir. Onu geyərək həbsxanadan qaçır, qarışqanın üzərinə minib uçur. Amma yolda huşunu itirir.

Qarışqa-adam olması[redaktə | əsas redaktə]

Qarışqa-adam Sarı Jaketə qarşı.

Skott oyandıqda özünü Henk Pimin evində tapır. Henk və Hop vəziyyəti ona başa salırlar. Oğurluq işinin Henk tərəfindən planlaşdırıldığı məlum olur. Henk ondan Pimtech binasına girərək Sarı Jaket kostyumunu oğurlamasını, binanı partlatmasını istəyir. Lakin, əvvəlcə onun Qarışqa-adam olması lazımdır. Skott Lenq əvvəlcə tərəddüd edir, amma təklifi qəbul edir.

Növbəti gün təlimlər başlayır. Hop ona döyüş təlimi keçir. Skott böyüyüb-kiçilmə üzərində işləyir. Daha sonra Henk onu qarışqa növləri və onların xüsusiyyətləri ilə tanış edir. Skott minmək üçün istifadə etdiyi Henknı Antoni adlandırır. Əvvəl çətinlik çəkən Skott daha sonra bu işi qavrayır. İlk iş olaraq Skott Stark anbarlarında saxlanılan və Henkin icad etdiyi bir siqnal kəsicini oğurlamalıdır. Ora yollanan Skott burada həm də Qisasçıların iqamətgahının yerləşdiyini görür. Henk və Hop missiyanı dayandırmağı istəyir, amma Skott davam edir. Yeni Qisasçıların üzvü Şahinlə rastlaşır. Onunla döyüşən Skott qalib gəlir və lazımı cihazı oğurlayır.

Növbəti hədəf Pimtech binasına soxulmaq olur. Amma Darrenin təhlükəsizliyi gücləndirdiyi məlum olur. Buna görə Luiz, Deyv və Kurt da bu işə qatılırlar. Plan qurulur. Skott binaya girir. Binaya bomba quraşdırır. Az qala Sarı Jaketi oğurlayarkən Darren onu şüşə kürənin içinə həbs edir. Darren Henki öldürmək istəyərkən Skott birdən kürəni kiçildib sındıraraq sıçrayır, buna mane olur. Darren aradan çıxır və vertalyota minir. Qarışqa-adam onun dalınca düşür. Bu zaman Darren Antonini öldürür. Darren Sarı Jaketi geyinir və ikisi döyüşməyə başlayır. Skottun komandası binanı tərk edir və bina partlayır. Darren artıq qisas üçün döyüşür. Vertalyotdan hovuza düşürlər. Polislər Skottu yaxalayır. Pakston onu polis bölməsinə apararkən Sarı Jaketin qızı Kassiyə hücum etdiyi məlum olur. Pakston maşını ora sürür. Skott yenə Qarışqa-adama çevrilir, Sarı Jaketlə döyüşməyə başlayır. Sarı Jaket qızı və Pakstonu öldürmək üzərə ikən Skott məcbur molekulyar səviyyədə kiçilir və onun paltarını məhv edib Darreni öldürür. Amma Skott kiçilməyə davam edib kvant dünyasına düşür. Henkin ona verdiyi böyümə diski vasitəsilə normal ölçüsünə qayıdır.

Bu hadisələrdən sonra işləri qaydasına düşür. Pakston onu qızı ilə görüşməyə icazə verir. Skott və Hop sevgili olurlar. Henk Hopa ölmüş anasının bir zamanlar geydiyi Eşşək arısı kostyumunu təqdim edir. Luiz isə Skotta Yeni Qisasçıların üzvü olan Şahinin komandası üçün onu axtardığı haqqında məlumat verir.

