Rövşən Abdullaoğlu

Vikipediya, açıq ensiklopediya
Jump to navigation Jump to search
Rövşən Abdullaoğlu
azərb. Rövşən Abdulla oğlu Abdullayev
İlk adı Rövşən Abdullayev
Təxəllüsü Abdullaoğlu
Doğum tarixi 28 sentyabr 1978 (1978-09-28) (41 yaş)
Doğum yeri Bakı, Azərbaycan Azərbaycan SSR
Vətəndaşlığı Azərbaycan Azərbaycan
Milliyyəti Azərbaycanlı
İxtisası Filosof-şərqşünas, psixoloq, teoloq, yazıçı, publisist
Fəaliyyəti yazıçı
Əsərlərinin dili Azərbaycan dili
Janr Fəlsəfi roman, psixoloji roman, intellektual detektiv
rovshanabdullaoglu.com
Rövşən Abdullaoğlunun Natiq Kamal tərəfindən çəkilmiş rəsmi

Rövşən Abdullaoğlu (tam adı: Rövşən Abdulla oğlu Abdullayev; d. 28 sentyabr 1978. Bakı, Azərbaycan SSR) — Azərbaycanlı yazıçı, filosof-şərqşünas, psixoloq, teoloq[1].

Bioqrafiya[redaktə | əsas redaktə]

Rövşən Abdulla oğlu Abdullayev 28 sentyabr 1978-ci ildə Bakı şəhərində ziyalı ailəsində anadan olmuşdur.[1]

Atası - Abdulla Abdullayev, hüquq-mühafizə sistemində çalışıb, rütbəsi mayordur. Hal-hazırda baş hüquqşünas vəzifəsini icra edir. 90-cı illərdə Qarabağ müharibəsində iştirak etmişdir.

Anası - Gülnarə Abdullayeva, ixtisasca mühasibdir, 30 ilə yaxın bank sektorunda çalışmışdır. Hal-hazırda təqaüddədir.

Qardaşları:

Altay Abdullayev - həkim, pediatr-neonatoloq.

Fərhad Abdullayev - pedaqoji təhsil almışdır. Hal-hazırda “Qədim Qala” nəşriyyat evinin icraçı direktoru vəzifəsini icra edir.

Rövşən Abdullaoğlu evlidir, üç övladı var.

Təhsili[redaktə | əsas redaktə]

Rövşən Abdullaoğlu 1995-ci ildə 116 saylı məktəbi bitirdikdən sonra Azərbaycan Dövlət İqtisad Universitetinə qəbul olmuşdur.[1] Universitet təhsilini başa vurduqdan sonra Azərbaycan Respublikası Sərhəd Qoşunları sıralarına hərbi xidmətə yollanır, xidməti başa vurduğu zaman hərbi hissə komandirinin təşəkkür etimadnaməsi ilə təltif olunur.

Rövşən Abdullaoğlu təhsilini ərəbfars dillərində, teologiya, sxolastika, ərəb ədəbiyyatı, şərq və qərb fəlsəfəsi sahəsi üzrə 8 ildən artıq olmaqla müxtəlif ali məktəb ocaqlarında davam etdirmışdir.[1]

2013-cü ildə Moskva Pozitiv Texnologiyalar və Konsaltinq İnstitutunun “Psixoloji Konsultasiya” fakültəsində[a 1] “qeştalt-terapiyası” metodu üzrə məsləhətçi-psixoloq ixtisasına yiyələnib.[1]

Azərbaycan, türk, ərəb, farsrus dillərini bilir.

Yaradıcılığı[redaktə | əsas redaktə]

Yaradıcı fəaliyyətinin başlanğıcını məktəb illərinə aid etmək olar. 1990-cı illərdə idmana olan böyük həvəsinin təsiri altında, güləşin müxtəlif növləri və akrobatika ilə məşğul olarkən bu mövzuda ilk kitabını yazır.

Sonralar əlyazmasını itirdiyi bu kitabda o, idmanın nəzəri və fəlsəfi mahiyyətinə toxunur, ideal idmançı olmağın yollarını göstərir, bir növ müxtəlif fəndlərin sintezi olan yeni, mükəmməl bir idman növünü təsvir edirdi.

Universitetdə oxuyarkən sosial faktorların yeniyetmə psixologiyasına təsiri haqda ilk məqalələr yazmış, təkamül nəzəriyyəsinin lehinə və əleyhinə olan faktları araşdırmışdır.

2010-cu ildə işıq üzü görmüş ilk kitabı olan “Nəfsi təzkiyənin elmi əsasları” şəxsiyyətin mənəvi dirçəliş və tənəzzül faktorundan, qəlbin xüsusiyyətlərindən, onda təcəlli edən zülmət və nur örtüyündən bəhs edir.

