Qaspe yarımadası

Vikipediya, açıq ensiklopediya
Jump to navigation Jump to search

Qaspe yarımadası
ing. Gaspé Peninsula
Kosmosdan görünüşü
Kosmosdan görünüşü
48°39′29″ şm. e. 65°45′10″ q. u.
Sahəsi31.075,36 km²
Ölkə Kanada Kanada
Qaspe yarımadası (Kanada)
Red pog.png
Commons-logo.svg Qaspe yarımadası Vikianbarda


Qaspe yarımadası (ing. Gaspé Peninsula) və ya Qaspesiya yarımadası — Müqəddəs Lavrenti çayının cənub sahilindən Kanadanın Kvebek əyalətində yerləşən Matapedia dərəsinə qədər uzanan, Müqəddəs Lavrenti körfəzi ilə əlaqələnən yarımada. Yarımada Nyu Brunsvikdən Şalor körfəzi və Restiquş çayı vasitəsilə ayrılır.

"Qaspe" sözü miqmaq dilindəki "gaspeg" sözündən gəlir və mənası "torpağın sonu"dur. Başqa bir versiyaya görə yarımada adını bask dilindəki "gerizpe" ("sığınacaq") sözündən götürüb.[1]

Yarımadanın sahəsi Belçikanın sahəsindən bir qədər böyükdür: 31.075 km2. 2011-ci ilə aparılan siyahıalmaya görə Qaspedə 140.599 nəfər yaşayır.[2]

Ərazi[redaktə | əsas redaktə]

Qaspenin qeyri-rəsmi bayrağı

Yarımadanın şimal sahilində, Müqəddəs Lavrenti çayı boyunca sıldırım qayalar üstünlük təşkil edir.[3] Müqəddəs Lavrenti körfəzinə çıxan Kap Qaspe uçurumu yarımadanın ən şərq nöqtəsidir. Təbii tağ tərəfindən dəlinmiş kiçik ada olan Pers qayası yarımadanın sadəcə şərq sahilindən aralıda yerləşir. Yarımadanın daxili nahamardır. Şimala doğru uzanan və Appalaç dağlarının davamı olan Çik-Çoks dağlarında yarımadanın ən hündür nöqtəsi olan Cek-Karter zirvəsi yerləşir (1.268 metr).

1.151 metr hündürlüyə malik Albert dağı Çik-Çoks dağlarının digər hündür zirvəsidir.[4][5] Albert dağının yoxuşluğunun üstəsindən gəlmək müşküldür, amma Müqəddsə Lavrentinin və Kot Norun mənzərəsinə, çayın şimal sahilinə, Kanada qalxanına görə turistlərin diqqətini çəkir.

Daxili hissələri[redaktə | əsas redaktə]

Yarımadanın daxili hissələrinin çoxunu Appalaç dağlarının ardı — Notr Dam dağlarının hissəsi olan Çik-Çok dağları təşkil edir.

Dəniz səviyyəsindən 660 metr yüksəklikdə yerləşən Merdokvill şəhərinin maraqlı tarixi var və burada bir neçə külək turbinini görmək mümkündür. Şəhər 198-ci yolla yarımadanın şimal sahili əlaqələnir. 198-ci yol boyunca yarımadanın şərqindəki Qaspe şəhərinə qədər York çayı axır.

Qalereya[redaktə | əsas redaktə]

İstinadlar[redaktə | əsas redaktə]

  1. According to Quebec's Commission de toponymie
  2. Statistics Canada Population and dwelling counts, for Canada, provinces and territories, and economic regions, 2011 and 2006 censuses - 100% data
  3. Fernald, M.L. (1932). "Botanizing on the Gaspé sea-cliffs". Harvard Alumni Bulletin 36: 1–7.
  4. Gouvernement du Québec. "Mont Albert" (French). Commission de toponymie (2011).
  5. Scoggan, H.J. (1950). The Flora of Bic and the Gaspé Peninsula, Quebec. Ottawa, Canada: National Museum of Canada, 399.

Xarici keçidlər[redaktə | əsas redaktə]

Vikianbarda Qaspe yarımadası ilə əlaqəli mediafayllar var.