Qara pişik (komiks)

Vikipediya, açıq ensiklopediya
Jump to navigation Jump to search
Qara pişik
ing. Black Cat
BlkCatfh.jpg
Qara pişik.
NəşriyyatMarvel Comics
Yayım tarixi"The Amazing Spider-Man" #194 (iyul 1979)
Yaradıcı(lar)Marv Volfman
Deyv Kokrum
Xüsusiyyətlər
Əsl adıFelisiya Hardi
Doğum yeriFlushing[d]
Cinsiyyətiqadın
VətəndaşlıqFlag of the United States.svg ABŞ
Komiks bioqrafiyası
ÜzvlükləriMuzdlu qəhrəmanlar
Müdafiəçilər[1]
Qara pişiyin dəstəsi[2]
PartnerləriHörümçək-adam
LəqəbləriFelisiya Hermon
Parti Hardi
GücləriEhtimal manipulyasiyası
Usta oğru
Usta döyüş sənətçisi və əlbəyaxa döyüşçü
Bacarıqlı gimnast
Kontakt linzaları ilə müxtəlif məsafələri görmək
Qamçı, iti caynaqlar və dırmaşma pitonlarından istifadə

Qara pişik (ing. Black Cat) və ya əsl adı ilə Felisiya Hardi (ing. Felicia Hardy) – Marvel Comics tərəfindən nəşr olunan komikslərdə peyda olan uydurma personaj. Marv VolfmanDeyv Kokrum tərəfindən yaradılmış, ilk dəfə "The Amazing Spider-Man" komiksinin 194-cü sayında (iyul 1979) peyda olmuşdur. Qara pişik Hörümçək-adamın bir müddətlik sevgilisi, həm düşməni, həm də müttəfiqidir.

Qara pişik "Wizard" jurnalının ən böyük komiks personajları siyahısında 152-ci yerdə göstərilmişdir. IGN personajı "Top-25 Hörümçək-adam" düşməni siyahısında 24-cü yerdə vermişdir. Comics Buyer's Guide "Komikslərdə 100 ən seksual qadın" siyahısında onu 27-ci yerdə göstərmişdir.

Qara pişik bir neçə video oyun, animasiya serialı və məhsulda görünmüşdür. "Hörümçək-adam 4" filmində görünməsi planlaşdırılsa da, film ləğv olunmuşdur. "Heyranedici Hörümçək-adam 2" filmində Felisiti Cons Felisiya Hardini canlandırmışdır.[3] 22 mart 2017-ci ildə Sony Qara pişik və Gümüş samur personajlarından bəhs edən "Qara və Gümüş" filminin istehsal olunacağını açıqlamışdır. Filmin 8 fevral 2019-cu ildə buraxılması planlaşdırılır.[4]

Nəşrolunma tarixi[redaktə | əsas redaktə]

Qara pişiyin ilk dəfə göründüyü "The Amazing Spider-Man" komiksinin 194-cü sayı.

Qara pişik Marv VolfmanDeyv Kokrum tərəfindən yaradılmış, ilk dəfə "The Amazing Spider-Man" komiksinin 194-cü sayında (iyul 1979) peyda olmuşdur.

Bioqrafiya[redaktə | əsas redaktə]

Felisiya Hardi Nyu-Yorkun Kuins rayonunda anadan olmuşdur. Atası Uolter özünü səyahət agenti kimi təqdim etsə də, dünyaca məşhur pişik oğrusudur. Atası həbs olunana qədər qızına heç vaxt ikinci ən yaxşı olmamağı öyrətmişdir. Əgər basketbolu sevirsə, çerlidinq yox, basketbol oyunçusu olmalıdır.

İmperiya Dövlət Universitetinə daxil olan Felisiya Rayan adlı sevgilisinin təcavüzünə məruz qalır. Qurban olmaqdan nifrət edən Felisiya ona təcavüz edən öldürmək üçün döyüşməyi və akrobatikanı öyrənir. Nəhayət bir neçə aylıq hazırlıqdan sonra qisas almaq üçün yola düşür, lakin təcavüzkar içkili şəkildə maşın sürərkən qəzada ölür. Şansı əldən buraxdığı üçün əsəbləşən Felisiya atasının yolu ilə getmək üçün bacarıqlarını inkişaf etdirməyə qərar verir.

Qara pişik adını götürən Felisiya əvvəlcə atasını həbsxanadan xilas etməyə çalışır, amma Hörümçək-adamla qarşılaşır. Atası ölür, öz ölümünü də saxtalaşdırır.[5] Kişilərə nifrət edən Qara pişik Hörümçək-adama qarşı da əvvəlcə kin bəsləyir. Lakin zaman keçdikcə Hörümçək-adam onun güvənə biləcəyi, hətta sevgi bəsləyə biləcəyi ilk şəxsə çevrilir.[6] Felisiya onun güvənini və sevgisini qazanmaq üçün Qara pişik şəxsiyyətinə davam edir. Onun içindəki yaxşı tərəfi görən Hörümçək-adam onun işlədiyi hər cinayəti silməyə çalışır.

Güclər[redaktə | əsas redaktə]

Əvvəlcə Qara pişiyin heç bir supergücü yox idi. Lakin Kinqpin tərəfindən keçirilmiş test sayəsində şansı və ehtimalı manipulyasiya etmək gücü qazanmışdır. Bu güc sayəsində düşmənlərinə "pis bəxt" gətirə bilir.[7] Doktor Strenc daha sonra bu gücü ondan götürsə də, Qara pişik pişiklərə xas bacarıqlara malik olmuşdur. Pişiklərlə nisbi şəkildə gecə yaxşı görür, sürətlidir, güclüdür, dözümlüdür.[8] Felisiya "pis bəxt" gücünü daha sonra yenidən qazanmışdır.[9] Bunlardan əlavə, Qara pişik usta akrobat və döyüşçüdür.

İstinadlar[redaktə | əsas redaktə]

  1. Defenders vol 4 #8 (July 2012)
  2. Amazing Spider-Man Vol 3 #6
  3. "Felicity Jones Drops a Big Spoiler for The Amazing Spider-Man Franchise". SuperHero Hype. July 17, 2013. http://www.superherohype.com/news/articles/178147-felicity-jones-drops-a-big-spoiler-for-the-amazing-spider-man-franchise.
  4. Couch, Aaron (June 1, 2018). "Sony Pulls Spider-Man Spinoff 'Silver & Black' from Calendar". The Hollywood Reporter. https://www.hollywoodreporter.com/heat-vision/silver-black-no-longer-has-a-release-date-1116361. İstifadə tarixi: June 1, 2018.
  5. The Amazing Spider-Man #194-195
  6. The Amazing Spider-Man #204-205
  7. Spectacular Spider-Man #89
  8. Spectacular Spider-Man #116
  9. Web of Spider-Man vol. 2 #12

Xarici keçidlər[redaktə | əsas redaktə]