Qasımlı (Masallı)

Vikipediya, açıq ensiklopediya
Keçid et: naviqasiya, axtar
Kənd
Qasımlı
Masallı r. Qasımlı k.jpg
Masallı rayonu, Qasımlı kəndi
Ölkə [[Flag of Azerbaijan.svg Azərbaycan]]
Rayon Masallı rayonu
Koordinatlar 39°1′0″N 48°45′0″E / 39.01667°N 48.75000°E / 39.01667; 48.75000Koordinatlar: 39°1′0″N 48°45′0″E / 39.01667°N 48.75000°E / 39.01667; 48.75000
Əhalisi 2257 nəfər (2009)
Saat qurşağı UTC+04:00
Rəsmi sayt https://masalliqasimli.jimdo.com
Qasımlı (Masallı) is located in Dünya
Qasımlı (Masallı)

QasımlıAzərbaycan Respublikasının Masallı rayonunun inzibati ərazi vahidində kənddir.[1]

Adının mənası[redaktə | əsas redaktə]

Kəndin Qasımlı adlanması, Qasımın bu kəndə gəlişi ilə bağlıdır. Qasım Mirzə Toğrul oğlu — 1737-ci ildə Ərdəbildə anadan olmuşdur. Qasım qardaşları ilə bir müddət Lənkəran qəzasında (Böyük bazar) ərazisində yaşadıqları müddətdə mükəmməl elmi-dini təhsil almışdır. 1754-cü ildə dini çıxışları və geniş dünya görüşü Lənkəran xanının xoşuna gəlmiş və qeyd olunan əraziləri Qasıma bəxşiş vermişdir. Yazılı Mənbələrə və şfahi dildən-dilə keçən məlumatlara görə Qasımlı kəndinin ərazi vahidi kimi tanınması Qasımın bu əraziyə gəldikdən sonra, elmi-dini mədrəsə yaratması olmuşdur. Ətraf ərazilərdə olan elmi və dini biliklər verməklə məşğul olmuşdur. Beləliklə bu ərazi Qasımın adı ilə tanınmağa başlamışdır. Lənkəran xanı Cəmaləddin Mirzə bəyin əmrinə əsasən Qasımın yaşadığı, tabeçiliyində olduğu ərazidə yaşayan əhali vergidən azad idi. Əhali Qasımla razılaşdırılmış şəkildə Qasıma cüzi vergi verirdilər. Bu vergidən azad olunma Lənkəran xanlığının süqutuna qədər davam etmişdir. Atası Toğrul Mirzə Sam Mirzə oğlu Səfəvi (Şükür Mirzə oğlu da deyilib), anası yəhudi əsilli (Yohəvəd) Çiçək xanım olmuşdur. Keçirdiyi xəstəlik səbəbindən Qasımın övladı olmamışdır. 1819-cu ildə həcc ziyarətində vəfat etmişdir. [2]

Coğrafiyası[redaktə | əsas redaktə]

419 ha

Coğrafi mövqeyi: Şimali-Şərq

Kənddəkilərin əsas məşğuliyyəti: əkinçilik və heyvandarlıqdır.

Tarixi[redaktə | əsas redaktə]

Əvvəllər də Qasımlı kəndində yaşayanlar olsa da əsasən kəndin tarixi 1746-1747-ci illərdə I Şah Təhmasibin səkkizinci oğlu Sultan Əli Mirzənin nəslindən olan Aslan Mirzənin Lənkəran xanı Seyid Əhməd xanın himayəsinə sığınaraq bu ərazilərdə məskunlaşması ilə bağlıdır. Nadir şahın Cavatda tacqoyma mərasimindən sonra Səfəvilər nəslindən olanların yenidən hakimiyyətə gəlmələrindən qorxaraq onlara divan tutmaq qərarına gəlir. Xorasan mənbələrinə əsasən demək olar ki, Nadir şah Aslan Mirzənin, oğullarının, qardaşının və qardaşı oğullarının yaşamasından xəbər tutub 1746-cı ilin sonlarında onları öldürmək üçün sui-qəsd hazırlatdırır. Sui-qəsdin olacağını anlayan Aslan Mirzə kiçik qardaşının övladlarını nökərləri ilə Ləkəran xanının yanına yola salıb özü bir gün sonra üç oğlu ilə onların arxasınca Lənkəran qəzasına yola düşür. Yolda sui-qəsdçilərlə raslaşır. Sui-qəsd nəticəsində Aslan Mirzə sol qolundan yaralansa da qaça bilir. Ancaq üç oğlu və kiçik qardaşı Toğrul Mirzənin (böyük oğlu) Əsədulla Mirzə öldürülür. Sui-qəsdçilər Nadir şahın qorxusundan gəlib bildirirlər ki, Aslan Mirzəni, onun 3 oğlunu və qardaşı uşaqları ilə birlikdə qılıncdan keçirib öldürürdük.

Halbuki Aslanın 3 oğlunu və Əsədulla Mirzəni öldürsələr də özünü öldürə bilməmişdilər. Yaşca çox uşaq olan, kiçik qardaşının oğulları Qasım, İbrahim, Hüseyn və İsmayıl sağ qala bilmişdilər. Bir müddət Lənkərada qalan Nadir şahın zülmündən qaçan Səfəvi nəslindən olan Aslan Mirzə və Qardaşının dörd oğlu bu ərazilərə gəlirlər. Qasımlı və Hüseynhacılı kəndinin əraziləri Lənkəran xanı Cəmaləddin Mirzə bəy tərəfindən 1754-cü ildə bu qardaşlara bəxşiş verilmişdir. Kəndin Viləş çayının sahilində yerləşməsi kəndlilərin əkinçilik və maldarlıqla məşğul olmasına yaxşı şərait olduğu üçün 1760-1762-ci illərdə bu əraziyə başqa ailələr də gəlmişlər. [3]

Hazırda bu kənddə yaşayanlar İsmayıllı, Yerəhmədli Qarayusublu nəsillərinin törəmələridir.

Əhalisi[redaktə | əsas redaktə]

Əhalinin sayı 2257 nəfərdir. [4]

Kəndin ən böyük üç nəsili[redaktə | əsas redaktə]

İsmayıllılar[redaktə | əsas redaktə]

İsmayıl Mirzə Toğrul oğlu — 20 iyul, 1742-ci ildə Ərdəbildə anadan olmuşdur. Qasımlı kəndindəki İsmayıllılar soyunun ulu babası olmuşdur. İsmayıl Mirzənin birinci yoldaşından övladı olmadığı üçün haqqında məlumat yoxdur. Birinci yoldaşı vəfat etdikdən sonra İsmayıl Xorasanda tacir olan dayısının yanına tacirliyi öyrənmək ücün gedir. Səfəvilərin Xorasan Soy kitabında bu tarix 1774-cü il kimi qeyd olunur. İki il orada qaldıqdan sonra Dayısı (yəhudi əsilli) Qabilin qızı Sara xanımla ailə qurur və 1776-cı ildə qardaşı Qasımın yanına qayıdır. 20 iyun, 1778-ci ildə Cavatda keçirilən soy yığıncağından qayıdarkən sui-qəsdçilər tərəfindən yaralanır və qısa bir müddətdən sonra vəfat edir. 1778-ci ilin iyul ayınında Sara xanımdan bir oğlu olur. Qasım ölmüş qardaşının adını onun öz oğluna qoyur. İmayılın oğlu İsmayıl dünyaya gəldikdə anası uşaq üstündə dünyasını dəyişir. İsmayılı Əmisi Qasım saxlayıb böyüdür.

