Məzmuna keç

Qazaxlar (Füzuli)

Vikipediya, azad ensiklopediya
Kənd
Qazaxlar
39°24′24″ şm. e. 47°19′16″ ş. u.HGYO
Ölkə  Azərbaycan
Region Qarabağ iqtisadi rayonu
Rayon Füzuli rayonu
Bələdiyyə Əhmədalılar bələdiyyəsi
Əhalisi
Əhalisi 918 nəfər (2009)
Milli tərkibi Azərbaycanlılar
Rəsmi dili Azərbaycan dili
Xəritəni göstər/gizlə
Qazaxlar xəritədə
Qazaxlar
Qazaxlar
Vikianbarın loqosu Vikianbarda əlaqəli mediafayllar

Qazaxlar — Azərbaycan Respublikasının Füzuli rayonunun Əhmədalılar kənd inzibati ərazi dairəsində kənd.[1]

Tarixi

[redaktə | vikimətni redaktə et]

Qazaxlar kəndi əhalisi öncə Məhəmmədhəsən ağa İbrahimxəlil xan oğlu Sarıcalı-Cavanşirə, onun vəfatından sonra isə oğlu Cəfərqulu xana vergi ödəyirdi. 1823-cü ilə bağlı rus qaynağında göstərilir ki, kənd Cəfərqulu xana məxsusdur. Kənddə xana 9 ailə vergi ödəyirdi. Kədxuda Musa, təbib Ağa Məhəmmədhüseyn vergidən azad olunmuşdu. Xorasanoğlu məaf idi.

07.12.1999-cu il tarixli 771-IQ nömrəli "Bələdiyyələrin əraziləri və torpaqları haqqında" Qanunun ilkin versiyasının[2] "Füzuli rayonu" bölməsinə əsasən yaradılan 18 bələdiyyədən biri də Füzuli rayonunun Qazaxlar bələdiyyəsi olub.

18.11.2024-cü il tarixli 50-VIIQ nömrəli Qanunun[3] 18.2-ci bəndinə əsasən "18.2. Arayatlı, Babı, Əhmədalılar, Qazaxlar və Mollaməhərrəmli bələdiyyələrinin əhatə etdiyi Arayatlı, Babı, Əhmədalılar, Qazaxlar, Mirzənağılı və Mollaməhərrəmli kəndlərində Əhmədalılar bələdiyyəsi" yenidən təşkil edilib. Bununla da Füzuli rayonunun Qazaxlar bələdiyyəsinin fəaliyyətinə xitam verilib.

Coğrafiyası

[redaktə | vikimətni redaktə et]

Düzənlikdədir.

Əhalisi

[redaktə | vikimətni redaktə et]

2009-cu ilin siyahıyaalınmasına əsasən kənddə 918 nəfər əhali yaşayır.[4] 2012-ci ilin fevralın 15-də Qazaxlar kəndinin əhalisinə yeni çəkilmiş boru xətti vasitəsilə ilk dəfə təbii qaz verilməsinə başlanmışdır. Kəndə təbii qazın verilməsi ilə əlaqədar həmin gün kəndə tədbir keçirilmişdir.[5]

İqtisadiyyatı

[redaktə | vikimətni redaktə et]

Əhalinin əsas məşğuliyyətini kənd təsərrüfatı-əkinçilik, maldarlıq və heyvandarlıq təşkil edir.

Qazaxlar kəndinə gedən avtomobil yolu Füzuli rayonunun yol infrastrukturunun inkişafı çərçivəsində inşa edilmişdir. Qarabağ–Böyük Bəhmənli–Arayatlı–Mirzənağılı avtomobil yolunun tikintisi Azərbaycan Prezidentinin 5 oktyabr 2013-cü il tarixli sərəncamı ilə nəzərdə tutulmuşdur. Sərəncama əsasən, yolun tikintisinin maliyyələşdirilməsi üçün Füzuli Rayon İcra Hakimiyyətinə ilkin olaraq 3 milyon manat ayrılmışdır. Sənəddə yolun 28 min nəfərin yaşadığı 13 yaşayış məntəqəsini birləşdirdiyi bildirilir.[6]

2014-cü il 1 iyul tarixli sərəncamla yolun tikintisinin davam etdirilməsi üçün əlavə olaraq 5,4 milyon manat vəsait ayrılmışdır. Sərəncamda yenə yolun 13 yaşayış məntəqəsini birləşdirdiyi qeyd edilmişdir.[7]

