Rövşən Aslanov (alim)

Vikipediya, açıq ensiklopediya
Jump to navigation Jump to search
Aslanov Rövşən
Doğum tarixi 1948-ci il
Doğum yeri Flag of the Azerbaijan Soviet Socialist Republic.svg Azərbaycan SSR, Gədəbəy rayonu
Peşəsi tarixçi
gedebey.info/sayt/?page_id=490

Həyatı[redaktə | əsas redaktə]

Aslanov Rövşən 1948-ci ildə Gədəbəy rayonunun Fərzalı kəndində dünyaya göz açıb. Məktəb illərində Şınıx mahalında yetişən alimlərin şöhrəti onun da qəlbində elm yolunu seçmək arzusu oyatmışdır. Xüsusilə də İsalı kəndində oxuduğu illərdə bütün respublikada tanınan Köçərlilər ailəsinin şöhrəti onu pərvazlandırıb. Alim olmağın nə qədər çətin və məsuliyyətli olduğunu hiss edərək, tarix kitabları oxumağa böyük maraq göstərib. Məktəbi bitirdikdən sonra sənədlərini Azərbaycan Dövlət Universitetinin tarix fakültəsinə verib. Bu fakültəyə maraq yüksək olduğundan qəbul imtahanlarından yüksək bal toplamaq lazım gəlirdi. Rövşən qəbul imtahanlarına inamla hazırlaşmışdı. Zəhməti öz bəhrəsini verdi, universitetin tələbəsi oldu. 1973-cü ildə təhsilini yüksək qiymətlərlə başa vurub, universitetin Asiya və Afrika ölkələri tarixi kafedrasına işə düzəldi. Sonra aspirantura həyatı başladı. Mövzusu belə idi: «XIX əsrin 20-60-cı illərində İran-Türkiyə münasibətləri». 1984-cü ildə tədqiqat işini yekunlaşdırıb tarix elmləri namizədi alimlik dərəcəsi almaq üçün dissertasiya müdafiə etdi. Beləliklə o, Azərbaycan Dövlət Universitetinin Asiya və Afrika ölkələri tarixi kafedrasının müəllimi, baş müəllimi, daha sonra dosenti oldu. Rövşən Aslanov Azərbaycan təhsil sistemində baş verən yeniləşmə ilə əlaqədar proseslərdə yaxından iştirak edir. «Siyasi tarix», «Yaxın və Orta Şərq ölkələrinin tarixi» adlı kitabların müəllifidir. Orta məktəblər üçün dərsliklərin hazırlanmasında iştirak etmişdir.

Mənbə[redaktə | əsas redaktə]

http://gedebey.info/sayt/?page_id=490