Qasım bəy Zakirin qəbirüstü abidəsi

Vikipediya, azad ensiklopediya
Jump to navigation Jump to search
Qasım bəy Zakirin qəbirüstü abidəsi
Ölkə Azərbaycan
Yerləşir Şuşa, Mirzə Həsən qəbiristanlığı
Heykəltəraş Namiq Dadaşov
Tarixi 1984
Vəziyyəti dağılmış
Material Bürünc

Qasım bəy Zakirin qəbirüstü abidəsi — 1984-cü ildə Şuşada Mirzə Həsən qəbiristanlığında mütəfəkkir Qasım bəy Zakirin qəbirüstündə ucaldılmış abidə. Abidə Şuşa şəhəri işğal edilən zaman erməni vandalizminin qurbanı olmuşdur.[1]

Tarixi[redaktə | mənbəni redaktə et]

Görkəmli şair Qasım bəy Zakirin anadan olmasının 200 illiyi ilə əlaqədar olaraq Azərbaycan Kommunist Partiyası Mərkəzi Komitəsinin xüsusi qərarına əsasən 1984-cü ildə Şuşada Mirzə Həsən qəbiristanlığında onun qəbirüstündə abidə ucaldılmışdır.[1] Əvvəllər şairin qəbirinin üzərində türbə olmuş sonra isə qəbirüstü abidəsi qoyulmuşdur.

Qasım bəy Zakirin qəbirüstü abidəsinin müəllifi Əməkdar rəssam, heykəltəraş, Azərbaycan Rəssamlar İttifaqının üzvü Namiq Dadaşov olmuşdur.[2]

Qasım bəy Zakirin qəbirüstü abidəsi kiçik bir təpə üstündə - Cavanşir nəslinə mənsub olan sahədədir. Qasım bəy Zakirin qəbrinin ətrafında dəfn olunmuş XIX əsrdə yaşamış tanınmış şəxslərinin də məzarları bərpa edilmiş, kiçik təpəcikdə gül-çiçək və ağaclar əkilmiş, çəmənzar salınmışdı.[1]

Qəbirüstü abidə Şuşa şəhəri Ermənistan silahlı qüvvələri tərəfindən işğal edildikdən sonra dağıdılmışdır. Abidə Azərbaycan Respublikası Mədəniyyət və Turizm Nazirliyi tərəfindən ölkə əhəmiyyətli tarix-mədəniyyət abidəsi kimi qeydiyyata alınmışdır.[3]

İstinadlar[redaktə | mənbəni redaktə et]

  1. 1 2 3 Şuşa qalasında qəbirüstü abidələr
  2. Tanınmış heykəltəraş Namiq Dadaşov dünyasını dəyişib
  3. "Dünya və ölkə əhəmiyyətli daşınmaz tarix və mədəniyyət abidələrinin siyahısı" (PDF). mct.gov.az. Azərbaycan Respublikası Mədəniyyət Nazirliyi. 2 avqust 2001. İstifadə tarixi: 29 yanvar 2021.