Qayınana (teleserial, 2011)

Vikipediya, açıq ensiklopediya
(Qayınana (film, 2011) səhifəsindən istiqamətləndirilmişdir)
Jump to navigation Jump to search
Film şablonu üçün illüstrasiya.png
Qayınana
Fotoqrafiya
Janr komediya
faciəvi komediya
Rejissor Rüfət Şahbazov
Baş rollarda Vəfa Zeynalova - Nigar (gəlin)
Sənubər İsgəndərli - Afət (qayınana)
Elnur Kərimov - Kamil
Asya Atakişiyeva - Rəna
Vüsal Mustafayev - Cəmil
Rada Nəsibova - Sədaqət
Elməddin Cəfərov - Tofiq
Operator Həmid Bağırov, Bəxtiyar Abbasov
Bəstəkar Vüqar Camalzadə
Rəssam Elnarə Qədirova
İstehsalçı Xəzər Televiziyası
İlk baxış tarixi 22 sentyabr 2011
Filmin növü bədii serial
Rəngrəngli
Vaxt50-55 dəq. (təxminən)
ÖlkəFlag of Azerbaijan.svg Azərbaycan
Dilazərbaycanca
İl2011-2013

Məzmun[redaktə | əsas redaktə]

Filmdə qayınana gəlin münasibətləri əks etdirilir. Həmçinin onların yaxın qohumlarının və qonşularının başına gələn məzəli əfvalatlar da serialın süjet xəttini təşkil edir.

Filmdə əsas süjet xətti aktrisa Sənubər İsgəndərlinin canlandırdığı Afət xanım (qayınana) və onun ailəsidir. Afət xanımın gəlinləri ilə bəzən mübahisələri olsa da o çox mehriban, gözəl, qayğıkeş qadındır. Afət xanımı hər kəs sevir. Onun iki oğlu var: Kamil və Cəmil. Kamil turizm şirkətinin müdiridir. Mədəni insan, qayğıkeş atadır. Eyni zamanda anasına hörmət edir. Cəmil kafe işlədir (bir zamanlar Afət xanımın kafesini). Cəmil mehriban, bir qədər də zarafatcıl və dalaşqandır. Afət xanımın bir qızı da var. Rəna... Rəna çox gözəl və mehriban qızdır. Gülərüz insandır. Həkimdir. Anasını çox sevir. Afət xanımın hər iki oğlu Kamil və Cəmil evlidir. Kamilin həyat yoldaşı - Nigar, Cəmilin isə Sevdadır. Nigar zəhmətkeş qadındır. Afət xanımın bəzən ona acıqlanmasına rəğmən cavab qaytarmır. Evdardır. Nigar və Kamilin İlqar adında bir oğlu da var. Digər bir obraz olan Sevda gözəl və mədəni qızdır. İşgüzardır. Həkimdir. Bir vaxtlar Rənanın müəllimi olub. Cəmillə yeni evlənib. Afət xanımın Püstə adında qayınanası var. Qayınananın qayınanası. Püstə nənə ilə Afət xanım tez-tez mübahisə edirlər. Amma ikisi də bir-birini çox istəyir. Püstə nənə evin ağbirçəyidir. Kənan Yusifovun canlandırdığı Polad (Potu) Rənaya aşiqdir. Onun dostu Lazım (Elvin Ağayev) Afət xanımın qardaşı qızı Sədaqəti sevir. Kamilin iş yoldaşları Pərvin bəy və Pərvin xanım uzun sürən eşq macərasından sonra yeni ailə qurublar. Həmçinin ofisdə Alov və Səlim kimi komik obrazlar da var. Polad meyvə satır və onun qonşuları Simuzər ilə İntiqam cütlüyü heç yola getmir. Cəmilin kafesində işçi Daşdəmir də Rənaya aşiqdir, amma Rəna onu sevmir. Dünyamalı və Gülmalı da kafedə işləyirlər. Sevdanın iş yoldaşı Qoşqar daim Afət xanımın ailəsinə qarışsa da heç kim ona məhəl qoymur.

"Qayınana" serialında Afət xanım və onun ailəsində mənfi obraz yoxdur. Ümumiyyətlə, film bir qədər komikdir. Amma bu heç də serialın səviyyəsini azaltmır. "Qayınana" komediya deyil, serialdır.

