Qoçulu (Borçalı)

Qoçulu
41°26′07″ şm. e. 44°37′50″ ş. u.
Ölkə	Gürcüstan
Tarixi və coğrafiyası
Mərkəzin hündürlüyü	480 m
Qoçulu
Vikianbarda əlaqəli mediafayllar

Qoçulu — Gürcüstan Respublikasının Borçalı mahalı bölgəsində kənd. İnzibati cəhətdən Bolnisi rayonunun tabeçiliyindədir. 90-cı illərin əvvəllərində rayonun digər 32 azərbaycanlı kəndində olduğu kimi adı dəyişdirilərək Çapala halına salınmışdır. Faruq Sümərin məlumatına görə XVI əsrin sonu XVII əsrin əvvəllərində Qoçulu Ustaclı oymağının obalarından biri idi.

Coğrafi mövqeyi

Qoçulu kəndi Maşavera çayının sağ sahilində dəniz səviyyəsindən 430–440 m. yüksəklikdə yerləşir. Ərazi baxımdan rayonun İmirhəsən, Daşlıqullar, Hasanxocalı, Cəfərli və Əsmələr kəndləri ilə qonşuluqdadır. Kənd rayon mərkəzindən 14 km şərqdə yerləşir. Coğrafi koordinatları 41° 26' 14" şimal enliyi, 44° 37' 51" şərq uzunluğudur.Kənddə məktəb yerləşir. Kənddə xüsusi körpü vardır ki, deyilənlərə görə yumurta qabığından inşa edilib.^{[mənbə göstərin]}

Əhalisi

2002-ci il əhali siyahıyaalmasının nəticələrinə əsasən Qoçulu kəndində 1623 nəfər sakin (rayon əhalisinin 2,2%-i) yaşayır. Əhalinin 48,6%-i kişilər, 51,4%-i isə qadınlardır. Rəsmi statistikaya əsasən əhalisinin hamısı etnik azərbaycanlılardan ibarətdir. 2004-cü ildən etibarən Qoçulu Arıxlı kənd bələdiyyəsinin tərkibindədir.

Şəxsiyyətləri

• Ömər Qoçulu - Azərbaycan Respublikasının əməkdar memarı
• Məmməd Çıraqov - geologiya-mineralogiya elmləri doktoru
• Famil Çıraqov - kimya elmləri doktoru
• Dünyamalı Kərəm - Şair, Yazıçı
• Xoca Məhəmməd - Aşıq, Şair
• Qəhrəman Süleymanlı - Aşıq, Şair, Keçmiş Kantorun Baş Mühasibi

Görüntülər

• 
  Əyri körpü
• 
  Qoçulu (Çapala) qalası
• 
  Qalanın qalılqları
• 
  Qalanın divarları

Mənbə

1. Ulu baban kim olub ? III kitab (Faxralı, Saraçlı, İmirhasan və Qoçulu kəndləri - XIX yüzilə aid kameral təsvirlər). Tərtib edənlər: V. Hacılar, F. Valehoğlu. Bakı: "Kooperasiya" nəşriyyatı, 2019, 64 s.

Xarici keçidlər

• Gürcüstan Statistika Departamentinin rəsmi internet səhifəsi Arxivləşdirilib 2008-11-18 at the Wayback Machine
• Kvemo Kartli (Borçalı) mxaresinin rəsmi internet səhifəsi
• Borçalı haqqında çoxdilli sayt Arxivləşdirilib 2011-11-22 at the Wayback Machine
• Borçalı haqqında sayt Arxivləşdirilib 2021-02-27 at the Wayback Machine