2016-cı il 23 iyul tarixli sərəncamla isə yolun tikintisinin başa çatdırılması məqsədilə Azərbaycan Respublikasının dövlət büdcəsindən 1,8 milyon manat ayrılmışdır. Sərəncamda tikinti işlərinin maliyyələşdirilməsi və həyata keçirilməsi Azərbaycan Respublikasının Maliyyə Nazirliyi və “Azəravtoyol” ASC-yə həvalə edilmişdir.[8]

Beləliklə, yolun tikintisi üçün 2013-cü ildə 3 milyon manat, 2014-cü ildə 5,4 milyon manat, 2016-cı ildə isə 1,8 milyon manat olmaqla, rəsmi sərəncamlarda ümumilikdə 10,2 milyon manat vəsait nəzərdə tutulmuşdur.

Azərbaycan Respublikası Prezidentinin 14 fevral 2018-ci il tarixli Sərəncamına əsasən, Füzuli rayonunun Mirzənağılı və Qazaxlar kəndlərinin, eləcə də Cəbrayıl rayonunun Cocuq Mərcanlı kəndinin əkin sahələrinin suvarma suyu ilə təmin edilməsi üçün Baş Mil kanalı üzərində nasos stansiyasının tikintisi məqsədilə vəsait ayrılmışdır.[9]

Həmçinin bax

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 28 fevral 2024. 14 mart 2024 tarixində arxivləşdirilib (PDF). İstifadə tarixi: 5 aprel 2024.
  2. ↑ Hüquqi Aktların Dövlət Reyestri. "Bələdiyyələrin əraziləri və torpaqları haqqında Qanun". e-qanun.az (az.). İstifadə tarixi: 28 noyabr 2024.
  3. ↑ Hüquqi Aktların Dövlət Reyestri. "Azərbaycan Respublikasında bələdiyyələrin birləşməsi yolu ilə yeni bələdiyyələrin yaradılması haqqında Qanun". e-qanun.az (az.). İstifadə tarixi: 28 noyabr 2024.
  4. ↑ Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
  5. ↑ "ARDNŞ Xəbərlər arxivi - 2012 Fevral ayı". 9 mart 2012 tarixində orijinalından arxivləşdirilib. İstifadə tarixi: 7 mart 2012.
  6. ↑ "Füzuli rayonunun sosial-iqtisadi inkişafının sürətləndirilməsinə dair əlavə tədbirlər haqqında Azərbaycan Respublikası Prezidentinin Sərəncamı". Azərbaycan Prezidentinin Rəsmi internet səhifəsi. 5 oktyabr 2013. 19 fevral 2014 tarixində arxivləşdirilib. İstifadə tarixi: 7 sentyabr 2026.
  7. ↑ "Füzuli rayonunun Qarabağ-Böyük Bəhmənli-Arayatlı-Mirzənağılı avtomobil yolunun tikintisi ilə bağlı əlavə tədbirlər haqqında Azərbaycan Respublikası Prezidentinin Sərəncamı". Azərbaycan Prezidentinin Rəsmi internet səhifəsi. 1 iyul 2014. 13 noyabr 2024 tarixində arxivləşdirilib. İstifadə tarixi: 7 sentyabr 2026.
  8. ↑ "Füzuli rayonunun Qarabağ-Böyük Bəhmənli-Arayatlı-Mirzənağılı avtomobil yolunun tikintisi ilə bağlı əlavə tədbirlər haqqında Azərbaycan Respublikası Prezidentinin Sərəncamı". Azərbaycan Prezidentinin Rəsmi internet səhifəsi. 23 iyul 2016. 13 noyabr 2024 tarixində arxivləşdirilib. İstifadə tarixi: 7 sentyabr 2026.
  9. ↑ "Cəbrayıl rayonunun Cocuq Mərcanlı kəndinin əkin sahələrinin suvarma suyu ilə təmin edilməsi üçün əlavə tədbirlər haqqında Azərbaycan Respublikası Prezidentinin Sərəncamı". president.az. 14 fevral 2018. 13 noyabr 2024 tarixində arxivləşdirilib. İstifadə tarixi: 4 sentyabr 2026.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Qazaxlar_(Füzuli)&oldid=9094467"