Tərcümə və şərhlər[redaktə | əsas redaktə]

2011-ci ildə İbn Sinanın şərqi mütəəssir buraxdığı kimi, qərbi də təsirsiz qoymayan son kitablarından olan “Göstəriş və təlimatlar” (Kitab əl-işarat vət-tənbihat) kitabının tərcüməsinə başlayıb.

Məna tərcüməsi ilə yanaşı olaraq, Rövşən Abdullaoğlu İbn Sinanın məntiqinə və metafizikasına yönəlik dərin izahlar təqdim etmişdir. Əsər iki kitab şəklində: “Görüntülər[2] və “Ariflərin irfani məqamları” adları altında nəşr olunmuşdur.[3]

2012-ci ildə növbəti tərcümə işi “Əl-Mizan” adlı çoxcildli təfsir kitabının müəllifi, məşhur alim, filosof Əllamə Təbatəbainin “İnsan” traktatı oldu. Traktatın tərcümə və şərhi üç hissə şəklində nəşr olunub.[4][5][6]

Elə həmin ildə islam aləmində ilk əlyazma sayılan kitabın tərcüməsini həyata keçirir. Kitabın “İlk kitab” adlanması məhz buradan qaynaqlanır. Bu kitabda islam cəmiyyətinin formalaşdığı erkən dönəmlərin tarixi hadisələri və siyasi fitnələr öz əksini tapıb.[7]

Müəllif əsərləri[redaktə | əsas redaktə]

Rövşən Abdullaoğlu yaradıcılığının növbəti mərhələsinə psixoloji motivasiya yanaşma tərzi xarakterikdir. Növbəti beş kitabında - “Arxadakı körpüləri yandırın”, “Hər bir insan hökmdardır”, “Çətin olsa da, həyat davam edir”, “Üsyan”, “Qorxular” əsərlərində müəllif şərq və qərb psixologiyasına müraciət edir, şəxsiyyətin maddi və mənəvi inkişafı yolunda teoloji və psixoloji yanaşma sintezinin istifadə edildiyi yeni motivasiya üsulları təqdim edir.

Vətənində Rövşən Abdullaoğlu öz debütü ilə xüsusilə məşhurluq qazanmışdır. “Bu şəhərdə kimsə yoxdur” adlı ilk psixoloji romanı 2016-2018-ci illər ərzində Azərbaycanda ən çox satılan kitab olmuşdur.[8]

Müəllifin ikinci “Relslər üzərinə uzanmış adam” romanı heç də az uğur qazanmır, kitabın birinci tirajı cəmi iki həftəyə satılır.

2018-ci ildə bu psixoloji romanların ingilis dilində elektron versiyası Amazon.com satış platformasında yerləşdirilib.[9]

Psixoloji mövzuda qələmə alınmış bu romanlar ümumbəşəri mənəvi dəyərlərə hörmətlə yanaşmaq, irqi, dini, milli mənsubiyyətinə baxmayaraq ətrafdakılara münasibətdə insanlıq və dözümlülük nümayiş etdirmək, həyatın məşəqqətlərini dəyanətlə qarşılamaq və ən əsası – qarşılıq istəmədən, sidq-ürəkdən sevməyə səsləyir.

2018-ci ildə intellektual psixoloji detektiv janrında yazılmış, adı ilə böyük maraq doğuran “Abaddon” kitabı işıq üzü görməsi ilə bütün gözləntiləri aşdı. Artıq oxucu kütləsinin sevgisini qazanmış olan müəllifin bu romanı cəmi üç saata satıldı. Nəşriyyat bir neçə gün ərzində ikinci tirajı çap edib.[10]

2019-cu ilin mart ayında "Tanrı–mif, yoxsa həqiqət" silsiləsindən ilk kitab olan "Əsarət" işıq üzü görmüşdür. Bu kitab müxtəlif ideoloji məktəblər tərəfindən "yaradan" anlayışının qızğın müdafiəsinin və kəskin inkarının psixoloji səbəblərini açıqlayan elmi-populyar üslubda yazılmış vəsaitdir.[11]

Hazırda Azərbaycanda Rövşən Abdullaoğlunun 25 kitabı çapdan çıxmışdır, onların əksəriyyəti bestseller olmuş, ingilis, rus, türk dillərinə tərcümə edilmişdir.

Yazar öz əsərlərində psixologiya, fəlsəfə, motivasiya, irfan, həyat fəlsəfəsi, epistemologiya, ontologiyateologiya sahələrinə aid mövzulara toxunur. Bundan əlavə, Rövşən Abdullaoğlu mütəmadi olaraq televiziya verilişlərində çıxış edir,[12][13] fəlsəfə üzrə onlayn dərslər verir, məqalələri müxtəlif xəbər portallarında dərc olunur.[1]

Hobbi[redaktə | əsas redaktə]

Uşaqlıqdan əsas hobbisi kitab oxumaq və idmanla məşğul olmaq olmuşdur. Həmçinin o, bir neçə il musiqi məktəbində də təhsil almışdır. Artıq yeniyetmə ikən müntəzəm şəkildə sambo, güləş, karate, boksla məşğul olur, bir neçə yarışlarda iştirak edir.