İsmayılın nəsil şəcərəsi[redaktə | əsas redaktə]

  • 1-ci Şah İsmail
  • 1-ci Şah Təhmasib
  • 1-ci Şah Təmasibin 8-ci oğlu Sultanəli mirzə oğulları (Qasım,  İbrahim, İsrail,  Hüseyn  və Musa)
  • Toğrul Mirzə Sam Mirzə oğlu (1616-1677) (Doğum və vəfat etdiyi yer məlum deyil)
  • İbrahim Mirzə Toğrul oğlu 1640-1709 (Ərdəbil)
  • Sam Mirzə (Şükür Mirzə Toğrul oğlu ) da deyilib 1670-1744 (Ərdəbil)
  • Toğrul mirzə Sam mirzə oğlu (Şükür oğlu).  1702-1744 (Ərdəbil)
  • İsmayıl Mirzə Toğrul oğlu 1735-1778. (Hüseyinhacılı kəndi)
  • İsmayıl oğlu İsmayıl 1778- 1850. (Qasımlı-Hüseyinhacılı kəndi)

İsmayıl oğlu İsmayılın oğulları[redaktə | əsas redaktə]

  • Eynulla 1811-1874 (Qasımlı-Hüseyinhacılı kəndi)
  • Nəsir 1814-1876 (Qasımlı-Hüseyinhacılı kəndi)
  • Şükür (Möhrdar) 1816-1879 (Qasımlı-Hüseyinhacılı kəndi)
  • Səlim 1818-1882
  • Molla Alı Səfəvi 1820-1891 (Qasımlı-Hüseyinhacılı kəndi)

Yerəhmədlilər[redaktə | əsas redaktə]

Qacarlı Yarəhməd Nəbi oğlu — 1775-ci ildə Təbriz şəhərində anadan olub. Qədim səlcuqlulardan gələn soydur. Əslən xorasan türklərindəndir. Yerəhmədli nəslinin ulu babası olub. Lənkəran qəzasından Qasım Toğrul oğlu Mirzənin obasına gəlib. Ona görə də həmən nəsil Yerəhmədli adlanır. 1852-ci ildə Lənkəran qəzasının Qasımlı kəndində vəfat edib.

Qarayusublular[redaktə | əsas redaktə]

Kənddə Nuru adlı şəxs yaşayıb. Nurunun atası, Qarakişi olub. Qarakişinin atası, Qarayusub olub. Ona görə həmən nəsil — Qarayusublu adlanır. Bəzən həmən nəsilə Nuru uşaqları da deyilir.

Tədbirlər[redaktə | əsas redaktə]

10 may, 2008-ci ildə Ümummilli liderimiz Heydər Əliyevin anadan olmasının 85 illiyi ərəfəsində Masallı rayonunun Qasımlı kəndində ikinci Dünya və Qarabağ müharibələrində həlak olanlarını xatirəsini əbədiləşdirmək üçün inşa edilmiş “Şəhidlər” abidə kompleksinin açılışı olmuşdur. Mərasimdə rayon icra hakimiyyəti başçısı aparatı ictimai təşkilatlar və siyasi partiyalarla iş şöbəsinin müdiri Seyfəddin Əliyev, kənd ərazi nümayəndəsi Rafis Rəhimov, rayon hərbi komissarlığının işçisi Ədalət Hüseynov, müharibə veteranları və ictimaiyyətin nümayəndələri çıxış edərək respublikamızda müharibə iştirakçılarına və şəhid ailələrinə göstərilən dövlət qayğısından danışmış, bu ilin payızında keçiriləcək prezident seçkilərində İlham Əliyevə səs verəcəklərini bildirmişlər. Tədbirin sonunda məktəblilər abidə önündə hərbi vətənpərvərlik mövzusunda ədəbi-bədii kompozisiya nümayiş etdirmişlər.



Əmr etdi verildi belə bir fərman Alimdir gözümdə ən böyük insan. Elmlə, hünərlə ... Başqa cür heç kəs, Heç kəsə üstünlük eyləyə bilməz.

Hakim Həsənov adına Qasımlı tam orta məktəbində biologiya üzrə fəlsəfə doktoru yazıçı-publisist, AJB-nin üzvü Sabir Abuşoğlu ilə görüş Nizaminin bu sözləri ilə başlamışdır. Məktəbin təlim-tərbiyə işləri üzrə direktor müavini İdrak Əkbərli alimin tərcümeyi-halı, pedaqoji fəaliyyəti və keçdiyi həyat yolu barədə geniş söhbət açmış, mövzu haqqında ictimaiyyətə məlumat vermişdir. Məktəbin müəllimlərindən şair-publisist Ədalət İsazadə, Surət Nuriyev, Qurban Kərimov, Əlövsət Salamov və Rəhman Muxtarov alimin elmi işi barədə fikir söyləmişlər. Qocaman alimin şagirdləri 2 nömrəli Yeddioymaq kənd tam orta məktəbinin psixoloqu R.Şamıyev, 1 nömrəli Yeddioymaq kənd tam orta məktəbinin biologiya müəllimi, bəddi qiraətçi R.Kazımov çıxış etmişlər. Şagirdlərdən Nurlan İsazadə, Gülanə Şəmmədova, Peyman Balayev, İrşad Əmirov Məleykə İsmayılova şeir söyləmişlər. Biologiya üzrə fəlsəfə doktoru Sabir Fərəcov çıxış etmiş, elmi yaradıcılığı barədə danışmışdır. Məktəbin direktoru Gülhəsən Məmmədov tədbiri yekunlaşdırmış, alimə yaradıcılıq uğurları arzulamışdır. [5]

Tanınmış şəxsiyyətlər[redaktə | əsas redaktə]

Əkbərov Mikayıl Ədil oğlu
  • Əkbərov Mikayıl Ədil oğlu — 20 iyul, 1930-cu ildə Azərbaycan SSR, Masallı rayonu, Qasımlı kəndində anadan olub. Yeddioymaq kənd məktəbinin fəaliyyətində Əkbərov Mikayıl Ədil oğlunun böyük rolu olmuşdur. O, 1947-ci ildən məktəbdə müəllim işləmişdir. Əvvəlcə Lənkəran pedaqoji texnikumunu sonra isə Azərbaycan pedaqoji Universitetinin filologiya fakültəsini bitirdikdən sonra, Azərbaycan dili və Ədəbiyyatını sevə-sevə şagirdlərə öyrətmişdir. 1990-1991-ci illərdə Hakim Həsənov adına Qasımlı kənd tam orta məktəbində müəllim işləmişdir. Mikayıl Əkbərov, Nizami Gəncəvinin yaradıcıllığından bəhs edən "kamillik zirvəsi" (Bakı 1999) kitabının müəllifidir. Mikayıl Əkbərov ədalətli dövlət başçısı kimi Ulu öndər Heydər Əliyevi həmişə nümunə göstərərək təbliğ edirdi. Mikayıl Əkbərov 26 sentyabr, 2005-ci ildə vəfat edib. Allah rəhmət eləsin!
Fərəcov Sabir Abuş oğlu
  • Sabir Abuş oğlu Fərəcov — 1938-ci ilin iyulunda Azərbaycan SSR, Masallı rayonu, Qasımlı kəndində anadan olub. Kənd təsərrüfatı institunu və 1969-cu ildə H.Zərdabi adına GDPİ-nin biologiya fakültəsini əla qiymətlərlə bitirib. O vaxtdan doğma kəndində müqəddəs müəllimlik peşəsinə bağlanıb. İşgüzarlığı, pedaqoji ustalığı və qayğıkeşliyi ilə ilk günlərdən şagirdlərinin və müəllim kollektivinin sevimlisinə çevrilib. Tədris etdiyi fənnini şagirdlərə sevdirməklə kənd ictimaiyyəti arasında dərin hörmət qazanıb. Sabir müəllimin əməyi dəfələrlə müxtəlif səviyyələrdə layiqincə qiymətləndirilmiş, dövlət mükafatlarına, fəxri fərmanlara layiq görülmüşdür. Sabir müəllim fədakar əməyinə görə "Əmək veteranı" medalına layiq görülmüşdür. Maraqlıdır ki, 2 ildə müəllifin işıq üzü görən dörd kitabından 3-ü rus dilində nəşr olunmuşdur. Sabir müəllimin həyəti yüzlərlə bəzək və meyvə ağacı ilə zəngin nadir bir bağı xatırladır. Sabir müəllim qurub-yaradan biliyini təmənnasız insanlara bəxş etməyi bacaran Allah adamıdır. O həm də mehriban ailə başçısıdır. Həyat yoldaşı Arəstə xanımla 10 uşaq böyüdüb, tərbiyə etmişlər. Övladlarının hamısı ev-eşik sahibidir. O elə indi də gənclik ehtirası ilə çalışır və yazıb-yaradır. Sabir müəlllim bizi hələ neçə-neçə əsərləri ilə sevindirəcək, tibb elmimizə layiqli töhfə verəcək.


