Qarabağ FK

Vikipediya, açıq ensiklopediya
(Qarabağ Ağdam FK səhifəsindən istiqamətləndirilmişdir)
Keçid et: naviqasiya, axtar
Flag of Azerbaijan.svg Qarabağ Futbol Klubu
Qarabağ (Ağdam)-loqo.png
Klubun tam adı Qarabağ Futbol Klubu
Ləqəb(lər) Atlılar
Rəng(lər)          Göy
Yaranma tarixi 23 iyul 1951 (64 il əvvəl) (1951-07-23)
Stadion Azərsun Arena, Bakı
Stadionun tutumu 5 800
Prezident Flag of Turkey.svg Tahir Gözəl
Baş məşqçi Flag of Azerbaijan.svg Qurban Qurbanov
Liqa Azərbaycan Premyer Liqası
2015/2016 I
Sayt qarabagh.com

"Qarabağ" Futbol KlubuAzərbaycanın Ağdam şəhərini təmsil edən Peşəkar Futbol klubu. 1951-ci ilin 23 iyul tarixində "Məhsul" adı ilə təsis olunmuşdur. Qarabağ 1987-ci ilə qədər 3 fərqli ad ilə çıxış etmişdir. 1991-ci ilin 23 iyul tarixinə gədər Qarabağ ev oyunlarını Ağdam şəhərindəki İmarət Stadionunda keçirirdi. Ermənistan Silahlı Qüvvələrinin Ağdam şəhərini işğal etdikdən sonra Qarabağ ev oyunlarını bir müddət Quzanlı qəsəbəsində, daha sonra isə paytaxtda, Bakıda keçirirdi.

Qarabağ 1992-ci ildən Azərbaycan Premyer Liqasında mübarizə aparır. Qarabağ tarixində 3 dəfə Azərbaycan Premyer Liqasının Çempionu olmuşdur. İlk dəfə Qarabağ 1993-cü ildə Azərbaycanın ən güclüsü olmuşdur. Daha sonra Qarabağ Çempionluğu 20 il gözləməli olur. Qarabağın ikinci çempionluğu 2014-cü ilə təsadüf edir. Elə bir ildən sonra isə Qarabağ titulunu qoruyaraq tarixində 3-cü dəfə Çempionu olur.

Adları[redaktə | əsas redaktə]

Qeyd edək ki, komandanın yaranma tarixi 1951-ci ildən başlasa da, "Qarabağ" adı ilə 1987-ci ildə yaranmışdır.

Tarixi[redaktə | əsas redaktə]

1950-ci illər[redaktə | əsas redaktə]

Ağdamda futbol komandası (1953-cü il)

Klubun yaranma tarixi 1950-ci illərin əvvəllərinə təsadüf edir. Belə ki, 1951-ci ildə Ağdam şəhər stadionunun tikintisi başa çatdıqdan sonra klubun da peşəkar bir idman təşkilatı kimi formalaşdırılması sahəsində ciddi işlər görüldü.

1960-cı illər[redaktə | əsas redaktə]

Yarandığı gündən sonra bir müddət "Məhsul" adı ilə çıxış edən "Qarabağ" ilk dəfə 1966-cı ildə Azərbaycan SSR çempionatında iştirak etmişdir. Həmin il çempionatı 4-cü yerdə başa vuran "Qarabağ" 4 il ardıcıl olaraq ölkə birinciliyində mübarizə apardı. Bu illər ərzində ən yaxşı nəticəni 1968-ci ildə 2-ci yeri tutmaqla qazandı. Lakin 1968-ci ildən sonra baxımsızlıq üzündən Ağdam uzun müddət ölkə çempionatlarında təmsil olunmadı.

1970-1980-ci illər[redaktə | əsas redaktə]

1977-ci ildə "Qarabağ" yenidən "Şəfəq" adı ilə bərpa edildi. Elə həmin il "Şəfəq" Azərbaycan SSR çempionatının 2-ci dəstəsində yarışdı. "Şəfəq" 1982-ci ilə qədər Ağdam futbolunun yeganə təmsilçisi oldu. 1982-ci ildən 1987-ci ilə qədər isə klub "Kooperator" adı ilə yarışlara qatıldı. "Qarabağ" ilk dəfə Azərbaycan SSR çempionu adına 1988-ci ildə – Azərbaycan keçmiş SSRİ-nin tərkibində olarkən layiq görüldü. Həmin çempionluqdan sonra "Qarabağ" SSRİ çempionatının 2-ci dəstəsinə vəsiqə qazandı. 1989-cu ildə "Qarabağ" SSRİ çempionatının 9-cu zonasında yarışdı[1]. 1990-cı ildə SSRİ çempionatının 2-ci dəstəsinin zona yarışlarında dəyişiklik edildiyindən "Qarabağ" Azərbaycan SSR çempionatının zona yarışlarında iştirak etmək məcburiyyətində qaldı.