Film haqqında[redaktə | əsas redaktə]

  • Filmin musiqisini bəstəkar Vüqar Camalzadə bəstəkar Tofiq Quliyevin rejissor Hüseyn Seyidzadənin "Qayınana"" filminə yazdığı musiqilərdən bəhrələnərək yazmışdır.
  • Titrlərdə filmin adı "Qaynana" kimi gedir. Qrammatik cəhətdən "Qayınana" daha doğrudur. Lakin uzun müddət dillərdə bu kəlmə "ı" hərfi olmadan tələffüz edildiyindən ədəbiyyatımıza alternativ bir variant kimi daxil olmuşdur.

Filmin heyəti[redaktə | əsas redaktə]

Filmin üzərində işləyənlər[redaktə | əsas redaktə]

Rejissor: Rüfət Şahbazov
Aktyorlarla iş üzrə rejissor: Sənubər İsgəndərli
Prodüser: Səbuhi Yusibli
Baş ssenarist: Valeh Əhmədov
Ssenari müəllifləri: Kənan Yusifov, Səbuhi Bayramov, Elvin Ağayev, Könül Mayılova, Azər Səlimli, Failə Nəbiyeva, Könül İsayeva
Montaj rejissorları: Səbuhi Sadiqov, İslam Əliyev
Köməkçi rejissor: Vüsal Məmmədov
Dekorasiya üzrə quruluşçu rəssam: Xuraman Azəri
Quruluşçu rəssam: Elnarə Qədirova
Quruluşçu operator: Həmid Bağırov
Operatorlar: Sahib Qurbanov, Bahadır Mehdiyev, Həmid Bağırov
Kran operatoru: Bəxtiyar Abbasov
Səs rejissoru: Elnur Yaquboğlu
Geyim üzrə menecer: Nailə Əliyeva
İnzibatçı: Azər Rzayev
Rejissor assistenti: İlqar Abbasov
Studiya rəhbəri: Ziya Məmmədov
Bəstəkar: Vüqar Camalzadə
Sözlər: Sevinc Şirin
İfaçılar: Aysel İbrahimova, Ayaz Qasımov
Musiqiçilər: Teymur Süleymanoğlu, Aydın Yəhyayev
Qrim üzrə rəssamlar: Ülviyyə Əliyeva, Cəmilə Məmmədova

Aktyorlar[redaktə | əsas redaktə]

Səbuhi Bayramov - Pərvin
Şəlalə Quliyeva - Pərvin
Naidə Orucova - Simuzər
Elvin Ağayev - Lazım
Tunay Əliyeva - Sevda
Qoşqar Mövlazadə - Qoşqar
Elnur Hüseynov - Daşdəmir
Ədalət Əbdülqasımov - İntiqam
Zülfüqar Hüseynli - İlqar
Xanım Qafarova - Püstə nənə
Vüsal Mustafayev - Cəmil
Elnur Kərimov — Kamil[1]
Şəhla Əliqızı - Nigar
Kənan Yusifov - Polad
Asya Atakişiyeva - Rəna
Sənubər İsgəndərli — Afət xanım[2]

Baş sponsor[redaktə | əsas redaktə]

Azercell

İstinadlar[redaktə | əsas redaktə]

  1. Kərimov, E. “6-nın yerinə 9 desəm, aləm qarışar”: [Gənc Tamaşaçılar Teatrının aktyoru, “Qaynana” serialından Kamil rolunun ifaçısı kimi tanınan Elnur Kərimovla müsahibə] /müsahibəni apardı Rəis Xəyalə //Kaspi.- 2012.- 1 noyabr.- S.11.
  2. İsgəndərli, S. Nəsibə Zeynalovanın “Qaynana” möhürü: [Əməkdar artist Sənubər İsgəndərli ilə yeni çəkilən eyni adlı serial haqqında söhbət] //Həftə içi.- 2012.- 19 yanvar.- S. 8.

Həmçinin bax[redaktə | əsas redaktə]

Azərbaycan filmlərinin siyahısı

Xarici keçidlər[redaktə | əsas redaktə]

Filmi izlə (1-24-cü seriyalar)
Filmi izlə (25-100-cü seriyalar)
Filmi izlə (101-155-ci seriyalar)