Rövşən Quliyev (hərbçi)

Vikipediya, açıq ensiklopediya
Jump to navigation Jump to search
Rövşən Quliyev
Rövşən Zakir oğlu Quliyev
Rövşən Quliyev.jpg
Doğum tarixi 24 iyul 1975 (1975-07-24) (44 yaş)
Doğum yeri Bakı, Azərbaycan Azərbaycan SSR, SSRİ SSRİ
Vətəndaşlıq Azərbaycan Azərbaycan
Rütbə kapitan
Təltifləri "Hərbi xidmətlərə görə" medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı[1] "Azərbaycan Respublikası Silahlı Qüvvələrinin 90 illiyi (1918-2008)" yubiley medalı

Rövşən Quliyev Zakir oğlukapitan, "Hərbi xidmətlərə görə" medalı laureatı (1995), Azərbaycan Dövlət Pedaqoji Universitetinin nəzdində Azərbaycan Dövlət Pedaqoji Kollecinin hərbi rəhbəri.

Həyatı[redaktə | əsas redaktə]

Rövşən Quliyev 24 iyul 1975-ci ildə Bakı şəhərində anadan olub. 1981-1992-ci illərdə Nizami rayonu 129 saylı tam orta məktəbdə təhsil almışdır. 1993-1997-ci illərdə Bakı Ali Birləşmiş Komandanlıq Məktəbində ali-hərbi təhsil almışdır. 1994-1995-ci illərdə Azərbaycan Respublikasının suverenliyini, ərazi bütövlüyünü və dövlətçiliyimizin qorunmasında vətənpərvərlik borcunu layiqincə yerinə yetirmiş və Azərbaycan Respublikasının Prezidentinin 4 aprel 1995-ci il tarixli 307 saylı fərmanı ilə "Hərbi xidmətlərə görə" medalı ilə təltif edilmişdir. 1997-2005-ci ilədək Quru Qoşunlarının Artilleriya qoşun növündə xidmət etmişdir.

2006-cı ildən Bakı Sənaye-Pedaqoji Texnikumunda hərbi müəllim vəzifəsinə və 2008-ci ildən Sabunçu rayonu Gənclər və İdman İdarəsinin təşəbbüsü ilə Hərbi Vətənpərvərlik Klubunun sədri təyin edilmişdir. 16 iyun 2010-cu ildən Bakı Sənaye-Pedaqoji Texnikumu Azərbaycan Respublikası Nazirlər Kabinetinin qərarına əsasən Bakı Sənaye-Pedaqoji Kolleci adlanmışdır [q 1]. 2009-2011-ci illərdə Bakı Sənaye-Pedaqoji Kollecində "Hərbi və Gənclərin Çağırışaqədərki Hazırlığı" fənn komissiyasının sədri, 2011-2013-cü illərdə "İlkin Hərbi və Fiziki Tərbiyə" fənn birləşmə sədri, 2013-2016-cı ilərdə Hərbi Rəhbər vəzifəsində çalışmışdır. 2014-cü ildən Tələbə Qəbulu Dövlət Komitəsində "Gənclərin Çağırışaqədərki Hazırlığı" X-XI sinif dərsliyinin monitorinqi üzrə hərbi ekspert kimi, 2016-cı ildən Azərbaycan Dövlət Pedaqoji Universitetiin nəzdində Azərbaycan Dövlət Pedaqoji Kollecinin Hərbi Rəhbəri vəzifəsində çalışır.

Azərbaycan Respublikası Təhsil Nazirliyinin Orta ixtisas Təhsilli Müəssisələri (peşə liseyləri, gimnaziya və kolleclər) üçün "Mülki Müdafiə", "Ordu sıralarında Fiziki Tərbiyənin Nəzəri Əsasları" və "Vətənin müdafiəsinə hazıram və Atıcılıq" [q 2], "Gənclərin çağırışaqədərki hazırlığı" və "Vətənin müdafiəsinə hazıram" fənn proqramlarının [q 3] və "Vətənin müdafiəsinə hazıram" dərsliyinin [q 4] müəllifidir.


Azərbaycan, rus və türk dillərində sərbəst danışır.

Hərbi rütbələri[redaktə | əsas redaktə]

  • Kapitan (2002-ci il)
  • Baş leytenant (1999-cu il)
  • Leytenant (1997-ci il)

Mükafatları[redaktə | əsas redaktə]

Xidməti vəzifələrini layiqincə yerinə yetirdiyinə görə müxtəlif mükafatlara layiq görülmüşdür:

  • 04.04.1995-ci il — Azərbaycan "Hərbi xidmətlərə görə" medalı.[2]
  • 25.06.2004-cü il — Azərbaycan "Azərbaycan Respublikası Silahlı Qüvvələrinin 10 illiyi (1991-2001)" yubiley medalı.[3]
  • 04.09.2013-cü il — Azərbaycan "Azərbaycan Respublikası Silahlı Qüvvələrinin 90 illiyi (1918-2008)" yubiley medalı.[4]

Qeydlər[redaktə | əsas redaktə]

  1. Bax:"Orta ixtisas təhsili müəssisələrinin adlarının dəyişdirilməsi haqqında" Azərbaycan Respublikası Nazirlər Kabinetinin 16 iyun 2010-cu il tarixli, 112 nömrəli Qərarı. (azərb.)
  2. Bax: Təhsil Nazirliyinin Elmi-Metodik Şurasının 30 iyun 2012-ci il tarixli, 15 saylı əmri
  3. Bax: ADPK-nın Metodik Şurasının 17 sentyabr 2018-ci il tarixli, 01 saylı əmri
  4. Bax: Azərbaycan Respublikası Təhsil Nazirliyi Elmi-Metodik Şurasının 21 sentyabr 2018-ci il tarixli, F-664 saylı əmri

İstinadlar[redaktə | əsas redaktə]

  1. htpp://www.mod.gov.az/qanun/medallar/yubiley 10 il medali.pdf
  2. "Azərbaycan Respublikasının hərbi qulluqçularının və polis işçilərinin bir qrupunun təltif edilməsi haqqında" Azərbaycan Respublikası Prezidentinin 4 aprel 1995-ci il tarixli, 307 nömrəli Fərmanı. e-qanun.az  (azərb.)
  3. "Azərbaycan Respublikası Müdafiə Nazirliyinin hərbi qulluqcularının təltif edilməsi haqqında" Azərbaycan Respublikası Prezidentinin 25 iyun 2004-cü il tarixli, 071 nömrəli Fərmanı].e-qanun.az  (azərb.)
  4. "Azərbaycan Respublikası Müdafiə Nazirliyinin hərbi qulluqcularının təltif edilməsi haqqında" Azərbaycan Respublikası Prezidentinin 04 sentyabr 2013-cü il tarixli, 0175 nömrəli Fərmanı].e-qanun.az  (azərb.)