Sabir Abuş oğlu Fərəcov Hakim Həsənov adına Qasımlı kənd orta məktəbinin kimya-biologiya müəllimi işləyib. Hazırda təqaüddədir.

Sabir Fərəcov tibbə dair yazdığı kitablara və pedaqoji fəaliyyətinə görə RTŞ-nin fəxri fərmanını almışdır.

Bioloq, Sabir Abuşoğlunun "Sekretı Zdorovya" (Sağlamlığın sirləri), "Formula molodosti i dolqoletiye" (Cavanlığın və uzun ömürün düsturu), "Verni svoye zdorovye" (Öz sağlamlığını qaytar), "Zdorovye - eto vaşe boqatstvo" (Sağlamlıq sizin sərvətinizdir), "Hipertoniya, ürək, şəkər xəstəlikləri və onların müalicəsi", "Sağlamlıq böyük nemətdir" kitabları artıq təkcə Azərbaycanda deyil, həmçinin MDB ölkələrində, xüsusilə də Rusiyada geniş oxucu kütləsinin rəğbətini qazanmışdır. Yazdığı bu kitablar müəllifin dərin müşahidə qabiliyyətinə, yüksək tədqiqatçı əzmkarlığına, geniş biliyə malik olmasının bariz sübutudur. Çoxlu sayda elmi və elmi-publisist ədəbiyyatı araşdırıb, aldığı nəticələri ümumiləşdirməklə, müəllif müxtəlif xəstəliklərin müalicəsi üçün tətbiq olunan üsullara yaradıcı nöqteyi-nəzərdən yanaşmış və onları sadə və anlaşılan dildə oxuculara çatdırmışdır. Xeyirxah insan, yorulmaz tədqiqatçı olan Sabir Abuş oğlu Fərəcovun kitabları insan sağlamlığına xidmət etdiyindən qiymətli vəsaitlər hesab olunur. Ona bu şərəfli və çətin tədqiqat yolunda müvəffəqiyyət, yeni yaradıcıllıq axtarışları və elmi uğurlar arzulayırıq.

Sabir Fərəcovun kitabları[redaktə | əsas redaktə]

Rus dilində

"Sekretı Zdorovya" (Sağlamlığın sirləri) "Formula molodosti i dolqoletiye" (Cavanlığın və uzun ömürün düsturu) "Verni svoye zdorovye" (Öz sağlamlığını qaytar) "Zdorovye - eto vaşe boqatstvo" (Sağlamlıq sizin sərvətinizdir)

Azərbaycan dilində

  • "Hipertoniya, ürək, şəkər xəstəlikləri və onların müalicəsi"
  • "Sağlamlıq böyük nemətdir
Fəyyaz Alışanov
  • Alışanov Fəyyaz Feyzulla oğlu — 1939-cu ildə Azərbaycan SSR, Masallı rayonunun, Qasımlı kəndində anadan olub. Kənd məktəbini bitirdikdən sonra, Lənkəran pedaqoji texnikumunu, daha sonra isə, Mirzə Fətəli Axundov adına Azərbaycan pedaqoji Rus dili və Ədəbiyyatı institutunu bitirmişdir. Hakim Həsənov adına, Qasımlı kənd orta məktəbində Rus dili fənnindən dərs demişdir. Azərbaycan və Rus dillərində səlis danışır. Fəyyaz müəllimin, "Azərbaycan adları" kitabı çap olunub. Hazırda təqaüddədir.


  • Dadaşov Qardaşxan Şahmur oğlu — 20-si aprel, 1939-cu ildə Azərbaycan SSR, Masallı rayonu, Qasımlı kəndində anadan olub. 1957-ci ildə hərbi xidmətə gedib. Masallı rayonu yeddioymaq kənd məktəbini, və Lənkəran pedoqoji məktəbini bitirib. Atası İkinci dünya müharibəsinə gedib, qayıtmayıb. Anasının himayəsində böyüyüb. 1964-cü ildən Müəllim kimi fəaliyyətə başlayıb. Əvvələr Yeddioymaq kənd orta məktəbində dərs desə də, sonralar Hakim Həsənov adına Qasımlı kənd orta məktəbində dərs deməyə başlayıb. 30 il Rus dili fənnindən dərs deyib. Sonralar, ibtidai sinif rəhbəri işləyib. Azərbaycan və Rus dillərini bilir. Yazdığı şeirlər bir çox qəzetlərdə çap olunub. Qəzet redaktoru və müəllim işləyib. Hazırda təqaüddədir.
  • Nuriyev Allahverdi Musa oğlu — 1940-cı ildə Azərbaycan SSR, Masallı rayonu, Qasımlı kəndində anadan olub. 1958-ci ildə hərbi xidmətə gedib. 1961-ci ildə hərbi xidmətdən qayıdıb və Azərbaycan Dövlət Polis akademiyasına daxil olub. Masallı Rayon Polis Şöbəsində starşina rütbəsi ilə xidmət edib! Manqa komandiri olub. 1990-cı ildən təqaüddədir. Azərbaycan və rus dillərini bilir. Hazırda Rusiyada yaşayır.


  • Ağayev Əmirxan Ataş oğlu — 13 may, 1942-ci ildə Azərbaycan SSR, Masallı rayonu, Qasımlı kəndində anadan olub. Lənkəran pedaqoji məktəbini bitirib. Sonralar təhsilini, Bakı şəhərində davam eləyib. Bakı şəhər institunda, Azərbaycan dili və Ədəbiyyat fənnindən dərs deyib. Sonralar öz doğma kəndinə qayıdır. Hakim Həsənov adına Qasımlı kənd orta məktəbində ilk direktor vəzifəsində işləyib. Əmək fənnindən dərs demişdir. 22 may, 2014-cü ildə vəfat edib. Allah rəhmət eləsin!
  • Təvəkkül Soltan oğlu Məmiyev — 1943-cü ildə Azərbaycan SSR, Masallı rayonunun Qasımlı kəndində anadan olub. Səxavətli, xeyirxah, yaxşı əməl sahibi olmaq hər insana xas olan əlamət deyil. Bəzi insanlarda bu əlamətlər elə kök salıblar ki, onlar mənəviyyatdan qidalanır, mənəviyyat bulağından su içdiyi üçün həmişə tər çiçək kimi təravətli qalır. Dünyəvi yaşayışında nail olduğu bu xüsusiyyətlər vəfatından sonra da sahibini xatırladır və insanlara nümunəvi əlamətləri ilə təsir göstərir. Belə gözəl şəxslərdən biri də Təvəkkül Soltan oğlu Məmiyevdir. 1970-1982-ci illərdə Yeddioymaq kənd orta məktəbinə rəhbərlik etmişdir. O, dövrünün əsl pedaqoqu, məktəb təşkilatçısı və dostluqda ən etibarlı bir şəxs, həyalı bir insan olmuşdur.