1990-cı illər[redaktə | əsas redaktə]

1990-cı illərin əvvəlləri[redaktə | əsas redaktə]

1991-ci ildə SSRİ dağılandan sonra Azərbaycan Respublikasının müstəqil futbol çempionatı təşkil olundu. "Qarabağ" Azərbaycan çempionatının bütün mövsümlərində iştirak edən 2 komandadan biridir(Neftçi PFK ilə yanaşı). Təbii ki, müstəqillik illərində "Qarabağ"ın ağır günləri də az olmayıb. Azərbaycan tarixinin ən qara günlərdən biri olan Ağdam şəhərinin işğalı günü (23 iyul 1993-cü il) "Qarabağ" komandasının tarixində də ən qara gündür – həmin tarixdən etibarən komanda "qaçqın klub" kimi fəaliyyət göstərir.

Qeyd edək ki, 1992-1993-cü illərdə rəqiblərini Ağdamda qəbul edən "Qarabağ" burada 28 oyun keçirib. "Qarabağ" Ağdamda keçirdiyi son 22 matçda qalib gəlib. Əyalət təmsilçisinin evdə son məğlubiyyətindən isə daha uzun 27 oyunluq seriya keçir. Maraqlıdır ki, "Qarabağ"ın Ağdamda uduzduğu yeganə oyun onların müstəqilik tarixindəki ilk qarşılaşması olub. Və məğlubiyyətlə başlayan tarix qələbə seriyası ilə davam edib[2]

"İmarət"də...[redaktə | əsas redaktə]

1990-cı illərin sonları[redaktə | əsas redaktə]

XX əsrin son illərində klub maddi sıxıntılardan ciddi əziyyət çəkirdi. Məhz bu səbəbdən 1998-2001-ci illərdə ölkə çempionatının güclülər dəstəsində zəif nəticə göstərdi. Üstəlik maddi vəziyyət klubun aparıcı futbolçularının da "Qarabağ"ı tərk etməsinə gətirib çıxartdı.

Bütün bunlara baxmayaraq belə bir çətin dövrdə "Qarabağ" Avrokuboklarda mübarizə aparmışdır. Azərbaycan klublarından ilk dəfə mərhələ adlayan "Qarabağ"ın uğuru da məhz bu dövrə təsadüf edir. İsrailin Makkabi Hayfa klubu ilə baş tutmuş oyunların nəticəsində klub qələbə qazanaraq mərhələ adlamışdır. Azərbaycan futbolunun tarixində ilk dəfə olaraq Azərbaycana "böyük beşlik" təmsilçisi gəlmişdir. Bu Fransanın Monpelye klubu idi.

2000-ci illər[redaktə | əsas redaktə]

"Qarabağ-Azərsun"[redaktə | əsas redaktə]

XXI əsrin əvvəlində klub maddi problemlərlə üz-üzə qaldı. Bu problemlər 2001–ci ildə Azərbaycanda fəaliyyət göstərən ən böyük holdinqlərdən biri olan "Azərsun" şirkətinin komandanı sponsorluğa götürməsindən sonra həll olundu. "Azərsun" Holdinq şirkəti "Qarabağ"ın inkişafı üçün əməli işə girişdi. Şirkətin prezidenti Abdulbari Gözəlın bilavasitə şəxsi köməkliyi ilə komandanın maddi problemləri həll olundu. İmkansızlıq ucbatından digər klublara keçmiş eks-qarabağlılar heyətə qaytarıldı və həmin dövrdən klub "Qarabağ-Azərsun" adı ilə çıxış etməyə başladı.

Maddi vəziyyətin düzəlməsi klubun nəticələrinə də təsir göstərdi. 2001-ci ildə "Qarabağ-Azərsun" ölkə çempionatında 9–cu yeri tutsa da qarşıdakı mövsümə hazırlıq işləri ciddi gedirdi və iddiası böyük olan klubun qarşısına ən yüksək yerləri tutmaq vəzifəsi qoyulmuşdu. Lakin həmin dövrdə Azərbaycan futbolunda baş verən böhran səbəbindən ölkədə 2002-2003-cü ildəki çempionat yarımçıq dayandırıldığı üçün qarşıya qoyulan məqsədə nail olmaq mümkün olmadı.

Azərbaycan futbolundakı böhran başa çatdıqdan sonra, 2003-cü ildə "Qarabağ-Azərsun"un rəhbər strukturunda bir sıra dəyişikliklər aparıldı və Tahir Gözəl komandanın vitse-prezidenti təyin edildi. Tahir Gözəlin kluba gəlişindən sonra "Qarabağ"ın tarixində sanki yeni səhifə açıldı. Komandanın ölkə çempionatında uğur qazanması üçün bütün imkanlar səfərbər edildi. Və məhz bu səylərin nəticəsi idi ki, 2003-2004-cü il mövsümündə "Qarabağ" uzun fasilədən sonra yenidən Azərbaycan çempionatının mükafatçıları sırasında yer aldı və birincilikdə ilk dəfə bürünc medalları qazandı.

