Quba Turizm İnformasiya Mərkəzi

Vikipediya, açıq ensiklopediya
Jump to navigation Jump to search

Quba Turizm İnformasiya Mərkəzi15 iyul 2008-ci il tarixindən Quba rayonunda fəaliyyət göstərir. [1]

Mərkəzin təsisi[redaktə | əsas redaktə]

Quba Turizm İnformasiya Mərkəzi “Azərbaycan Respublikasının Mədəniyyət Nazirliyi haqqında Əsasnamənin, Nazirliyin Strukturunun təsdiq edilməsi və aparatın işçilərinin say həddinin müəyyən edilməsi barədə” Azərbaycan Respublikası Prezidentinin 2006-cı il 18 aprel tarixli 393 nömrəli Fərmanı və 1 may 2006-cı il tarixli 39-k saylı “Azərbaycan Mədəniyyət və Turizm Nazirliyinin mərkəzi aparatının struktur bölmələri və ştat cədvəlinin təsdiqi haqqında” əmrə əsasən yaradılmışdır.

Mərkəzin fəaliyyəti[redaktə | əsas redaktə]

Mərkəzin əsas vəzifəsi Quba, habelə qonşu QusarXızı bölgələrinin turizm potensialları haqqında məlumatları ehtiva edən əyani materialların hazırlanması, onların dərc edilməsi və yayılmasını təşkil etməkdən ibarətdir. Quba TİM həmçinin fəaliyyət göstərdiyi bölgələrə səfər edən turistlərin statistikasını hazırlamaq, bu məlumatları təhlil etmək və yeni turist axınlarını təşkil etmək üçün marketinq işləri üzərində işləmək kimi vəzifələri də icra edir. [2]

Mərkəz habelə şimal bölgəsində yerləşən turizm təşkilatlarının, turizm sahəsində fəaliyyət göstərən fərdi sahibkarların, ailə-kəndli təsərrüfatlarının və qanunvericiliyə müvafiq olaraq yaradılmış digər turizm qurumlarının mənafelərini müdafiə edir. TİM fəaliyyəti ilə bağlı idarə, müəssisə və təşkilatlardan məlumat alır, o cümlədən də xarici ölkələrin analoji təşkilatları ilə informasiya mübadiləsi aparır. [3]

Mərkəz təsis edildiyi gündən bu günə qədər Qubanın müxtəlif bölgələrində infoturlar təşkil etmiş, regionun turizm potensialının xarici turistlərə təbliğ edilməsi istiqamətində səmərəli fəaliyyət həyata keçirmişdir. [4]

Quba Turizm Informasiya Mərkəzi Quba rayonu, Heydər Əliyev pr 165 ünvanında yerləşir. Mərkəzin direktoru Murad Hacıyevdir.

Mənbələr[redaktə | əsas redaktə]

  1. Quba Turizm İnformasiya Mərkəzi
  2. Quba Turizm İnformasiya Mərkəzində anım mərasimi keçirilmişdir- http://azpress.az
  3. Quba Turizm İnformasiya Mərkəzi Quba rayon tarix-diyarşünaslıq muzeyi ilə birgə 20 Yanvar faciəsinin 28-ci ildönümünə həsr olunmuş anım tədbiri keçirib- http://khachmaz.mctgov.az
  4. Quba Turizm İnformasiya Mərkəzi Xınalıq kəndinə infotur təşkil etmişdir- http://www.mct.gov.az