Tale ona dörd oğlan və iki qız övladı qismət etmişdi. Gözəl, səliqəli və təvazökar insan idi. Kəndimizin də ən sevimli sakini və müəllimi idi. Təvəkkül müəllim Yeddioymaq kimi böyük kənd orta məktəbində on ildən yuxarı bir vaxtda direktor işləmişdir. Əziz oxucular, bu qədər vaxtı pedaqoji kollektivə rəhbərlik etmək - məktəb direktoru işləmək o vaxtlar xüsusi istedad və tələbkarlıq tələb edirdi. İxtisasça kimya müəllimi olan Təvəkkül Məmiyev bu işlərin öhdəsindən layiqincə gəlir, başçılıq etdiyi Yeddioymaq kənd orta məktəbi Masallı rayonunda liderlik edirdi. Təvəkkül müəllimin özü bir məktəb idi. Təvkkül müəllim ailənin tək övladı idi. Ölüm onu tez apardı. O, 2002-ci ildə vəfat edib. Allah rəhmət eləsin.

Rzayev Şirindil Salman oğlu
  • Rzayev Şirindil Salman oğlu — 1 iyul, 1944-cü ildə Azərbaycan SSR-nin Masallı rayonu, Qasımlı kəndində anadan olub. 1963-cü ildə Rusiyanın Perma şəhərində hərbi xidmətə gedib. 1966-cı ildə hərbi xidmətdən qayıdıb. 1968-ci ildə Azərbaycan Dövlət Polis akademiyasına daxil olub. 1973- cü ildə Polis akademiyasını bitirib. 1975-ci ildə Masallı Rayon Polis şöbəsinə sənədlərini təqdim eləyib. 1988-ci ildə polis tərəfindən Qarabağa göndərilib. 1990-cı ildə Şuşa şəhərində əməliyyatda olub. 1992-ci ildə Laçın şəhərində əməliyyatda olub. 1996-cı ildən Masallı Rayon şöbəsində Sahə müfəttişi (Uçastkovıy) işləyib. 2008-ci ilin yanvarın 27-də Azərbaycan Respublikasının, Masallı rayonu, Qasımlı kəndində vəfat edib. Qasımlı kənd qəbirstanlığında torpağa tapşırılıb. Allah rəhmət eləsin!
  • Nuriyev Xankişi Əyyub oğlu — 3 aprel, 1946-cı ildə Azərbaycan SSR, Masallı rayonu, Qasımlı kəndində anadan olub. 1968-1972-ci illərdə Azərbaycan pedaqoji institunu bitirmişdir. Hakim Həsənov adına Qasımlı kənd tam orta məktəbində tarix fənnindən dərs demişdir. Azərbaycan və rus dillərini bilib. Peşekar və səliqəli müəllim olmuşdur. 10 Dekabr, 2015-ci ildə Azərbaycan Respublikası, Masallı rayonu, Qasımlı kəndində vəfat edib! Allah rəhmət eləsin!
Rzayev Rəsul Müzəffər oğlu
  • Rzayev Rəsul Müzəffər oğlu — 1948-ci ildə Azərbaycan SSR, Masallı rayonu, Qasımlı kəndində anadan olub. Azərbaycan Dövlət Pedaqoji Universitetini, Ali Jurnalist Sənətkarlığı institutunu bitirmişdir. 1976-cı ildən dövrü mətbuatda çalışır. "Çağırş", "Yeni həyat", "Rabitə dünyası", "3-cü hədəf" qəzetlərində redaktor müavini, bölgə müxbiri vəzifələrində çalışmışdır. "Şeirlər, poemalar", "Ömrün işıq payı", "Zirvəyə yol" və başqa kitabların müəllifidir. Qızıl qələm media mükafatçısıdır.
  • Əlihüseyn Məmmədhüseyn oğlu Şükürov — Azərbaycan və Rusiya Jurnalistlər Birliklərinin üzvü, "Qızıl Qələm" mükafatı laureatı, jurnalist, tərcüməçi.

Əlihüseyn Şükürov 19 mart 1960-cı ildə Masallı rayonunun Qasımlı kəndində anadan olmuşdur. Jurnalist Sənətkarlığı İnstitutunu, Ümumittifaq Kənd Təsərrüfatı Akademiyasını (Moskva), Rusiya Federasiyasınin Prezidenti yanında Ali İdarəçilik Akademiyasını və sair bitirmişdir. Komsomol, partiya, mətbuat və təsərrüfat orqanlarında işləmişdir. Hazırda Murmansk vilayəti Ümumrusiya Azərbaycan Konqresinin Mətbuat, informasiya və ictimaiyyətlə iş mərkəzinin rəhbəridir. Azərbaycan Respublikası Prezidentinin İşlər idarəsinin təsisçiliyi ilə çap olunan gündəlik "Respublika" qəzetinin xüsusi müxbiridir (2000-ci ildən). Azərbaycan haqqında məqalələri "Kommersant", "Azerbaydjanskiy Konqress" qəzetlərində, televiziya-radio efirlərində səslənir, AzərTAC və sair nəşr edir. Rusiya Federasiyasının Murmansk vilayətində çəkilən "Novruz 2008" televiziya filminin ssenari müəllifidir. Bir çox vilayət, rayon dövlət qurumlarının mükafatlarına layiq bilinmiş, Rusiya Federasiyasının "90 il Komsomolda" xatirə yubiley medalı ilə təltif edilmişdir. Ailəlidir. Bir qızı və üç oğlu vardır.