Tarixi adın bərpası və yeni loqotip[redaktə | əsas redaktə]

"Qarabağ"ın rəhbərliyi 2004-2005-ci il mövsümündə İsveçdə yaşayan təcrübəli məşqçi İqor Ponomaryovu baş məşqçi postuna təyin etdi. Bundan sonra qısa zamanda Azərbaycanın müxtəlif yaş qruplarına aid yığma komandalarının üzvü olan bir sıra futbolçular heyətə cəlb olundu. Tahir Gözəlin təşəbbüsü ilə 2004-cü ildə "Qarabağ"ın tarixi adı özünə qaytarıldı və komanda yenidən bu adla adlandırılmağa başlandı. Bundan başqa Tahir bəy klub üçün yeni loqotip də hazırlatdırdı. İngiltərədə dizaynerlər tərəfindən hazırlanan bu loqotipdə "Qarabağ"ın simvolu olan Qarabağ atları təsvir olunub. Loqotipi bundan başqa futbola aid müxtəlif atributlar bəzəyir[3].

Qarabağ (Ağdam)-loqo-qədim.png
Qarabağ (Ağdam)-loqo.png


Qurban Qurbanov erası[redaktə | əsas redaktə]

Azərbaycan Kubokunda qələbə[redaktə | əsas redaktə]

2008-ci ildə Rasim Karadan sonra Qarabağın sükanı arxasına Qurban Qurbanov gətirildi. 2008/2009 sezonunda Azərbaycan Premyer Liqasında Qurban Qurbanovun komandası 5-ci yer ilə kifayətləndi. Azərbaycan Kubokunda isə Qarabağ finala qədər bütün rəqiblərini məğlub elədi. Finalda 23 mayda Bakıda Tofiq Bəhramov adına Respublika Stadionunda Qarabağ paytaxt təmsilçisi İnter ilə qarşılaşdı. Görüşün 57-ci dəqiqəsində Vaqif Cavadovun vurduğu yeganə qol Qarabağa Azərbaycan Kubokunda 3-cü zəfəri gətirdi. Bununla da Qurban Qurbanovun komandası gələn mövsüm Azərbaycanı UEFA Avropa Liqasında təmsil etmə hüququ qazandılar.

Qarabağ-Rusenborq oyunundan əvvəl

Avropada ilk qələbələr[redaktə | əsas redaktə]

2009/2010 mövsümündə Qarabağ Qurban Qurbanovun rəhbərliyində uzun fasilədən sonra UEFA Avropa Liqasında mübarizə aparacaqdı. Lakin UEFA Avropa Liqasında Qarabağdan uğur gözləyənlər çox deyildi. Buna əsas səbəb isə heyətdə gənc və təcrübəsiz Azərbaycanlı futbolçuların olması idi. Heyətdə Elvin Məmmədov, Əfran İsmayılov , Maksim Medvedev, Rauf ƏliyevVaqif Cavadov kimi gənc və təcrübəsiz futbolçular olsada Qurban Qurbanov onları UEFA Avropa Liqasında Qarabağın əsas futbolçuları kimi istifadə edirdi.

2009-cu ildə Qarabağ mövsümə UEFA Avropa Liqasının II təsnifat mərhələsində Rusenborq ilə səfər oyunu ilə başladı. 16 iyulda Qurban Qurbanovun komandası Norveç klubu ilə səfərdə 0-0 hesablı bərabərə qaldı. 1 həftədən sonra isə Qarabağ Bakıda Tofiq Bəhramov adına Respublika Stadionunda Rusenborq ilə cavab oyununa çıxdı. Görüşdə yeganə qolu oyunun 45-ci dəqiqəsində möhtəşəm cərimə zərbəsindən Rəşad Sadıqov vurdu. Güclü Norveç klubunu məğlub edən Qarabağ UEFA Avropa Liqasında III təsnifat mərhələsinə vəsiqə qazandı. Bu mərhələdə isə Qurban Qurbanovun komandasını Finlandiya təmsilçisi Honka ilə oyun gözləyirdi.

Klubun rəngləri və loqosu[redaktə | əsas redaktə]

Ləqəbləri[redaktə | əsas redaktə]

Komandanın konkret bir ləqəbi olmasa da, müəyyən dövrlərdə müəyyən ləqəbləri qazanmışdır. "Qarabağ"ın ləqəbləri içərisində ən qədimi "Atlılar" ləqəbidir. Ləqəb Qarabağ atları ilə əlaqəlidir. İngiltərədə xüsusi dizaynerlər tərəfindən hazırlanan loqotipdə də "Qarabağ"ın simvolu olan atlar təsvir olunub.[4]

1993-cü ildə Ağdam şəhəri ermənilər tərəfindən işğal olunduqdan sonra doğma İmarət stadionundan didərgin düşən komanda məcburi olaraq "Qaçqın klub" adını almışdır.[5]

Qurban Qurbanovun gəlişindən sonra, Qarabağın cəlbedici oyunu kluba "Qafqazın "Barcelonası" adını qazandırmışdır.[6]

Forma sponsorları və istehsalçıları[redaktə | əsas redaktə]

"Qarabağ"ın ənənəvi forması qara və ağdır. Klubun forması Adidas tərəfindən istehsal olunur və 2001-cü ildən Azərsun Holdinq tərəfindən sponsorluq edilir.

