Qvinea (sikkə)
Qvineya (ing. guinea, /ˈɡɪniː/), ümumi olaraq qısaldılmış gn. və ya cəmdə gns.),[1] 1663-1814-cü illər arasında Böyük Britaniyada zərb edilmiş, tərkibində təxminən dörddə bir unsiya qızıl olan sikkə idi.[2] Adı, sikkələrin hazırlanmasında istifadə edilən qızılın çoxunun gəldiyi Qərbi Afrikadakı Qvineya bölgəsinin adından götürülmüşdür. Qvinea maşın üsulu ilə zərb edilmiş ilk ingilis qızıl sikkəsi idi. İlk vaxtlar dəyəri bir funta bərabər olan 20 şillinq olsa da sonradan qızılın qiymətindəki artım qvineanın dəyərinin qalxmasına (hətta 30 şillinqə qədər) gətirib cıxartdı. 1717-ci ildən 1816-cı ilə qədər onun dəyəri rəsmi olaraq iyirmi bir şillinq səviyyəsində müəyyən edilmişdir.[3]
1816-cı ildə Böyük Yenidənzərbetmə (Great Recoinage) zamanı qvinea dövrüyyədən çıxarılıb qızıl soveren ilə əvəz edilmişdir. Bundan sonra, sikkələr artıq istifadə olunmasa da, "qvinea" sözü danışıq və ya xüsusi bir termin kimi saxlanıldı; Qvinea termini bəzi sahələrdə pul vahidi və ya hesab vahidi kimi də istifadə olunmuşdur. Ən məşhur istifadə olunma halları, ödənişləri qvineada təqdim edilən peşəkar qonorarlar (tibb, hüquq və s.), həmçinin at və tazı yarışları və qoyun satışı idi. Hər bir halda qvinea bir funt və bir şillinq (21 şillinq, onluq hesablama sistemində £1,05) məbləğini nəzərdə tuturdu.
Ədəbiyyat
[redaktə | vikimətni redaktə et]İstinadlar
[redaktə | vikimətni redaktə et]- ↑ The Oxford Dictionary of Abbreviations. Oxford University Press. 1998. ISBN 0-1928-0003-5.
- ↑ Roberts, Chris. Heavy Words Lightly Thrown: The Reason Behind Rhyme. Thorndike Press. 2006. ISBN 0-7862-8517-6.
- ↑
Kisholm, Hyu, redaktorGuinea // Britannika Ensiklopediyası. 12 (XI). Cambridge University Press. 1911. səh. 697.
