Qusar maili düzənliyi

Vikipediya, azad ensiklopediya
Naviqasiyaya keçin Axtarışa keçin
Qusar maili düzənliyi
Ümumi məlumatlar
Sahəsi 1.800 km²
Coğrafiyası
Çaylar Qudyalçay, Qaraçay, Qusarçay
Yerləşməsi
41°32′02″ şm. e. 48°45′04″ ş. u.
Ölkə  Azərbaycan
Rayon Quba rayonu, Qusar rayonu
Qusar maili düzənliyi xəritədə
Qusar maili düzənliyi
Qusar maili düzənliyi

Qusar maili düzənliyi Azərbaycanın şımalında QudyalçaySamurçay arasında maili düzənlik. Yan silsilənin ətəklərindən başlayır və Samur-Dəvəçi ovalığına qədər uzanır. QubaQusar rayonlarının inzibati ərazisinə uyğun gəlir.[1]

Haqqında[redaktə | mənbəni redaktə et]

Qusar maili düzənliyi Azərbaycnın şimalında Böyük Qafqazın şimal şərqində yerləşir[2]. Düzənlik qərbdə daha geniş (25-30 km) olub, cənub-şərqdə ensizləşərək Gəndob kəndi ətrafında qurtarır. Onun səthini bir sıra çayların qolları kəsir. Bunlardan Qusarçay, Qudyalçay daha dərinə kəsilmiş və yamacları qutuvari dərələr əmələ gətirmişdir. Qusar maili düzənliyi əsasən yuxarı pliosen və dördüncü dövrün qalın çınqıldaşı, qum və giləciklərindən əmələ gəlmişdir[1].

Böyük Qafqaz dağları qüvvətli qalxdıqda düzənliyin cənub kənarı da qalxmağa başlamış və onun səthi maili vəziyyətə düşmüşdür.Qusarçayın dərəsi boyu düzənliyin cənub-qərb hissəsi 1900 metrə qədər qalxmışdır.Buna görə də bu sahələr dağlıq xüsusiyyətə malikdir.

Maili Qusar düzənliyindən cənub-şərqdə Samur-Dəvəçi ovalığı ilə yan silsilə arasında paleogen və neogenin dəniz və kontinental çöküntülərindən qurulmuş alçaq dağlar sıralanır. Burada Tələbi, Qaynarça və s. tirələri, Rustov çökəkliyi, Vəlvələçayın, Qaraçayın, Ağcaçayın, cənub-şərqdə isə Gilgilçayın nisbətən geniş, bəzi qutuvari dərələri yerləşir[1].

İstinadlar[redaktə | mənbəni redaktə et]

  1. 1 2 3 Гусар маили дүзәнлији // Азәрбајҹан Совет Енсиклопедијасы: [10 ҹилддә]. III ҹилд: ГајыбовЕлдаров. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1979. С. 283–284.
  2. "Азербайджан" (rus). krugosvet.ru. March 18, 2022 tarixində arxivləşdirilib. İstifadə tarixi: October 5, 2022.

Həmçinin bax[redaktə | mənbəni redaktə et]