Uğurları[redaktə | əsas redaktə]

Ölkədaxili turnirlər[redaktə | əsas redaktə]

Azərbaycan Topaz Premyer Liqası

Gold medal icon.svg Qızıl (4) — 1994, 2013/2014, 2014/2015, 2015/2016
Silver medal icon.svg Gümüş medal (3)1993/1994, 1996/1997, 2012/2013
Bürünc medal (4)2001/2002, 2003/2004, 2009/2010, 2010/2011
Azərbaycan Kuboku
Gold medal icon.svg Qalib (5)1993, 2005/2006, 2008/2009, 2014/2015, 2015/2016
Silver medal icon.svg Finalçı (3)1995/1996, 1997/1998, 1999/2000
Azərbaycan SSR Milli Futbol Çempionatı
Gold medal icon.svg Çempion (2) — 1988, 1990
Azərbaycan SSR Milli Futbol Kuboku
Gold medal icon.svg Çempion (1) — 1990

Beynəlxalq arenada ən yaxşı nəticələri[redaktə | əsas redaktə]

UEFA Avropa Liqası
Qrup mərhələsi (2) — 2014/2015,2015/2016
Pley-off (3)2009/2010, 2010/2011, 2013/2014
Birlik Kuboku
5-ci yer (1)1994

Azərbaycan Çempionatında və Kubokunda[redaktə | əsas redaktə]

Mövsüm Liqa Yer O Q H M VT BT Xal Ölkə kuboku VT[7]
1992 Güclülər dəstəsi 4 36 24 7 5 76 26 55 iştirak etməyib
1993 Güclülər dəstəsi 1 18 9 7 2 23 11 25 Qalib 25
1993/1994 Güclülər dəstəsi 2 30 21 7 2 52 12 49 1/2 final 16
1994/1995 Güclülər dəstəsi 4 24 13 6 5 42 31 32 1/8 final 4
1995/1996 Güclülər dəstəsi 5 20 4 9 7 25 26 21 Finalçı 13
1996/1997 Güclülər dəstəsi 2 30 23 2 5 61 25 71 1/2 final 14
1997/1998 Güclülər dəstəsi 4 26 14 7 5 43 22 49 Finalçı 19
1998/1999 Güclülər dəstəsi 4 36 20 6 10 50 29 66 1/8 final 9
1999/2000 Güclülər dəstəsi 8 22 5 10 7 21 25 25 Finalçı 6
2000/2001 Güclülər dəstəsi 9 20 5 4 11 19 34 19 1/8 final 1
2001/2002 Güclülər dəstəsi 3 32 16 3 13 50 44 51 1/8 final 6
2002/2003 oynanılmadı
2003/2004 Güclülər dəstəsi 3 26 19 3 4 63 17 60 1/2 final 12
2004/2005 Güclülər dəstəsi 6 34 22 5 7 61 31 71 1/8 final 12
2005/2006 Güclülər dəstəsi 5 26 12 4 10 32 32 40 Qalib 14
2006/2007 Güclülər dəstəsi 8 24 6 9 9 20 27 27 1/8 final 8
2007/2008 Premyer Liqa 5 26 11 8 7 25 16 41 1/4 final 11
2008/2009 Premyer Liqa 5 26 14 7 5 35 22 49 Qalib 9
2009/2010 Premyer Liqa 3 22 11 9 2 21 12 42 1/4 final 6
2010/2011 Premyer Liqa 3 32 17 7 8 41 22 58 1/8 final[8] 0
2011/2012 Premyer Liqa 4 32 15 8 9 37 28 53 1/2 final 6
2012/2013 Premyer Liqa 2 32 16 11 5 43 26 59 1/2 final 6
2013/2014 Premyer Liqa 1 36 21 9 6 66 21 72 1/4 final 2
2014/2015 Premyer Liqa 1 32 20 8 4 51 28 68 Qalib 1


Azərbaycan çempionatında yubiley qolları[redaktə | əsas redaktə]

yubiley
qolu
müəllif tarix rəqib meydan yubiley
qolunun
dəqiqəsi
1 Mehman Alışanov 03.05.1992 İnşaatçı (Sabirabad) e 4
100 Səttar Əliyev 30.09.1993 Xəzər (Sumqayıt) e 69
200 Müşfiq Hüseynov 01.10.1995 Kür-Nur (Mingəçevir) e -
300 Bəxtiyar Musayev 22.11.1997 Neftçi (Bakı) e 64
400 Elmir Xankişiyev 03.04.2000 Şəfa (Bakı) s 13
500 Eldəniz Məmmədov 13.09.2003 Şahdağ-Samur (Qusar) s 89
600 Vasif Haqverdiyev 29.04.2006 MOİK (Bakı) e 14
700 Rəşad Sadiqov 06.12.2009 Qəbələ s 78
800 Rəşad Sadıqov[9] 19.08.2012 Sumqayıt s 21
900 Muarem Muarem[10] 27.04.2014 Neftçi (Bakı) s 51
1000 Muarem Muarem[11] 30.03.2016 Rəvan (Bakı) e 53