Rollarda[redaktə | əsas redaktə]

Pol Radd Qarışqa-adam rolunda.
Aktyor Rol
Pol Radd[11][12][13][14][15] Skott Lenq / Qarışqa adam: Filmin baş qəhrəmanı, Sarı Jaketlə döyüşəcək şəxs Skott Lenq / Qarışqa adam: Filmin baş qəhrəmanı, Sarı Jaketlə döyüşəcək şəxs
Evancelin Lilli Hop van Din: Henk Pimin qızı, Pimtech şirkətinin idarəçilərindən biri, gələcək Eşşək arısı Hop van Din: Henk Pimin qızı, Pimtech şirkətinin idarəçilərindən biri, gələcək Eşşək arısı
Kori Stoll Darren Kross / Sarı Jaket: Qarışqa-adamın düşməni və filmin baş qəhrəmanı, Pimtech şirkətinin sahibi Darren Kross / Sarı Jaket: Qarışqa-adamın düşməni və filmin baş qəhrəmanı, Pimtech şirkətinin sahibi
Maykl Duqlas Henk Pim: Pimtech şirkətinin keçmiş sahibi, Qarışqa-adam kostyumunun ixtiraçısı, alim və keçmiş SHIELD cəsusu. Henk Pim: Pimtech şirkətinin keçmiş sahibi, Qarışqa-adam kostyumunun ixtiraçısı, alim və keçmiş SHIELD cəsusu.
Maykl Pena Luiz: Skottun həbsxana yoldaşı və oğru dəstənin üzvü Luiz: Skottun həbsxana yoldaşı və oğru dəstənin üzvü
Kliffor Cozef Deyv: Skottun oğru dəstəsinin üzvü Deyv: Skottun oğru dəstəsinin üzvü
Cudi Qrir Meqqi: Skottun keçmiş həyat yoldaşı Meqqi: Skottun keçmiş həyat yoldaşı
Bobbi Kannavale Pakston: Meqqinin yeni həyat yoldaşı, polis rəisi Pakston: Meqqinin yeni həyat yoldaşı, polis rəisi
Antoni Maki Sem Uilson / Şahin: Qisasçıların üzvü. Sem Uilson / Şahin: Qisasçıların üzvü.
Vud Harris Qeyl: Pakstonun həmkarı Qeyl: Pakstonun həmkarı
Deyvid Dasmalçian Kurt: Skottun oğru dəstəsinin üzvü. Kurt: Skottun oğru dəstəsinin üzvü.

İstinadlar[redaktə | əsas redaktə]

  1. "ANT-MAN [2D]".
  2. "Paul Rudd and Marvel's Kevin Feige Reveal 'Ant-Man's' Saga, from Director Shuffle to Screenplay Surgery to Studio's "Phase Three" Plans".
  3. "Ant-Man (2015)". Box Office Mojo. İstifadə tarixi: September 21, 2015.
  4. http://www.imdb.com/title/tt0478970/
  5. http://www.siamzone.com/movie/m/7699
  6. http://www.bbfc.co.uk/releases/ant-man-film-0
  7. http://www.allocine.fr/film/fichefilm_gen_cfilm=130438.html
  8. http://www.nytimes.com/2015/07/17/movies/review-ant-man-with-paul-rudd-adds-to-a-superhero-infestation.html?_r=0
  9. http://www.metacritic.com/movie/ant-man
  10. https://www.fxguide.com/featured/ant-man-marvels-heist-film/
  11. "Director Peyton Reed and Writer Adam McKay Join Marvel's Ant-Man".
  12. "ANT-MAN Plot Points, Arrow & Sin City 2 Trailers, X-MEN: Days, AVENGERS 2 Movie News".
  13. "Michael Douglas to Play Hank Pym in Marvel's 'Ant-Man'".
  14. [marvel.com/antman "Rəsmi sayt"] (#bad_url).
  15. "'Ant-Man' Viral: Interviews With Scott Lang and Pym Technologies CEO Darren Cross".

Xarici keçidlər[redaktə | əsas redaktə]

Vikianbarda Qarışqa-adam (film, 2015) ilə əlaqəli mediafayllar var.