Qazxan nekrapolu

Vikipediya, açıq ensiklopediya
Jump to navigation Jump to search
Qazxan yaşayış yeri və nekrapolu. NMR. Şərur

Qazxan nekrapoluŞərur rayonunun Çərçiboğan kəndindən cənubda, eyniadlı yaşayış yerinin yaxınlığında arxeoloji abidə.

Nekropolun ərazisi xalq arasında Kasxan da adlandırılır. Nekropol təsərrüfat işləri görülərkən təsadüfən dağıdılmışdır. Dağıdılmış qəbirlərdən boz rəngdə, orta dərəcədə bişirilmiş gil qablar aşkar olunmuşdur. Küpə tipli qablardan birinin Xocalı-Gədəbəy mədəniyyəti keramikası üçün xarakterik olan göbələkşəkilli çıxıntısı vardır. Digər küpənin üzəri ağ inkrustasiyalı həndəsi ornamentlə naxışlanmışdır. Aşkar olunan keramika məmulatı Naxçıvan üçün xarakterik olub, Son Tunc və Erkən Dəmir dövrünə aiddir. Nekropoldakı qəbirlər tamamilə dağıldığından onların tiplərini müəyyən etmək mümkün olmamışdır. Arxeoloji materiallara əsasən Qazxan nekropolunu e.ə. 2-1 minilliklərə aid etmək olar.[1][2].

İstinadlar[redaktə | əsas redaktə]

  1. Naxçıvan Abidələri Ensiklopediyası. Naxçıvan: 2008
  2. Bахşəliyеv, Vəli (2008). Nахçıvаnın аrхеоlоji аbidələri (az). Bakı: "Elm", 301s.