Səyahət[redaktə | əsas redaktə]

Yaradıcı fəaliyyətini zənginləşdirmək, tarixi və görkəmli yerləri bilavasitə tanımaq, müxtəlif xalqların mədəniyyətləri haqqında məlumat əldə etmək üçün bir çox AvropaSkandinaviya şəhərlərinə səyahət etmişdir.

Bəşəriyyətin beşiyinə səyahət zamanı o, Afrika ölkələrinin qəbilə icmaları ilə tanış olmuş, bu ibtidai qəbilələrin adət və ənənələrini müşahidə etmiş, regiondakı park və qoruqları ziyarət etmişdir.[14][15]

Biblioqrafiya[redaktə | əsas redaktə]

  1. Arxadakı körpüləri yandırın[16]
  2. Hər bir insan hökmdardır[17]
  3. Çətin olsa da, həyat davam edir[18][19]
  4. Üsyan[20][21]
  5. Qorxular[22][23]
  6. Bu şəhərdə kimsə yoxdur[24]
  7. Relslər üzərinə uzanmış adam[25][26]
  8. Nəfsi təzkiyyənin elmi əsasları[27]
  9. Hidayət risaləsi[28]
  10. Həyatın imzası[29]
  11. Ölülərin hakimiyyəti[30][31]
  12. Zamanı necə yeyək?[32]
  13. Abaddon[33][34]
  14. Xüsusiyyətlər[35]
  15. İlk Kitab[7]
  16. İnsan dünyadan əvvəl[a 2][6][36][37]
  17. İnsan dünyadan sonra[a 3][4][38]
  18. İnsan dünyadan sonradan sonra[a 4][5]
  19. Hikmətin əvvəli[39]
  20. O[40][41]
  21. Mərifət[42]
  22. Görüntülər[a 5][2]
  23. Ariflərin irfani məqamları[a 6][3]
  24. Bəla və Səbir[43]
  25. Əsarət[44]

Qeydlər[redaktə | əsas redaktə]

  1. ИНСТИТУТ ПОЗИТИВНЫХ ТЕХНОЛОГИЙ И КОНСАЛТИНГА
  2. (Əllamə Təbatəbainin “İnsan” traktatının tərcümə və şərhi)
  3. (Əllamə Təbatəbainin “İnsan” traktatının tərcümə və şərhi)
  4. (Əllamə Təbatəbainin “İnsan” traktatının tərcümə və şərhi)
  5. (İbn SinanınGöstəriş və təlimatlar” kitabının tərcümə və şərhi)
  6. (İbn Sinanın “Göstəriş və təlimatlar” kitabının tərcümə və şərhi)