UEFA turnirlərindəki statistika[redaktə | əsas redaktə]

Sıra Turnir O Q H M Qollar
1 UEFA Çempionlar Liqası 8 4 2 2 8-4
2 UEFA Avropa Liqası 50 20 14 16 53-54
3 UEFA Kuboklar Kuboku 4 0 1 3 1-12
4 UEFA İntertoto Kuboku 4 1 0 3 2-11
- Cəmi 66 25 17 24 64-81

UEFA turnirlərindəki oyunları[redaktə | əsas redaktə]

Sezon Turnir Mərhələ Rəqib I oyun II oyun Nəticə
1996/1997 UEFA Kuboklar Kuboku I təsnifat mərhələsi Flag of Finland.svg MyuPa 47 0-1 1-1 1-2
1997/1998 UEFA Avropa Liqası I təsnifat mərhələsi Flag of the Czech Republic.svg Yablonets 0-3 0-5 0-8
1998/1999 UEFA Kuboklar Kuboku I təsnifat mərhələsi Flag of Denmark.svg Kopenhagen 0-4 0-6 0-10
1999 UEFA İntertoto Kuboku I mərhələ Flag of Israel.svg Makkabi Hayfa 0-1 2-1 2-2
II mərhələ Flag of France.svg Monpelye 0-3 0-6 0-9
2004/2005 UEFA Avropa Liqası I təsnifat mərhələsi Flag of Slovakia.png Dukla 0-1 0-3 0-4
2006/2007 UEFA Avropa Liqası I təsnifat mərhələsi Flag of Moldova.svg Zimbru 1-2 1-1 2-3
2009/2010 UEFA Avropa Liqası II təsnifat mərhələsi Flag of Norway.svg Rusenborq 1-0 0-0 1-0
III təsnifat mərhələsi Flag of Finland.svg Honka 2-1 1-0 3-1
Pley-off Flag of the Netherlands.svg Tvente 0-0 1-3 1-3
2010/2011 UEFA Avropa Liqası I təsnifat mərhələsi Flag of Macedonia.svg Metallurq 4-1 1-1 5-2
II təsnifat mərhələsi Flag of Northern Ireland.svg Portadaun 1-1 2-1 3-2
III təsnifat mərhələsi Flag of Poland.svg Visla Krakov 3-2 1-0 4-2
Pley-off Flag of Germany.svg Borussiya Dortmund 0-1 0-4 0-5
2011/2012 UEFA Avropa Liqası I təsnifat mərhələsi Flag of Lithuania.svg Banqa 3-0 4-0 7-0
II təsnifat mərhələsi Flag of the Faroe Islands.svg EB Streymur 0-0 1-1 1-1
III təsnifat mərhələsi Flag of Belgium (civil).svg Brügge 1-0 1-4 2-4
2013/2014 UEFA Avropa Liqası I təsnifat mərhələsi Flag of Macedonia.svg Metallurq 1-0 1-0 2-0
II təsnifat mərhələsi Flag of Poland.svg Piast 2-1 2-2 4-3
III təsnifat mərhələsi Flag of Sweden.svg Gefle 1-0 2-0 3-0
Pley-off Flag of Germany.svg Ayntraxt Frankfurt 0-2 1-2 1-4
2014/2015 UEFA Çempionlar Liqası II təsnifat mərhələsi Flag of Malta.svg Valletta 4-0 1-0 5-0
III təsnifat mərhələsi Flag of Austria.svg Zalsburq 2-1 0-2 2-3
2014/2015 UEFA Avropa Liqası Pley-off Flag of the Netherlands.svg Tvente 0-0 1-1 1-1
F qrupu Flag of France.svg Sent-Etyen 0-0 1-1
Flag of Italy.svg İnter Milan 0-0 0-2
Flag of Ukraine.svg Dnepr 1-2 1-0
2015/2016 UEFA Çempionlar Liqası II təsnifat mərhələsi Flag of Montenegro.svg Rudar 0-0 1-0 0-0
III təsnifat mərhələsi Flag of Scotland.svg Seltik 0-0 0-1 2-3
2015/2016 UEFA Avropa Liqası Pley-off Flag of Switzerland.svg Yanq-Boyz 3-0 1-0 4-0
J qrupu Flag of England.svg Tottenhem Hotspur 0-1 1-3
Flag of Belgium (civil).svg Anderlext 1-0 1-2
Flag of France.svg Monako FK 1-0 1-1 2-1

UEFA turnirlərində "Qarabağ"ın Azərbaycan siftələri[redaktə | əsas redaktə]

"Qarabağ" avrokuboklarda Azərbaycanın bir sıra "siftə"lərinə imza atıb. Belə ki, avrokuboklarda səfərdə ilk xal məhz bu komanda sayəsində qazanılıb. Ağdam klubu qitə miqyasında debüt mövsümündə Bəxtiyar Musayevin vurduğu qol sayəsində buna nail olmuşdu. Həmin qol Azərbaycan klublarının UEFA Kuboklar Kubokunda vurduğu ilk və son qol idi[12].

