Qasım Mirzə

Vikipediya, azad ensiklopediya
Jump to navigation Jump to search
Qasım Mirzə Toğrul Mirzə oğlu Səfəvi
Şəxsi məlumatlar
Doğum tarixi 1737
Doğum yeri Ərdəbil, Nəmi kəndi
Vəfat tarixi 1819
Vəfat yeri Həcc ziyarəti
Atası Toğrul Mirzə Sam Mirzə oğlu Səfəvi (Şükür Mirzə oğlu da deyilib)
Anası (Yohəvəd) Çiçək xanım

Qasım Mirzə Toğrul oğlu1737-ci ildə Ərdəbilin Nəmi kəndində anadan olmuşdur. Qasım qardaşları ilə bir müddət Lənkəran qəzasında (Böyük bazar) ərazisində yaşadıqları müddətdə mükəmməl elmi-dini təhsil almışdır. 1754-cü ildə dini çıxışları və geniş dünya görüşü Talış xanının xoşuna gəlmiş və qeyd olunan əraziləri Qasıma bəxşiş vermişdir. Yazılı Mənbələrə və şfahi dildən-dilə keçən məlumatlara görə Qasımlı kəndinin ərazi vahidi kimi tanınması Qasımın bu əraziyə gəldikdən sonra, elmi-dini mədrəsə yaratması olmuşdur. Ətraf ərazilərdə olan elmi və dini biliklər verməklə məşğul olmuşdur. Beləliklə bu ərazi Qasımın adı ilə tanınmağa başlamışdır. Talış xanı Cəmaləddin Mirzə bəyin əmrinə əsasən Qasımın yaşadığı, tabeçiliyində olduğu ərazidə yaşayan əhali vergidən azad idi. Əhali Qasımla razılaşdırılmış şəkildə Qasıma cüzi vergi verirdilər. Bu vergidən azad olunma Talış xanlığının süqutuna qədər davam etmişdir. Atası Toğrul Mirzə Sam Mirzə oğlu Səfəvi (Şükür Mirzə oğlu da deyilib), anası yəhudi əsilli (Yohəvəd) Çiçək xanım olmuşdur. Keçirdiyi xəstəlik səbəbindən Qasımın övladı olmamışdır. 1819-cu ildə həcc ziyarətində vəfat etmişdir.[1]

İstinadlar[redaktə | əsas redaktə]

  1. Xorasan Soy kitabı. Xorasan - 1782. 365-472 səh.

Həmçinin bax[redaktə | əsas redaktə]