  • Ağahüseyn Məmmədhüseyn oğlu Şükürov —1964-cü il dekabrın 21-də Masallı rayonunun Qasımlı kəndində anadan olub. 1972-1982-ci illərdə Yeddioymaq kənd orta məktəbini əla qiymətlərlə oxuyub. Üçüncü sinifdə oxuyandan "Azərbaycan pioneri” qəzetində, "Pioner” jurnalında, sonradan Masallıda çıxan "Çağırış” qəzetində və digər mətbuat orqanlarında məqalələri dərc edilib. 5-ci sinifdə oxuyarkən "Azərbaycan pioneri” qəzetində "Fəal müxbirlərimiz” rubrikası altında haqqında informasiya ilə birgə portret şəkli çap olunub. 1979-cu ildə əlaçı şagird kimi Beynəlxalq "Artek” pioner düşərgəsində istirahət edib. 1983-1985-ci illərdə Sovet Ordusu sıralarında (keçmiş Pribaltika Hərbi Dairəsi) həqiqi hərbi xidmətdə olub. Hərbi xidmət zamanı Riqada çıxan "Za Rodinu” qəzetində vaxtaşırı olaraq çıxış edib, burada "Gənc hərbi müxbir” qiyabi məktəbində oxuyaraq vəsiqə alıb. 1985-1991-ci illərdə Azərbaycan Dövlət Universitetinin (indiki BDU) jurnalistika fakültəsində təhsil alıb. 1988-ci ildən əmək fəaliyyətinə başlayan Ağahüseyn Şükürov həmin ilin oktyabr ayından 1992-ci ilin okyabrınadək Masallı rayonunda çıxan "Çağırış” qəzetində əvvəlcə ədəbi işçi, sonra məsul katib vəzifələrində işləyib. Sonra bir müddət bir sıra respublika qəzetlərində korrektor, ədəbi işçi, müxbir kimi fəaliyyət göstərib. 1999-cu ildən Azərbaycan Milli Elmlər Akademiyasının (AMEA) və Azərbaycan Respublikasının Prezidenti yanında Ali Attestasiya Komissiyasının orqanı olan "Elm” qəzetinə müxbir qəbul edilib, 2007-ci ilədək burada məsul katib, baş redaktorun müavini vəzifələrində, həmçinin AMEA Mətbuat xidməti rəhbərinin müavini, AMEA Mərkəzi Aparatında Elmi informasiya şöbəsinin rəis müavini, AMEA İnformasiya Texnologiyaları İnstitutunun nəzdində "Elm” internet agentliyinin müxbiri, məsul katibi vəzifələrində çalışıb. Milli Məclisin təsisçiliyi ilə nəşr olunan "Azərbaycan” qəzetində korrektor (2001-2007), 2007-ci ildən 2010-cu ilədək yenə burada məsul katibin müavini vəzifələrində işləyib. 2010-2013-cü illərdə yenidən "Elm” qəzetində müxbir, 2013-cü ilin oktyabrından 2014-cü ilin mart ayınadək AMEA Nizami adına Ədəbiyyat İnstitutunda mətbuat xidmətinin rəhbəri olub. 2004-2012-ci illərdə AMEA-nın Həsən Əliyev adına Coğrafiya İnstitutunda elmi işçi vəzifəsində çalışıb. Akademik Budaq Budaqovun "Coğrafiya elminin uğurları” çoxcildliyinin redaktorudur. Bir sıra elmi, elmi-kütləvi və bədii kitabların redaktoru, tərtibçisi, bədii redaktoru, korrektoru olub. Ağahüseyn Şükürov 2003-cü ildən indiyədək paralel olaraq Yazıçılar Birliyinin orqanı olan "Azərbaycan”, eləcə də 2014-cü ildən "AMEA-nın Xəbərlər Məcmuəsi” jurnallarının əməkdaşıdır. O, 2000-ci ildən indiyədək Tələbə Qəbulu üzrə Dövlət Komissiyasında müqavilə üzrə imtahan rəhbəri kimi də çalışır. 2014-cü ilin mart ayından AMEA-nın vitse-prezidenti, akademik İsa Həbibbəylinin köməkçisi vəzifəsində işləyir. Bu günlərdə Ağahüseyn Şükürov filologiya üzrə fəlsəfə doktoru dissertasiyasını uğurla müdafiə edib. Azərbaycanda, eləcə də xaricdə çap olunmuş çoxsaylı elmi və elmi-publisistik məqalənin müəllifidir. Ədəbiyyatşünaslıq üzrə bir monoqrafiyası çapa hazırlanır. Azərbaycan milli mətbuatında elmi jurnalistikanın tanınmış nümayəndələrindən biridir. 1999-cu ildən elmi jurnalistika sahəsində fəaliyyət göstərir. İndiyədək elmi informasiya, müsahibə, reportaj, icmal kimi jurnalistika janrlarında 200-dən çox məqaləsi "Azərbaycan”, "Respublika”, "Xalq qəzeti”, "525-ci qəzet”, "Kaspi”, "İki sahil”, "Palitra”, "Elm” və başqa qəzetlərdə, eləcə də bir sıra jurnallarda dərc edilib, Azər TAc, APA informasiya agentliklərinin, elm.az portalının və digər müxtəlif xəbər saytlarının elektron səhifələrində işıq üzü görüb, televiziya və radio verilişlərində səsləndirilib. 2004-cü ildə AMEA Rəyasət Heyətinin Fəxri fərmanını alıb. Yeni Azərbaycan Partiyasının və Azərbaycan Jurnalistlər Birliyinin üzvüdür. Ailəlidir, 3 övladı var. Böyük oğlu Nuran (21 yaş) Azərbaycan Dövlət Mədəniyyət və İncəsənət Universitetinin 3-cü kurs tələbəsi, kiçik oğlu Afiyəddin (19 yaş) Milli Ordunun əsgəri, qızı Gülnur (5 yaş) isə bağça yaşlıdır. Ağahüseyn bütün dövrlərdə şərəf və ləyaqətini qoruyub, dövlətin və xalqın mənafeyini hər şeydən üstün tutub, el-obada, cəmiyyətdə, bölgədə nüfuz və söz sahibi olub. Bu xoşbəxtlik isə hər adama nəsib olmur. Onun həyat və fəaliyyətinə Zaman və Məkan baxımından qısaca nəzər salsaq, görərik ki, yuxarıda sadalanan keyfiyyətlərə yiyələnmək heç də asan başa gəlməyib: Ağahüseyn Şükürov yaşının bütün dövrlərində çətinliklə üzləşsə də, onun şəxsiyyəti və nüfuz dairəsi kölgə altında qalmayıb, simasını dəyişməyib. Özünün də dediyi kimi, "kişinin gərək bir sifəti olsun!” Əlbəttə, onun həqiqətən namuslu vətəndaş, ləyaqətli ziyalı kimi tanınmasında bütün bunların böyük rolu var. Ağahüseynin xidmətləri təkcə yuxarıda qeyd etdiklərimizlə bitmir. O, yaşının 50-ci pilləsində də əsl ziyalı, vətəndaş və qələm adamı kimi özünə çoxsaylı oxucu auditoriyası da qazanıb. İman gətirən bir insan Allahı böyük coşğu, həyəcanla sevər. Allaha olan sevgisindən ötrü Allahın yaratdıqlarına qarşı da böyük sevgi və məhəbbət duyar. Allahı çox sevdiyi üçün Allahı sevən imanlı insanlara qarşı böyük sevgi duyar. Bu müdrik fikirləri Ağahüseynə də şamil etmək olar. Həyatda elə insanlar var ki, ömrünün çox az hissəsini özünə həsr edir. Qalan hissəsini isə başqalarının işinə yarımaqla, onlara kömək etməklə, dərd-sərinə şərik çıxmaqla, acılarını bölüşməklə, sevinclərini paylaşmaqla keçirir. Uzun illərdən bəri xarakterinə və şəxsiyyətinə yaxından bələd olduğum jurnalist, yaradıcı insan Ağahüseyn Şükürov da həyatının mənasını başqalarına kömək etməkdə görən insanlardan biridir. Kimlərisə nəyin xatirinə və kimə görəsə tərifləməyi xoşlamıram. Doğru-dürüst, imanlı, etibarlı, ləyaqət və şərəfini qoruyub saxlamağı bacaran, əqidəsi bütöv insanlara həmişə hörmətlə yanaşıram. Ağahüseyn də belə insanlardan biridir. O, insana xas olan ən gözəl keyfiyyətləri özündə cəmləşdirən, yoldaşa, dosta etbarlı, sədaqətli, sözübütöv bir şəxsdir. O, çox işgüzar, tələbkar, istedadlı, qayğıkeş, səmimi bir yoldaşdır. Kimsə çətinliyə düşərdisə Ağahüseyn dərhal ona kömək etməyə tələsir. O bu xüsusiyyətlərinə görə redaksiyadakıların hörmət və rəğbətini qazanırdı. İstər işçilər olsun, istər oxucular, istərsə də redaksiyaya müraciət edən adi insanlar – Ağahüseyndən həmişə razılıq edirdilər. Çünki o, adamları başa düşür, onları həmişə səmimi və gülərüzlə qarşılayırdı. Heç bir zaman kiminsə könlünü qıran görməyiblər Ağahüseyni. Onun şəxsiyyəti haqqında çox danışmaq olar. Hər şey ötüb gedir - uşaqlıq, gənclik, vəzifə, hakimiyyət, ehtiras, sevgi... hər şey. lakin insanın yaratdığı və qurduğu işlərlə bağlı iki şey - yaxşı ad və imza əbədi qalır. Ağahüseyn Şükürov bu əlli ildə hər ikisini sağ ikən təmin edib.
  • Ədalət Əliheydəroğlu İsaxanlı — 25 sentyabr, 1965-ci ildə Azərbaycan Respublikasının Masallı rayonunun Qasımlı kəndində anadan olub. Azərbaycan Dövlət Universtetini bitirib

Ədalət Əliheydəroğlu İsaxanlı Masallı rayonu Qasımlı kənd məktəbinin Azərbaycan dili Müəllimidir. Eyni zamanda Ədalət Əliheydəroğlu İsaxanlının bir neçə şeir kitabları çap edilib. Ədalət Əliheydəroğlu Yazıçı və Müəllimdir.