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 "YAZAR HAQQINDA"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  2. 2,0 2,1 "Görüntülər"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  3. 3,0 3,1 "Ariflərin İrfani Məqamları (III nəşr)"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  4. 4,0 4,1 "İnsan Dünyadan Sonra (IV nəşr)"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  5. 5,0 5,1 "İnsan Dünyadan Sonradan Sonra (II nəşr)"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  6. 6,0 6,1 "İnsan Dünyadan Əvvəl (II nəşr)"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  7. 7,0 7,1 "İlk Kitab (II nəşr)"(azərb.)). qedimqala.az. 9 avqust 2015 tarixində arxivləşdirilib. İstifadə tarixi: 9 avqust 2015.
  8. Zərif Nisə (2017-01-13). "Tilsim sındı - Azərbaycanlı yazıçı xariciləri üstələdi"(azərb.)). milli.az. Arxivləşdirilib: [1] saytından 2017-01-13 tarixində. https://web.archive.org/web/20170113143104/http://news.milli.az/country/507460.html. İstifadə tarixi: 2017-01-13.
  9. Rovshan Abdullaoglu
  10. İlkin İzzət (2018-05-15). "Azərbaycanda rekord - Kitab nəşr olunandan cəmi 3 saat sonra satılıb qurtardı"(azərb.)). milli.az. Arxivləşdirilib: [2] saytından 2018-05-16 tarixində. https://web.archive.org/web/20180516203531/https://news.milli.az/country/650945.html. İstifadə tarixi: 2018-05-16.
  11. Kənan Rövşənoğlu. "“Tanrı anlayışı dinlərdən daha əvvəl yaranıb” – Müsahibə"(azərb.)). musavat.com (13 aprel 2019). 3 sentyabr 2019 tarixində arxivləşdirilib. İstifadə tarixi: 8 sentyabr 2019.
  12. OLDUĞU KİMİ - Rövşən Abdullaoğlu - Pərvin İsmayılov
  13. Yazıçı Rövşən Abdullaoğlu TELEKİTAB verilişində  (azərb.)
  14. "Rövşən Abdullaoğlu ilk dəfə `Abaddon`dan danışdı - VİDEO"(azərb.)). faktxeber.com (25 aprel 2018). 30 may 2018 tarixində arxivləşdirilib. İstifadə tarixi: 30 may 2018.
  15. Tanınmış yazıçı Afrikada öz əsərinin qəhrəmanları ilə görüşəcək
  16. "Arxadakı Körpüləri Yandırın (III nəşr)"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  17. "Hər Bir İnsan Hökmdardır (III nəşr)"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  18. "Çətin Olsa da, Həyat Davam Edir (V nəşr)"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  19. "Çətin olsa da, həyat davam edir"(azərb.)). bakukitabklubu.blogspot.com (12 noyabr 2013). 24 iyul 2016 tarixində arxivləşdirilib. İstifadə tarixi: 24 iyul 2016.
  20. "ÜSYAN"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  21. "“Üsyan” adlı kitab çap olundu"(azərb.)). kulis.az (22 may 2014). 24 iyul 2016 tarixində arxivləşdirilib. İstifadə tarixi: 24 iyul 2016.
  22. "Qorxular"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  23. "Qorxusu olanlar üçün “Qorxular” kitabı - FOTO"(azərb.)). modern.az (31 mart 2015). 24 iyul 2016 tarixində arxivləşdirilib. İstifadə tarixi: 24 iyul 2016.
  24. "Bu Şəhərdə Kimsə Yoxdur (VI nəşr)"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  25. "Relslər Üzərinə Uzanmış Adam"(azərb.)). qedimqala.az. 14 mart 2017 tarixində arxivləşdirilib. İstifadə tarixi: 14 mart 2017.
  26. "Bestseller kitablar müəllifi Rövşən Abdullaoğludan YENİ psixoloji roman: Relslər üzərinə uzanmış adam"(azərb.)). islamazeri (13 mart 2017). 14 mart 2017 tarixində arxivləşdirilib. İstifadə tarixi: 14 mart 2017.
  27. "Nəfsi Təzkiyyənin Elmi Əsasları"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  28. "Hidayət risaləsi (Annotasiya)"(azərb.)). islamazeri.com (4 avqust 2015). 9 iyul 2019 tarixində arxivləşdirilib. İstifadə tarixi: 21 iyun 2019.
  29. "Həyatın İmzası"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  30. "Ölülərin hakimiyyəti"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  31. ""Ölülərin Hakimiyyəti" - yeni kitab"(azərb.)). deyerler.org (2 mart 2012). 7 sentyabr 2019 tarixində arxivləşdirilib. İstifadə tarixi: 8 sentyabr 2019.
  32. "Zamanı Necə Yeyək"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  33. "Abaddon"(azərb.)). qedimqala.az. 25 avqust 2018 tarixində arxivləşdirilib. İstifadə tarixi: 25 avqust 2018.
  34. İlkin İzzət (2018-05-12). "Rövşən Abdullaoğludan psixoloji detektiv janrında yeni roman - “Abaddon” - FOTO"(azərb.)). milli.az. Arxivləşdirilib: [3] saytından 2018-05-14 tarixində. https://web.archive.org/web/20180514183723/https://news.milli.az/country/650040.html. İstifadə tarixi: 2018-05-14.
  35. "Xüsusiyyətlər"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  36. Kitabsevərlərə müjdə!..
  37. Əllamə Təbatəbainin “İnsan dünyadan əvvəl” adlı kitabı nəşr olunub
  38. “İnsan dünyadan sonra” adlı kitab işıq üzü görüb
  39. "Hikmətin Əvvəli"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  40. "O"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  41. "“Hərf və irfan elmi” adlı kitabın əsasında işlənmiş “O” kitabının işıq üzü görməsi gözlənilir"(azərb.)). deyerler.org (26 oktyabr 2011).
  42. "Mərifət"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  43. "Bəla və Səbir"(azərb.)). qedimqala.az. 24 iyul 2016 tarixində arxivləşdirilib. İstifadə tarixi: 24 iyul 2016.
  44. "Əsarət"(azərb.)). qedimqala.az (2019). 7 sentyabr 2019 tarixində arxivləşdirilib. İstifadə tarixi: 8 sentyabr 2019.

Həmçinin bax[redaktə | əsas redaktə]

Vikianbarda Rövşən Abdullaoğlu ilə əlaqəli mediafayllar var.

Vikikitabda Rövşən Abdullaoğlu ilə əlaqəli kitablar var.

Xarici keçidlər[redaktə | əsas redaktə]