Qax rayon Mərkəzləşdirilmiş Kitabxana Sistemi

Vikipediya, azad ensiklopediya
Jump to navigation Jump to search
Qax rayon C. Cabbarlı adına Mərkəzi kitabxana
Qax rayon C. Cabbarlı adına Mərkəzi Kitabxana.png
Ümumi məlumatlar
Ölkə Azərbaycan
Tipi kütləvi kitabxana
Yaradılıb 1906
Ünvan Qax rayonu, Azərbaycan prospekti - 30
Telefon Telefon: 02425-5-32-07; 02425-4-28-89
Faks: 02425-5-22-83
Sayt gakh.cls.az

Qax rayon Mərkəzləşdirilmiş Kitabxana Sisteminin vəzifəsi rayon əhalisinə kitabxana xidməti göstərmək, müxtəlif tədbirlərlə insanları kitabxanalara cəlb etmək, kitab oxumağı sevdirməkdir.

Qaxda kitabxananın tarixi[redaktə | mənbəni redaktə et]

Azərbaycanda kitabxana işinin tarixi çox qədimdir. Qax rayonunda ilk kitabxana arxiv sənədlərinə əsaslanaraq 1906-cı ildə “Qiraət koması” şəklində Qaxın İçəri Bazar adlanan ərazisində o dövrün maarifçi ziyalılarından olan, Tiflisdəki “Zaqafqaziya” qəzetinin Azərbaycan bölməsinin müdiri Həmzət bəy Qəbulov Şirvanskinin evində fəaliyyət göstərmişdir. H. Qəbulov Şirvanski o dövrün mütərəqqi insanlarını da bu işə cəlb etmiş, onlara öz hesablarına kitabxanaya kitab almalarını təvəqqe etmişdi. Tarixi mənbələr və araşdırmalar göstərir ki, 1906- cı ildən bu günə qədərki dövrdə ziyalılarımızın səyi ilə yaradılan mədəni-maarif ocağı olan kitabxan ləğv olunmamış, inkişaf etdirilərək bu günkü səviyyəyə çatdırılmışdır. Qaxda kitabxanalar 1920-ci ildən 1945-ci ilədək Xalq Maarif şöbəsinin nəzdində fəaliyyət göstərmişdir. 1945-ci ildə rayonlarda Mədəniyyət şöbələri təşkil edilərkən bütün mədəni-maarif müəssisələri, o cümlədən kitabxanalar mədəniyyət şöbəsinin nəzdinə keçmişdir. 1979-cu ildən rayonumuzda kitabxanalar Mərkəzləşdirilmiş Kitabxana Sistemi şəklində fəaliyyət göstərməyə başladı. 1979-cu ildən Mərkəzi kitabxana görkəmli Azərbaycan dramaturqu, şairi və nasiri Cəfər Cabbarlının adını daşıyır. 2017-ci il yanvar ayı tarixindən Azərbaycan Respublikası Prezidentinin “Azərbaycan Respublikası Mədəniyyət və Turizm Nazirliyinin strukturunun təkmilləşdirilməsi haqqında” 29 mart 2016-cı il tarixli sərəncamına uyğun olaraq Qax rayon MKS-i Şəki Regional Mədəniyyət və Turizm İdarəsinin tərkibində fəaliyyətini davam etdirir.

Kitabxananın fəaliyyət istiqamətləri[redaktə | mənbəni redaktə et]

Qax MKS-nin fondunda 4 dildə - azərbaycan, rus, gürcü və ingilis dilində ədəbiyyat vardır. Qax MKS-i 2003, 2005, 2007-ci illərdə ABŞ-nın Azərbaycanda fəaliyyət göstərən Səfirliyi tərəfindən kitabxana layihələrində iştirak etmişdir. 2005-2008-ci illərdə Regional Kitabxanaların İnkişafı Proqramı çərçivəsində Mərkəzi kitabxanada Regional Kitabxana Məlumat Mərkəzi fəaliyyət göstərmişdir. Bu zaman kitabxana işçiləri, həmçinin oxucular kompüter kursları keçmiş və kompüterdə işləməi öyrənmişlər. Qax rayon Mərkəzləşdirilmiş Kitabxana Sistemi 01.27.2010 Beynəlxalq Assossasiya ЭБНИТ (ELNİT) – in üzvüdür.

Strukturu[redaktə | mənbəni redaktə et]

Qax rayon C. Cabbarlı adına Mərkəzi Kitabxanada 6 şöbə fəaliyyət göstərir:

1. Metodiki - biblioqrafiya şöbəsi
2. Kitabişləmə və komplektləşdirmə şöbəsi
3. Kitabxana – biblioqrafiya proseslərinin avtomatlaşdırılması şöbəsi
4. İnformasiya – resurs şöbəsi
5. Abonement - Oxuculara xidmət şöbəsi, oxu zalı
6. Uşaq şöbəsi

Qax MKS-in kitabxana filialları[redaktə | mənbəni redaktə et]

Qax MKS-in tərkibinə 33 kitabxana - C. Cabbarlı adına Mərkəzi kitabxana və kənd kitabxan filialları daxildir. Mərkəzi kitabxana digər kənd kitabxanaları üçün metodik mərkəz rolunu oynayır.
1. 1 saylı Şəhər kitabxanası, 2. Sarıbaş kənd kitabxana filialı, 3. İlisu kənd kitabxana filialı, 4. Ağçay kənd kitabxana filialı, 5. 2 saylı Şəhər kitabxanası, 6. Qaxingiloy kənd kitabxana filialı, 7. Qum kənd kitabxana filialı, 8. Ləkit kənd kitabxana filialı, 9. Zərnə kənd kitabxana filialı, 10. Güllük kənd kitabxana filialı, 11. Turaclı kənd kitabxana filialı, 12. Marsan kənd kitabxana filialı, 13. Tasmalı kənd kitabxana filialı, 14. Zəyəm kənd kitabxana filialı, 15. Almalı kənd kitabxana filialı, 16. Cəlayer kənd kitabxana filialı, 17. Qıpçaq kənd kitabxana filialı, 18. Baydarlı kənd kitabxana filialı, 19. Ağyazı kənd kitabxana filialı, 20. İbaxlı kənd kitabxana filialı, 21. Əlibəyli kənd kitabxana filialı, 22. Qaratala kənd kitabxana filialı, 23. Qaşqaçay kənd kitabxana filialı, 24. Armudlu kənd kitabxana filialı, 25. Əmbərçay kənd kitabxana filialı, 26. Əmircan kənd kitabxana filialı, 27. Avtobaza kənd kitabxana filialı, 28. Kollec kitabxana filialı, 29. Toppaq kənd kitabxana filialı, 30. Qaxbaş kənd kitabxana filialı, 31. Şıxlar kənd kitabxana filialı, 32. Ləkit Malax kənd kitabxana filialı.

Nailiyyətlər[redaktə | mənbəni redaktə et]

Azərbaycan Mədəniyyət və Turizm naziri cənab Əbülfəs Qarayevin 09 yanvar 2014-cü il tarixli 2 №-li əmrinə əsasən Qax MKS-in C. Cabbarlı adına Mərkəzi kitabxanası "İlin Mərkəzi Kitabxanası" nominasiyası üzrə “İlin kitabxanası” baxış müsabiqəsinin qalibi olmuşdir.

Xarici keçidlər[redaktə | mənbəni redaktə et]

http://gakh.cls.az/ Arxivləşdirilib 2017-10-25 at the Wayback Machine