Şəxsi kitabxanası[redaktə | əsas redaktə]

H.Həsənov adına Masallı rayonunun Qasımlı kənd orta məktəbinin müəllimi Ədalət İsaxanlının şəxsi kitabxanasında 350-dən çox elmi, bədii, dərslik və sənədli əsər toplanıb. Burada klassiklərdən Nizami Gəncəvi, Məhəmməd Füzuli, Molla Pənah Vaqif, M.S.Ordubadi, Hüseyn Cavid, Səməd Vurğun, Məmmədhüseyn Şəhriyar, Hüseyn Arif, Mikayıl Müşfiq, Gülhüseyn Hüseynoğlu, Almaz İldırımın və digərlərinin, rus və dünya ədəbiyyatından A.S.Puşkin, M.Y.Lermontov, L.Tolstoy, Viktor Hüqonun əsərlərini görmək olar. Kənd müəllimi Ədalət İsayev öz ixtisasını sevən və qəlbən müəllim peşəsinə bağlı bir insandır. Onun ədəbiyyata sonsuz marağını rəflərdə göz bəbəyi kimi qoruduğu kitablardan da görmək olar. Müəllimləri olmuş Mir Cəlal Paşayev, Muxtar Hüseynzadə, S.Cəfərov, B.Vahabzadə, Qulu Xəlilov, Famil Mehdi yaradıcılığını daim izləyir. Həmçinin yazıçı və şairlərdən Ə.Kürçaylı, Vaqif Hüseynov, Ayaz Vəfalı, Rəfiq Zəka Xəndan, Aqil Abbas, Loğman Rəşidzadə, Süleyman Əlisa, Sadıq Elcanlı, B.Şəfizadə, Aqil Əliyev (televiziya jurnalisti) kimi yaradıcılarla görüş-xatirələri də burda yer alıb. Ədalət müəllimin "Masallının söz çələngi”ində şeirləri, "Hüquq və azadlıq”, "Azad qələm”, "Zəfər qalası” qəzetlərində şeir və hekayələri dərc olunub. Ədalət müəllim həm də "Yeni həyat” qəzetinin fəal müxbiridir. Kənd müəllimi vaxtın darlığına baxmayaraq qəzetimizlə sıx əlaqə saxlayır, bəzən də "Ədalət İsaxanlı” imzası ilə günün aktual mövzusuna toxunur. Onun nostalji duyğularla qələmə aldığı məqalələr oxucular tərəfindən maraqla qarşılanır. Ədalət İsayev deyir ki, ziyalı daim oxumalı, yazmalı, məntiqi təfəkkürünü artırmalıdır. "Əkinçi”nin yaradıcısı Həsən bəy Zərdabi yazırdı: "Yaxşı kitab qiymətli bir dəfinədir”.

  • Azərbaycanın ilk teleserial rejissoru Elçin Təvəkkül oğlu Məmiyev — 1966-cı ildə Azərbaycan SSR, Masallı rayonu, Qasımlı kəndində Müəllim ailəsində anadan olub. Orta məktəbi bitirdikdən sonra, incəsənət universitetinin aktyorluq fakültəsinə daxil olub. Tələbəlik illərində gənc aktyor kimi Azərbaycan və dünya dramaturqlarının səhnə əsərlərində müxtəlif rollar oynayıb. 1988-ci ildə ali təhsilini başa vurub. Nizami Gəncəvinin eyniadlı poemasının motivləri əsasında çəkdiyi "Leyli və Məcnun" bədii televiziya filmi ilk rejissorluq işidir. 1990-cı illərdə "iynə-sap", "səs", "qorxma atəş aç!" və sair televiziya filmləri ilə tamaşaçıların və sənətşünasların böyük rəğbətini qazanıb. 1992-ci ildə Salam Qədirzadənin eyniadlı hekayəsinin motivləri əsasında çəkdiyi və xalq artisti Arif Quliyevin baş rolda oynadığı "Bığ" televiziya filmidir. 1994-cü ildə "Sənət" mükafatına layiq görülüb. Elçin Məmiyevin "Yanmış körpülər", "oyunçu", "Susmuş vicdan" teleserialları onun özünün də aktyor kimi oynadığı samballı rejissorluq işlərindəndir. İstedadlı rejissor Elçin Məmiyev baş rolların ifaçısı olmaqla yanaşı, bir çox filimlərin ssenari müəllifləri kimi tanınır. Bu istedadlı rejissora yaradıcıllığında uğurlar arzulayırıq!
  • Heydərov Rza Sarıbala oğlu — 28 oktyabr, 1969-cu ildə Azərbaycan SSR, Masallı rayonu, Qasımlı kəndində anadan olub. 1977-ci ildə Yeddioymaq kənd orta məktəbinin 1-ci sinifinə gedib. 1987-ci ildə o məktəbi bitirib. 1987-ci ilin noyabrında, hərbi xidmətə gedib. Sovet dövründə, Qazaxıstan SSR, Karakanda şəhərində daxili qoşunlarda, hərbi xidmətdə olub. Vzvod komandirinin müavini vəzifəsində çalışıb. 1989-cu ildə hərbi xidməti başa vuraraq, doğma kəndinə qayıdıb. 1991-ci ildə Masallı rayon polis şöbəsinə qəbul olub. Polisdə işlədiyi dövrdə, Qarabağ müharibəsində iştirak edib. 1992-ci ildə Laçında və Şuşada, 1993-cü ildə Ağdam, Ağdərə, Cəbrayıl və bir çox cəbhələrdə vuruşub. 2010-cu ildə polis orqanından təqaüdə çıxıb. Hal hazırda, Qarabağ müharibəsi veteranıdır.
  • Şükürov Nəsib Heybət oğlu — 5 sentyabr, 1974-cü ildə Azərbaycanın Masallı rayonu, Qasımlı kəndində Anadan olub.

Yeddioymaq kənd orta məktəbinin və Bakı Dövlət Universitetinin hüquqşünaslıq fakültəsini əla qiymətlərlə bitirmişdir.

Təhsil aldığı ali təhsil müəsisəsinin gənc, qabaqcıl müəllimi hesab olunur.

1997-2001-ci illərdə BDU-nun hüquq fakültəsinin bakalavr pilləsini bitirib.

2001-2003-cü illərdə BDU-nun hüquq fakültəsinin master pilləsini bitirib.


Hal-hazırda "Konstitusiya hüququ“ kafedrasında aspirant qismində fəaliyyət göstərərək “Azərbaycan Respublikası Milli Məclisinin hüquqi statusu” mövzusunda hüquq elmləri üzrə fəlsəfə doktoru alimlik dərəcəsi almaq üçün tədqiqat aparır.

2005-ci ildən BDU-nun hüquq fakültəsinin ”Konstitusiya hüququ” kafedrasında müəllim qismində çalışır. "Konstitusiya hüququ“, "Bələdiyyə hüququ“ və "Hüququn əsasları“ fənnlərini tədris edir.

Azərbaycan Respublikası Milli Məclisinin formalaşdırılması konstitusiya əsasları.

Azərbaycan Respublikası Milli Məclisinin səlahiyyətləri.