Azərbaycan klublarından avrokuboklarda ilk dəfə mərhələni İsrailin Makkabi Hayfa klubunu yenən "Qarabağ" keçib. "Qarabağ"ın məşqçisi Müşfiq Hüseynov 1999-cu ildə hücumçu kimi UEFA İntertoto Kubokunda Hayfa təmsilçisi ilə görüşdə etdiyi dublla qələbənin memarı olub – 2:1. Bu, eyni zamanda Azərbaycan klublarının Avropa miqyasında ilk səfər qələbəsi kimi tarixə düşüb[12].

Nəhayət, UEFA Kubokunun xələfi, UEFA Avropa Liqası adlanan turnirdə iki mərhələni ilk keçən də "Qarabağ"dır. 2009-cu ildə Skandinaviya təmsilçilərini yenən ağdamlıların xüsusilə Rusenborq kimi güclü klubu turnirdən kənarlaşdırması Avropada da böyük əks-səda doğurdu[12].

2010-cu ildə isə UEFA Avropa Liqasında ardıcıl üç mərhələ keçərək daha bir tarix yazdı. Bu da Azərbaycan futbolu tarixində ilk dəfə idi. Həmin turnirin III təsnifat mərhələsində Visla Krakov klubunun mübarizədən kənarlaşdırılması isə Azərbaycan futbolundakı "Polşa sindromu"na son qoydu[13].

2011-ci ilin 30 iyununda UEFA Avropa Liqasında ilk dəfə Azərbaycan komandası səfərdə 3 və ya daha çox top fərqi ilə qalib gəldi ki, bu qələbə də Banqa Qarqjday klubunu səfərdə 4:0 hesabı ilə məğlub edən "Qarabağ"ın aktivindədir. Bu qələbə eyni zamanda Azərbaycanın avrokuboklarda ən böyük hesablı qələbəsidir[14].

Birlik Kubokundakı iştirakı[redaktə | əsas redaktə]

CISCup.png

Ağdamlılar 19942004-cü illərdə 2 dəfə Birlik Kubokunda iştirak etmişdir.

Birlik Kubokundakı bütün oyunları[redaktə | əsas redaktə]

Tarix Mərhələ Adı Rəqib Hesab
2-ci Birlik Kuboku – Moskva 1994
1 29.01.1994 Qrup Qarabağ Flag of Tajikistan.svg Sitora 4:0
2 30.01.1994 Qrup Qarabağ Flag of Lithuania.svg Romar 2:1
3 31.01.1994 Qrup Qarabağ Flag of Georgia.svg Dinamo Tbilisi 0:3
12-ci Birlik Kuboku – Moskva 2004
4 17.01.2004 Qrup Qarabağ-Azərsun Flag of Russia.svg U-18 0:1
5 18.01.2004 Qrup Qarabağ-Azərsun Flag of Moldova.svg Şerif Tiraspol 0:0
6 20.01.2004 Qrup Qarabağ-Azərsun Flag of Lithuania.svg Kaunas 0:3

Birlik Kubokundakı nəticəsi[redaktə | əsas redaktə]

İl Yer Adı O Q H M T/F B Xal
1994 5 Qarabağ 3 2 0 1 6:4 +2 6
2004 13 Qarabağ-Azərsun 3 0 1 2 0:4 -4 1
2 turnir V yer Cəmi 6 2 1 3 6:8 -2 7

İFFHS reytinqində[redaktə | əsas redaktə]

2009/2010 mövsümündə "Qarabağ"ın Avropa Liqasındakı uğurlu çıxışı komandanın reytinqinin yüksəlməsinə səbəb olub. Azərbaycanın müstəqillik tarixində ilk dəfə reytinq gətirən yarışda 2 mərhələ keçən komanda 11 xal toplamaqla Beynəlxalq Futbol Tarixi və Statistikaları Federasiyasının (İFFHS) reytin cədvəlində dünyanın 350 ən güclü klubunun sırasına düşüb. "Qarabağ" İFFHS-in siyahısında 418-ci pillədən 279-cu yerə yüksəlib.[15][16][17][18] Növbəti ayda daha 20 pillə irəliləyən "Qarabağ" aktivindəki 76,5 xal ilə "CAPS United Harara" (Zimbabve") və "Falkirk" (Şotlandiya) komandaları ilə birgə 259-cu pilləyə şərik çıxmışdır[19]. Dünya klublarının reytinq cədvəlində yüksəlişi davam etdirən Ağdamlılar 2009-cu ilin dekabr ayının əvvəlinə olan reytinqdə 249-cu pillədə qərarlaşmışdır[20].

