Qulu Əsgərov

Vikipediya, açıq ensiklopediya
Jump to navigation Jump to search
Qulu Əsgərov
Qulu Rüstəm oğlu Əsgərov
Qulu Əsgərov.jpg
Ümumi məlumatları
Doğum adı Qulu Əsgərov
Doğum tarixi 18 dekabr 1928(1928-12-18)
Salyan şəhəri, Salyan rayonu
Vəfat tarixi 11 iyun 1987 (58 yaşında)
Vətəndaşlıq Flag of the Azerbaijan Soviet Socialist Republic.svg Azərbaycan SSR
Mənşə azərbaycanlı

Qulu Əsgərov (1928-1987) — Azərbaycan müğənnisi, bəstəkarı. Tanınmış xanəndə və pedaqoq. [1]

Həyatı[redaktə | əsas redaktə]

Əsgərov Qulu Rüstəm oğlu 18 dekabr 1928-ci ildə Salyan şəhərində anadan olmuşdur.[2] Gənc yaşlarında rayon teatrında çıxış etmiş, Xalq Çalğı Alətləri ansamblına rəhbərlik etmişdir. 1953-cü ildə Gənc istetadların respublika olimpiyadasının qalibi olmuşdur. Qulu Əsgərov 1953-1958-ci illərdə Asəf Zeynallı adına Bakı Musiqi texnikumudə təhsil almışdır.

Burada Azərbaycanın görkəmli xanəndələrinin (Seyid Şuşinski, Nəriman Əliyev) ifaçılıq ənənələrini mənimsəmiş və muğamın sirlərinə dərindən yiyələnmişdir. Qulu Əsgərov bütün muğam dəstgahlarını yüksək peşəkarlıqla və ən incə cizgiləri ilə dinləyiciyə çatdıra bilirdi. Qulu Əsgərov yaradıcı xanəndə idi. O, xalq arasında dillər əzbəri olan bir sıra mahnı və təsniflərin müəllifidir.

Onun lent yazıları AzTV Fondunda qorunur, yeni gələn nəsil tərəfindən ilhamlaifa olunur. Xanəndə uzun illər boyu Azərbaycan Dövlət Opera və Balet Teatrı nda solist kimi çalışmışdır. O, bu teatr səhnəsində muğam operalarında bir sıra yadda qalan obrazlar yaratmışdır : Məcnun, İbn-Salam, Kərəm (Üzeyir Hacıbəyov – “Leyli və Məcnun”, “Əsli və Kərəm”), Aşıq Qərib (Z.Hacıbəyov- “Aşıq Qərib”), Şah İsmayıl (M.Maqomayev-Şah İsmayıl) obrazlarını böyük aktyorluq məharəti ilə hərtərəfli açmağa nail olmuşdur.

Qulu Əsgərov xanəndəlik sənəti üzrə böyük bir ifaçı nəsli yetişdirən gözəl müəllim olmuşdur. Onun davamçıları olan xanəndələr (Mələkxanım Əyyubova və b.) muğam sənətində nailiyyətlər əldə edərək, ustadın ənənələrini yaşadırlar.

Mənbə[redaktə | əsas redaktə]

  • Mugam Radio: İfaçılar: Xanəndələr: Qulu Əsgərov
  • Silsilə yazılar və Nostalji mahnılar kolleksiyası — AzeriArt.Net: Bizim musiqi: Qulu Əsgərov

İstinadlar[redaktə | əsas redaktə]

  1. Salyanda Qulu Əsgərovun xatirəsi yad edilmişdir (rus dilində).
  2. Salyan rayon Nizami Gəncəvi adına Mərkəzi Kitabxana: Salyan–Tanınmışlar—Qulu Əsgərov

Mənbə[redaktə | əsas redaktə]

  • "Dolanaram başına"nın heyrət aləmi... Vidadi Xəlilov. Ömür yollarında. Bakı: Nərgiz, 2012. - səh. 211.