Seçilmiş əsərləri[redaktə | əsas redaktə]

Azərbaycan Respublikasının Konstitusiya quruluşu, Konstitusiya quruluşunun anlayışı, Azərbaycan Respublikasında xalq hakimiyyətin mənbəyidir, Dünyəvi dövlət, Azərbaycan Respublikasında Ombudsman təsisatı və İnsan Hüquqlarının inkişafı, Azərbaycan Respublikasında Milli Məclisin təşkili əsasları, Azərbaycan Respublikasının Milli Məclisi qanunverici orqan kimi, Qanunvericilik prosesinin mərhələləri, Azərbaycan Respublikası Milli Məclisinin fəaliyyəti, Hakimiyyət bölgüsü prinsipi parlamentin təşkilinin əsası kimi, Законодательная инициатива – одна из стадий законодательного процесса, Законодательный процесс как право творческая деятельность,(Qanunvericilik təşəbbüsü - qanunvericilik prosesinin mərhələlərindən biri hüququ kimi yaradıcılıq fəaliyyəti, Qanunvericilik prosesi,) Amnistiya Milli Məcisin qəbul etdiyi qərarlardan biri kimi və Milli Məclisin Nazirlər kabinetinə etimad məsələsinin həll edilməsi.

Elmlər namizədləri[redaktə | əsas redaktə]

  1. Əhmədov Əlisahib Həsən oğlu

Tibb elmləri namizədi. Bakı Dövlət Tibb Universitetini bitirdikdən sonra bir müddət Masallı Rayon Mərkəzi Xəstəxanasında çalışmışdır. Daha sonra Bakı Dövlət Tibb Universitetində müəllim kimi çalışmışdır. Elmi məqalələri "Kommunist"qəzetində çap olunmuşdur. Tibb elmləri namizədidir. Azərbaycan Ensiklopediyasının Tibb elmləri üzrə redaksiyasının elmi redaktorudur. Bakı Dovlət Tibb Universitetnin müəllimidir.

Kəndin ziyalıları barədə[redaktə | əsas redaktə]

  1. Rzayev Rəsul Müzəffər oğlu
  2. Məmiyev Təvəkkül Soltan oğlu
  3. Şükürov Ağahüseyn Məmmədhüseyn oğlu
  4. Muхtarov Balaхan Ağalar oğlu
  5. Nuriyev Xankişi Əyyub oğlu
  6. Alışanov Güloğlan Əsgər oğlu
  7. Balayev Yusif Cankişi oğlu
  8. Babayeb Əlinadir Təyyar oğlu
  9. Mustafayev Bəhlul Zalı oğlu
  10. Nuriyev Surət Qüdrət oğlu
  11. Kərimov İsmayıl Zalı oğlu
  12. Şükürov Əlihüseyn Məmmədhüseyn oğlu
  13. Rzayev Rasim Müzəffər oğlu

və başqaları.

Balayev Cankişi Ədil oğlu — Qasımlı kəndinin qabaqcıl tərəvəcilik briqadiri. Keçmiş SSRİ-nin Qırmızı Əmək Bayrağı, Oktyabr İnqilabi ordenlərinə layiq bilinmiş, medallar, Fəхri Fərmanlarını almışdır.

Biznesmenlər və kənd xeyriyyəçiləri barədə[redaktə | əsas redaktə]

Qarayev Akif Qaraş oğlu — Qızılağac - Yeddioymaq asfalt yolunun asfaltlaşdırılması və başqa xeyriyyə işləri.

Şükürov Heybət Şərif oğlu — Qasımlı kənd məscidinin təmiri və təzədən qurulması, aztəminatlı ailəyə kömək, başqa xeyriyyə işləri.

Qulamirzəyev Əziz Abbas oğlu — Qasımlı kənd ara yolunun təmiri, əsaslı bərpası, Qasımlı kənd məscidinin təmiri və təzədən qurulmasında fəal iştirakı.

İkinci Dünya Müharibəsində iştirak edənlər[redaktə | əsas redaktə]

71 (yetmiş bir) nəfər olmuş, onlardan qayıtmayan 39 (otuz doqquz) nəfər, qayıdanlar 32 (otuz iki) nəfər olmuşdur. Hazırda sağ qalan yoxdur.

Kənddə rəhbər vəzifələrdə çalışanlar:

  1. Muxtarov Ağalar Nəhməd oğlu Sov.İKP MK yanında Ali Partiya Məktəbi, sovxozda partkom
  2. Cahangirov Tanrıverdi Bürçəli oğlu - sovxozda həmkarların sədri
  3. Əkbərov Mikayıl Ədil oğlu - məktəb direktoru
  4. Məmiyev Təvəkkul Soltan oğlu - məktəb direktoru, sovxoz direktoru

Rzayev Rəsul Müzəffər oğlu - "Yeni həyat" Masallı rayon qəzetinin redaktor müavini

  1. Ağayev Əmirxan Ataş oğlu - məktəb direktoru
  2. Şükürov Böyükxan Heybət oğlu - sovxoz direktoru
  3. Balayev Rüzgar Cankişi oğlu - sovxoz direktoru
  4. Abdullayev Nağı Soltan oğlu - məktəb direktoru
  5. Şükürov Əlihüseyn Məmmədhüseyn oğlu - sovxozda komsomol, partkom
  6. Fərəcov Söhbət Seyfulla oğlu - milis mayoru
  7. Fərəcov Qasım - milis mayoru
  8. Mustafayev Bəhlul Zalı oğlu - sovxoz direktoru
  9. İsayev Ədalət Əliheydər oğlu - məktəb direktoru
  10. İsayev Хaləddin Əliheydər oğlu - Bakı Pedaqoji Texnikumunda müəllim
  11. İsayev Afət Əliheydər oğlu - Şirvan Şəhər İcra Hakimiyyətində məsul işçi
  12. Mustafayev Museyib Qardaşxan oğlu -məktəb direktoru və başqaları

Təhsili[redaktə | əsas redaktə]

Masallı rayonu Qasımlı kənd orta məktəbi

Hakim Həsənov adına Masallı rayonu Qasımlı kənd tam orta məktəbi‚ Qasımlı camaatının yazdığı ərizə nəticəsində 1990-cı ildə fəaliyyətə başlamışdır.

Həsənov Hakim (2).png

Məktəb 1993-cü il aprelin 3-də Laçın bölgəsinin Qızartı kəndini erməni qəsbkarlarından azad edərək qəhrəmancasına həlak olmuş, Həsənov Hakim Cəmiyağa oğlunun adını daşıyır.

Məktəb 110 şagird (2015) və 23 (2015) nəfərlik müəllim heyyətinə malikdir.

Fəaliyyətdə olan və fəaliyyətini dayandıran Müəllimlər[redaktə | əsas redaktə]

















və başqaları.


Din xadimləri[redaktə | əsas redaktə]

Nuriyev Cavad Nuri oğlu, Nuriyev İbrahim Cavad oğlu, Fərəcov Fəyyaz Qasım oğlu, Nuriyev Yaqub İbrahim oğlu, Nuriyev Fərman İsa oğlu, Nuriyev Natiq Yaqub oğlu və başqaları.