2010/2011 mövsümündə də "Qarabağ"ın uğurlu çıxışı davam etmişdir. Belə ki, 30 iyul 2010-cu ildə açıqlanmış son siyahıda isə "Qarabağ" 88,5 xal ilə 189-cu pillədə qərarlaşmışdır[21].

2010-cu il noyabrın 26-da açıqlanan klublarının XXI əsr üçün reytinqində isə ilk onilliyi 357 xal ilə Azərbaycan klubları arasında 2-ci, dünyada isə 339-cu pillədə başa vurmuşdur[22].

2013-cü ilin ən güclü 200 klubu arasında "Qarabağ" 111-ci olub.[23]

2014-cü ilin aprel ayında açıqlanan yeni reytinq siyahısında isə "Qarabağ" 112-ci sırada qərarlaşıb.[24]

Fanatları[redaktə | əsas redaktə]

Qarabağ FK ən böyük azarkeş qrupu olan İmarət Noyabr 2009 cu ildə yaranıb (https://az.wikipedia.org/wiki/%C4%B0mar%C9%99t_fan_klubu). Adını Qarabağın Ağdamdakı stadionun adından götürən azarkeş qrupunun məqsədi yalnız Qarabağı dəstəkləmək deyil, həm də Qarabağ həqiqətlərini dünyaya çatdırmaqdır. İmarət fan klubunun İmarət Avropa və İmarət Türkiyə kimi bölmələri var. Əsas idaredici orqan İdarə Heyətidir.

PES üzvü[redaktə | əsas redaktə]

Göstərdiyi nəticələrlə diqqət cəlb edən "Qarabağ" 2014-cü ildə dünyanın ən məşhur oyunlarından sayılan "Pro Evolution Soccer"in (PES) üzvünə çevrilib. Oyunun məxsus olduğu "Konami"nin mühəndisləri 2014-cü il üçün nəzərdə tutulan "PES 2015"-ə "Qarabağ"ın da adını daxil ediblər. Azarkeşlər bu oyunu noyabrın ortalarından əldə edə biləcəklər.[25]

Heyəti[redaktə | əsas redaktə]

Nömrə Ölkə Mövqeyi Futbolçu
1 Flag of Azerbaijan.svg GK Fərhad Vəliyev
2 Flag of Azerbaijan.svg DF Qara Qarayev
4 Flag of Azerbaijan.svg DF Eltun Yaqublu
5 Flag of Azerbaijan.svg DF Maksim Medvedev
7 Flag of Azerbaijan.svg MF Namiq Yusifov
8 Flag of Spain.svg MF Migel
9 Flag of Brazil.svg MF Reynaldo
10 Flag of Spain.svg MF Dani Kintana


13 Flag of Bosnia and Herzegovina.svg GK İbrahim Şehiç
14 Flag of Azerbaijan.svg DF Rəşad Sadıqov (Kapitan)
18 Flag of Azerbaijan.svg MF İlqar Qurbanov
19 Flag of Azerbaijan.svg DF Azər Salahlı
Nömrə Ölkə Mövqeyi Futbolçu
20 Flag of Brazil.svg MF Riçard Almeyda
22 Flag of Azerbaijan.svg MF Əfran İsmayılov
25 Flag of Albania.svg DF Ansi Aqolli
32 Flag of Azerbaijan.svg DF Elvin Yunuszadə
55 Flag of Azerbaijan.svg DF Bədavi Hüseynov
67 Flag of Morocco.svg MF Əlhərbi El Jadeyaoui
77 Flag of Azerbaijan.svg MF Cavid Tağıyev
90 Flag of Sweden.svg FW Samuel Armenteros
91 Flag of Azerbaijan.svg MF Coşqun Diniyev
97 Flag of Azerbaijan.svg FW Mahir Mədətov
33 Flag of Azerbaijan.svg MF Rahid Əmirquliyev
99 Flag of Macedonia.svg MF Muarem Muarem

İcarədə olan futbolçular

Nömrə Ölkə Mövqeyi Futbolçu
Flag of Azerbaijan.svg DF Şəhriyar Əliyev (Kəpəzdə)
Flag of Azerbaijan.svg DF Tərlan Quliyev (Kəpəzdə)
Flag of Azerbaijan.svg FW Namiq Ələsgərov (Kəpəzdə)
Flag of Azerbaijan.svg DF Vüqar Mustafayev (Zirədə)

Komandanın keçmişində əməyi olanlar[redaktə | əsas redaktə]

Keçmişindəki məşhur futbolçular[redaktə | əsas redaktə]

Əvvəlki baş məşqçiləri[redaktə | əsas redaktə]

