Qutman mağarası
| Qutmanya mağarası | |
|---|---|
| latış. Gūtmaņa ala | |
 | |
| Ümumi məlumatlar | |
| Dərinliyi | 18,8 m |
| Sahəsi | 500 m² |
| Yerləşməsi | |
| 57°09′56″ şm. e. 24°50′45″ ş. u. | |
| Ölkə |
 Latviya |
| Kənd | Siqulda |
|
|
|
 Vikianbarda əlaqəli mediafayllar | |
Qutman mağarası (latış. Gūtmaņa ala) — Baltikyanı ölkələrin ən geniş və ən yüksək mağarası[1], Latviyanın Qauya Milli Parkında Qauya çayı hövzəsinə yaxın ərazidə yerləşir. Mağara son buzlaşma dövründən sonra ərimə sularının qayaların arasındakı qumları qazıması zamanı, 10000 il əvvəl meydana gəlməyə başlamışdır. Bu Latviyada ən qədim turistik məkandır. Mağaranın divarlarında 17-ci əsrə aid yazılar vardır. Bu mağara Turayda gülü haqqında əfsanənin başladığı yer olaraq bilinir.
Təsviri[redaktə | mənbəni redaktə et]
Qutman mağarası Baltikdəki ən geniş və ən yüksək mağardır. Dərinliyi 18,8 metr, eni 12 metr və hündürlüyü 10 metrdir[2]. Mağara Qauya çayının sahilindəki qumlu daşdan əmələ gəlmişdir; onun meydana gəlməsi çay və yeraltı mənbənin min illik qarşılıqlı əlaqəsi ilə əlaqələndirilir.
Mağara Latviyanın ən qədim turistik məkanı sayılır, çünki ziyarətçilər hətta ən erkən zamanlardan mağaranın divarlarında adlarını, ziyarət tarixlərini qeyd etməklə "bəzək" qoyurdular. Mağaranın içərisində baronların gerbləri, isimləri və mülk sahiblərinin adları vardır. Bu yazıları mağara yaxınlığında alətləri ilə zəngin qonaqları gözləyəcən daş ustaları yazırdılar. Mağaranın divarlarına yazılmış kitabələr, qorunan arxeoloji və geoloji abidə olduğu üçün artıq divarlarda yazı yazmağa icazə verilmir.
Yerli xalq əfsanəsinə görə, mağaradan axan bulaq suları Rindauqun həyat yoldaşının göz yaşıdır. Hekayədə deyilir ki, lider öz vəfasız həyat yoldaşını Qauya çayının qum sahilində basdırır. Zavallı qadın günahından bezib o qədər ağladı ki, göz yaşları böyük bir mağaraya axdı. Bu günə qədər bulaq sularının müalicəvi xüsusiyyətə sahib olduğu deyilir. Başqa bir hekayədə mağaranın necə ad aldığını izah edir: uzun müddət əvvəl mağarada insanlara şəfa vermək üçün bulaq suyundan istifadə edən yaxşı bir insan yaşayırdı. Qut Mann alman dilində "yaxşı insan" deməkdir.
Qutman mağarası qədim ibadət yeridir. XIX əsrə qədər insanlar bura tanrılara qurban gətirməyə gəlirdilər. Bura bir çox əbədi əfsanə ilə də məşhurdur.
İstinadlar[redaktə | mənbəni redaktə et]
- ↑ Easy Voyage. "Gutmanis cave". Easy Voyage.co.uk. 2012-10-05 tarixində arxivləşdirilib. İstifadə tarixi: 4 February 2012.
- ↑ "Qutman mağarası". 2021-01-24 tarixində arxivləşdirilib. İstifadə tarixi: 2020-07-01.