  • Heydər Məhəmməd oğlu 1860-cı ildə Lənkəran qəzasının, Qasımlı kəndində ruhani ailəsində anadan olub. Atası Molla Məhəmməd və Babası Molla Əhməd, 25 il İraqın Nəcəf şəhərində oxuyublar. Molla Heydər 9 yaşında olarkən, İraqın Nəcəf şəhərinə gedir. Orada təxminən 1870-ci ildən 1895-ci ilə qədər oxuyur. Sonra Lənkəran qəzasının Qasımlı kəndinə qayıdır. Burada mədrəsə açır. Atası Məhəmməd ilə bərabər, həmən mədrəsədə azərbaycan, ərəb və fars dillərində tədris ediblər. Miladi tarixilə 1912-ci ildə, hicri tarixilə 1333-cü ildə Masallının, Qasımlı kəndində vəfat edib. Ölümündən sonra onun ərdəbildə olan tələbələri ona, baş daşı qoyublar. Allah rəhmət eləsin!
  • Nuriyev Cavad Nuri oğlu 1870-ci ildə Lənkəran qəzasının Qasımlı kəndində anadan olub. Təhsilini təxminən inqlabdan qabaq 1895-ci ildə alıb. Yaxşı şagird olduğuna görə, ustadı Molla Məhəmməd, öz qızı Leylanı ona ərə verib. 6 Övladları olub. 2 Qız, 4 oğlan. Böyük oğlu Musa, 2-ci oğlu İsa, 3-cü oğlu İbrahim, 4-cü oğlu Qubad olub. Nurinin atası, Qarakişi olub. Qarakişinin atası, Qarayusub olub. Ona görə həmən nəsil Qarayusublu adlanır. Cavad Nuri oğlu dövrünün dini alimlərindən olub. 1923-cü ildə vəfat edib. Allah rəhmət eləsin!
  • Nuriyev İbrahim Cavad oğlu 1903-cü ildə Lənkəran qəzasının (indiki Masallı rayonu) Qasımlı kəndində ruhani ailəsində anadan olub. təhsilini Atasından alıb. Kəndimizin dini işlərini yerinə yetirib. 1966-cı ildə vəfat edib. Allah rəhmət eləsin!


Fərəcov Fəyyaz Qasım oğlu

Fərəcov Fəyyaz Qasım oğlu — 1921-ci ildə Azərbaycan SSR, Lənkəran qəzasının (indiki Masallı rayonu) Qasımlı kəndində anadan olumuşdur. Valideynlərini erkən itirmişdir. Qədim səlcuqlulardan gələn və əslən Xorasan Türklərindən olan Yerəhmədli nəslindən idi. Dini bilikləri səbəbindən doğulduğu kəndin seçilmiş şəxslərindən idi.

O, 1941-ci ildə Masallı rayonu Hərbi Komissarlığı tərəfindən sovet ordu sıralarına çağırılaraq Rostov vilayəti Proxladnaya şəhərində yerləşən hərbi hissələrin birində xidmət etmişdir. II Dünya müharibəsinin ilk illərində (təxminən 1942-ci ildə) cəbhədə olarkən İzqoma şəhərində (Xarkov ətrafı) gedən döyüşlərdə mühasirəyə düşərək alman ordusu tərəfindən əsir götürülmüşdür. Əsirlikdə olarkən Stalino və Ştrans şəhərlərindəki hərbi əsir düşərgələrində saxlanılmış, orada 4-5 ay qaldıqdan sonra İtaliyaya göndərilmişdir. Krımda gedən döyüşlərdə başından yaralanıb. 10 nömrəli SSRİ fərmanına əsasən, 19 noyabr 1944-cü ildə İngilis komandanlığı tərəfindən 2909 nömrəli SSRİ eşelona (cəbhə dərinliyində mövqe tutan və bu qaydada yeriyən qoşun hissəsinə) çatdırılmışdır. 21 noyabr, 1944-cü ildə 12 nömrəli fərmana əsasən, Uzaq Şərq mədənlərində işləməyə göndərilmişdir. O, 1947-ci ilin aprel ayınadək mədəndə işləmişdir.

SSRİ Müdafiə Nazirliyi tərəfindən 6 aprel 1985-ci ildə 2-ci dərəcəli Böyük Vətən müharibəsi Ordeninə layiq görülüb. [6] [7]

İkinci dünya müharibəsindən sonra öz doğma kəndinə qayıdır və digər mollalarla yanaşı məsciddə quran dərsi verməyə başlayır. Öz bilik və bacarığını gələcək nəsilə öyrədir. Azərbaycan, rusərəb dillərini bilib.

16 mart 1997-ci ildə Azərbaycan Respublikası Dövlət əmlak komitəsinin Masallı rayon şöbəsi tərəfindən, Fərəcov Fəyyaz Qasım oğluna özəlləşdirmə payı verilib.

Uzun sürən xəstəlikdən sonra 19 may 1998-ci ildə Azərbaycan Respublikası, Masallı rayonu, Qasımlı kəndində vəfat edib. Qasımlı kənd qəbiristanlığında torpağa tapşırılıb. İndi onun sənətini 2 nəvəsi Bəhlul və Mehdi davam etdirirlər. Allah rəhmət eləsin!

Şəkilləri[redaktə | əsas redaktə]

  • Nuriyev Fərman İsa oğlu 1935-ci ildə Azərbaycan SSR, Masallı rayonu, Qasımlı kəndində anadan olub. O, ilk ruhani təhsilini Masallı rayonunun Seybətin kəndində yaşayan Axund Mir Hüseyn Axund Mirdaməd oğlundan almışdı. Təsərrüfatla məşğul olan, gündoğandan, günbatana qədər soxvozda ağır fiziki işlərlə məşğul olan Fərman kişi, axşamlar Seybətin kəndinə, sonralar isə Göytəpə qəsəbəsinə gedib Mir Hüseyn ağadan səhih Quran qiraəti, şəriət qanunlarını, dini ehkamları öyrənir, öz kəndlərində, ətraf kəndlərdə elin karına gəlir, hüzr mərasimlərini yola verməyə başlayır. Lakin çox keçmir ki, həyatda öz valideynlərindən sonra ən çox sevdiyi adamı ustadı Mir Hüseyn ağanı itirir. Kərbəlayi Fərman deyir: "Mən Mirheydər ağanın yanına nə az, nə çox düz səkkiz il ayaq döymüşəm. Mənimlə birlikdə onun onlarla tələbəsi var idi. Yadımdadır, Novruz bayramı, Ramazan bayramında hər bir tələbəsinə bayram sovqatlı bağlamalar təqdim edərdi ki, evimizə, ailəmizə aparaq, onlara korluq verməyək. Biz bu hədiyyələrdən imtina edəndə, o, inciyərdi. Deyrədi ki, bu sizə mali İmam hədiyyəsidir, götürməyə bilməzsiniz." [8]

11 yanvar, 2016-cı ildə, Azərbaycan Respublikası, Masallı rayonu, Qasımlı kəndində vəfat edib. Allah rəhmət eləsin!

  • Nuriyev Yaqub İbrahim oğlu 21 may, 1939-cu ildə Azərbaycan SSR, Masallı rayonu, Qasımlı kəndində ruhani ailəsində anadan olub. 1955-ci ildə təhsilini Atası molla İbrahimdən alıb. Sonralar təhsilini artırmaq məqsədilə 1970-ci illərdə Seyyid Mir Hüseyn ağadan təhsil alıb. Öz dövründə həm Qasımlı kəndinin, həm də ətraf kəndlərin dini işlərini yerinə yetirib. Azərbaycan, ərəb və fars dillərini bilib. 13 Sentyabr, 1994-cü ildə Qasımlı kəndində vəfat edib. Allah rəhmət eləsin!

Şəkillər[redaktə | əsas redaktə]

İstinadlar[redaktə | əsas redaktə]

  1. Azərbaycan Respublikasının inzibati - ərazi bölgüsü. Məlumat toplusu. Bakı - 2013. 488 səh.
  2. Xorasan Soy kitabı. Xorasan - 1782. 365-472 səh.
  3. Xorasan Soy kitabı. Xorasan - 1782. 365-472 səh.
  4. Azərbaycan Respublikası əhalisinin siyahıyaalınması 2009-cu il. I cild. Bakı - 2010.
  5. Mənbə
  6. Azərbaycan Respublikası Dövlət Təhlükəsizliyi Xidmətinin arxivi
  7. Rusiya Federasiyası Memorial saytı
  8. "Nəcəf alimləri. Axund Mirdaməd Ağa Ocağı Masallı" (Bakı, "Uniprint" nəşriyyatı, 2014 816 səh.

Həmçinin bax[redaktə | əsas redaktə]

Xarici keçidlər[redaktə | əsas redaktə]