Əvvəlki prezidentləri[redaktə | əsas redaktə]

İndiki rəhbərlik[redaktə | əsas redaktə]

Mənbə:[1]

Vəzifəsi Adı
Prezident Flag of Turkey.svg Abdulbari Gözəl
Vitse-prezident Flag of Turkey.svg Tahir Gözəl
Klub direktoru Flag of Turkey.svg Əmrah Çəlikəl
Maliyyə direktoru Flag of Turkey.svg Murat Karaman
İdarə və Maliyyə işlər üzrə menecer Flag of Azerbaijan.svg Asif Əsgərov
Mətbuat katibi Flag of Azerbaijan.svg Nurlan İbrahimov
Baş məşqçi Flag of Azerbaijan.svg Qurban Qurbanov
Məşqçi Flag of Bulgaria.svg Cudomir Cakarov
Məşqçi Flag of Azerbaijan.svg Müşfiq Hüseynov
Məşqçi Flag of Azerbaijan.svg Elxan Həsənov
Məşqçi Flag of Azerbaijan.svg Elçin Rəhmanov
Məşqçi Flag of Azerbaijan.svg Zaur Tağızadə
Tərcüməçi Flag of Azerbaijan.svg Əfqan Xəlilli

Şəkillər[redaktə | əsas redaktə]

Komanda[redaktə | əsas redaktə]

Vagif Djavadov.jpg
Efran Ismayilov.jpeg


Həmçinin bax[redaktə | əsas redaktə]

İstinadlar[redaktə | əsas redaktə]

  1. СССР. Сезон – 1989. Вторая лига. 9 зона. klisf.info (rus.)
  2. 2,0 2,1 "Qarabağ"la Qarabağdakı xatirələr...  (azərb.)
  3. ""Qarabağ" futbol klubunun yaranma tarixi". qarabagh.com. http://www.qarabagh.com/1987/?name=content&id=28&link=3&cont=5990&lang=1. İstifadə tarixi: 2010-08-27.  (azərb.)
  4. Karabakh: История (rus.)
  5. "UEFA "Qarabağ"dan yazdı" (Azerbaijani). futbolinfo.az. http://futbolinfo.az/xeber/13788/. İstifadə tarixi: 31 July 2014.
  6. "Qafqazın "Barselona"sı: axı niyə məhz o?" (Azerbaijani). Day.az. http://news.milli.az/sport/263633.html. İstifadə tarixi: 31 July 2014.
  7. Qol vurmadı, getdi – STATİSTİKA. apasport.az  (azərb.)
  8. "Turan" "Qarabağ"ı kubokdan kənarlaşdırdı. apasport.az  (azərb.)
  9. Rəşad Sadıqov "Qarabağ"ın 800-cü qolunu vurdu. qol.az  (azərb.)
  10. “Qarabağ”ın 900-cü qolu. apasport.az  (azərb.)
  11. “Qarabağ”ın 1000-ci qolu! apasport.az  (azərb.)
  12. 12,0 12,1 12,2 "Siftələr kralı" – "Qarabağ"! apasport.az  (azərb.)
  13. Yeni rekordların mübarək, "Qarabağ"!  (azərb.) Apasport. tarixi:2010.08.06
  14. Azərbaycan futbolunda görünməmiş hadisə Litvada gerçəkləşdi  (azərb.) Apasport. tarixi:2011.06.30
  15. "Qarabağ" dünyanın ən güclü klubları sırasındadır.  (azərb.) Anspress. tarixi:2009.09.02
  16. "Qarabağ" 139 pillə irəlilədi.  (azərb.) Fanat.az tarixi:2009.09.02
  17. Hardasan, "Qarabağ"?  (azərb.) Apasport. tarixi:2009.09.02
  18. "Qarabağ" dünya reytinqində 139 pillə irəlilədi.  (azərb.) Qol.az tarixi:2009.09.02
  19. "Qarabağ" dünya klublarının reytinqində 20 pillə irəlilədi. lent.az  (azərb.)
  20. "Qarabağ" dünyanın ən güclü 250 klubu arasında!  (azərb.)
  21. Top 350.  (ing.) iffhs.de tarixi:2010.07.30
  22. Reytinqə sözardı, yaxud "Neftçi" "Qarabağ"ı necə keçdi?  (azərb.) apasport.az tarixi:2010.11.27
  23. ""Qarabağ" "Liverpul"u geridə qoydu" (azərb.). Qol.az. 9 yanvar 2014. http://qol.az/new/?name=xeber&duzelis=0&news_id=57464. İstifadə tarixi: 9 yanvar 2014.
  24. "Qarabağ"ın dünya reytinqində yeni yeri məlum oldu  (azərb.)
  25. Azərbaycanda ilk - “Qarabağ” hansı şərtə əməl edib? komanda.az, 27.09.2014.  (azərb.)

Xarici keçidlər[redaktə | əsas redaktə]

VikiAnbarda Qarabağ FK ilə əlaqəli mediafayllar var.