Qurban Abbasov (aktyor)

Qurban Abbasov
Qurban Məmiş oğlu Abbasov
Doğum tarixi	2 yanvar 1944(1944-01-02)
Doğum yeri	Çimənkənd, Qarabağlar rayonu, Ermənistan SSR, SSRİ
Vəfat tarixi	5 dekabr 1998(1998-12-05) (54 yaşında)
Vəfat yeri	Gəncə, Azərbaycan
Dəfn yeri	Fəxri xiyaban (Gəncə)[d]
Vətəndaşlığı	SSRİ→ Azərbaycan
Fəaliyyəti	teatr aktyoru
Fəaliyyət illəri	1968–1998
Təhsili	Azərbaycan Dövlət Mədəniyyət və İncəsənət Universiteti
Teatr	Gəncə Dövlət Milli Dram Teatrı
Mükafatları

Qurban Məmiş oğlu Abbasov (2 yanvar 1944, Çimənkənd, Qarabağlar rayonu – 5 dekabr 1998, Gəncə) — Azərbaycanın teatr aktyoru, Azərbaycan SSR əməkdar artisti (1981).

Həyatı

Qurban Abbasov 2 yanvar 1944-cü ildə Ermənistan SSR-in Qarabağlar rayonun Aşağı Qarabağlar kəndində dünyaya gəlmişdir. O, 1964–1968-ci illərdə Mirzağa Əliyev adına Azərbaycan Dövlət Teatr İnstitutunun dram və kino aktyorluğu fakültəsində təhsil alıb. Təyinatla Gəncə Dövlət Dram Teatrına göndərilib və 1968–1998-ci illərdə yaradıcılığı ancaq bu kollektivlə bağlı olub.

Qurban Abbasov sadə dramatik rollarda, tipik-xarakterik personajların ifasında daha çox uğur qazanırdı. Lirik-psixoloji və həmçinin romantik səciyyəli qəhrəman rolları da olmuşdur.

Qurban Abbasov 5 dekabr 1998-ci ildə Gəncə şəhərində vəfat etmişdir.

Mükafatları

• "Azərbaycan SSR əməkdar artisti" fəxri adı — 24 dekabr 1981

İfa etdiyi əsas rollar

Tamaşa	Müəllif	Rol
Bəxtsiz cavan	Əbdürrəhim bəy Haqverdiyev	Fərhad
Anaların divanı	İslam İbrahimov	Yusif İdris
Yaşar	Cəfər Cabbarlı	Toğrul
Solğun çiçəklər	Cəfər Cabbarlı	Qurban
Oqtay Eloğlu	Cəfər Cabbarlı	Aslan bəy
Xanımın əxlaq dərsi	Qabriel Zapolskaya	Zbışko
Şərqin səhəri	Ənvər Məmmədxanlı	Cavanşir bəy
Küləklər	Sabit Rəhman	Əlibala
Aygün diyarı	Mustay Kərim	Kənar adam
Böyük ürək	İmran Qasımov Həsən Seyidbəyli	Rüstəm
Mezozoy əhvalatı	Maqsud İbrahimbəyov	Zaur
Araba hələ aşmayıb	Otia İoseliani	Buxuti
Qaçaq Nəbi	Süleyman Rüstəm	Mehdi
Yağışdan sonra	Bəxtiyar Vahabzadə	Cığatay
Komsomol poeması	İsgəndər Coşqun	Cəlal
Qoca	Maksim Qorki	Pavel
III Riçard	Uilyam Şekspir	Kral IV Eduard
Atabəylər	Nəriman Həsənzadə	Əcəmi
Sokratla söhbətlər	Edvard Braginski	Sokrat
Ezop	Gilerma Fiqeyredu	Ezop
Sənsiz	Şıxəli Qurbanov	Tərlan