Qriqori Yegizarov

Qriqori Yegizarov
Azərbaycan SSR avtomobil nəqliyyatı naziri
1 avqust 1947 – 5 may 1950
Əvvəlki	Ələkbər Əliyev
Sonrakı	Ziya Kurmakayev
Şəxsi məlumatlar
Doğum tarixi	28 yanvar 1903(1903-01-28)
Doğum yeri	Quşçu, Yelizavetpol qəzası, Yelizavetpol quberniyası, Rusiya imperiyası
Vəfat tarixi	7 may 1967(1967-05-07) (64 yaşında)
Vəfat yeri	Bakı, Azərbaycan SSR, SSRİ
Dəfn yeri	Fəxri Xiyaban
Partiya	Sovet İttifaqı Kommunist Partiyası (1919–1967)
Hərbi xidmət
Döyüşlər	Böyük Vətən müharibəsi
Rütbəsi	polkovnik-leytenant
Təltifləri

Qriqori Sarkisoviç Yegizarov (28 yanvar 1903, Quşçu, Yelizavetpol qəzası – 7 may 1967, Bakı) — Azərbaycan-sovet dövlət xadimi, Azərbaycan SSR avtomobil nəqliyyatı naziri (1947–1950).

Həyatı

Qriqori Sarkisoviç Yegizarov 1903-cü ildə hazırkı Daşkəsən rayonunda kəndli ailəsində anadan olmuşdur. Əmək fəaliyyətinə fəhləliklə başlamış, 1919-cu ildə RK(b)P (Sov. İKP) üzvlüyünə qəbul edilmişdir. 1920-ci ildən XI Qırmızı Ordu sıralarında, əlahiddə üsyançı polkun tərkibində xidmət etmişdir. Daha sonra o, bir sıra partiya və təsərrüfat vəzifələrində işləmişdir. Böyük Vətən müharibəsi iştirakçısı olmuşdur.

Müharibədən sonrakı illərdə Qriqori Yegizarov Azərbaycan SSR avtomobil nəqliyyatı naziri, meşə sənayesi nazirinin, yerli sənaye nazirinin və məişət xidməti nazirinin müavini vəzifələrində çalışmışdır.İttifaq əhəmiyyətli fərdi təqaüdçü olmuş, "Lenin", "Qırmızı bayraq", "Qırmızı əmək bayrağı", 1-ci dərəcəli "Vətən müharibəsi" ordenləri ilə təltif edilmişdir.

Qriqori Yegizarov uzun sürən ağır xəstəlikdən sonra 1967-ci ildə vəfat etmişdir. Fəxri Xiyabanda dəfn olunmuşdur.

Xarici keçidlər

• "Егиазаров Георгий Саркисович" (rus). Память народа. İstifadə tarixi: 13 sentyabr 2022.
• "Егиазаров Григорий Саркисович" (rus). Подвиг народа. İstifadə tarixi: 13 sentyabr 2022.