Rövnəq Həsənli

Rövnəq Həsənli
Rövnəq Həsənli
Doğum tarixi	3 yanvar 1975 (51 yaş)
Doğum yeri	Naxçıvan, Naxçıvan MSSR, Azərbaycan SSR, SSRİ;
Təhsili	Azərbaycan İnşaat Mühəndisləri Universiteti (1991–1996),; Azərbaycan Dövlət Mədəniyyət və İncəsənət Universiteti;
Mükafatları	;

Rövnəq Həsənzadə (3 yanvar 1975, Naxçıvan) — Redaktor, baş rejissor. Azərbaycan Respublikasının əməkdar mədəniyyət işçisi (2019).

Həyatı

Rövnəq Həsənzadə 1975-ci ildə Naxçıvan şəhərində anadan olub. 1991-ci ildə Naxçıvan şəhərindəki 5 saylı orta məktəbi bitirmişdir.

1991-ci ildə Azərbaycan İnşaat Mühəndisləri İnstitutunun "İnşaat" fakültəsinə qəbul olmuşdur. 1996-cı ildə Azərbaycan İnşaat Mühəndisləri Universitetinin "Sənaye və mülki tikinti" ixtisasını əla qiymətlərlə bitirmişdir. Həmçinin 1995-ci ildə Bakı Ali Menecer Kollecinin İnşaatçı menecment ixtisasını bitirmişdir.

Ali məktəbdə oxuduğu müddətdə təhsildən ayrılmamaqla Azərbaycan Dövlət Akademik Milli Dram Teatrında səhnə quraşdırıcısı vəzifəsində çalışmışdır (30.09.1994-?). Kinoya, mədəniyyətə, musiqiyə və teatra olan güclü marağı onun Azərbaycan Dövlət Mədəniyyət və İncəsənət Universitetinə qəbul olmasına səbəb olmuş və bu universiteti də bitirmişdir.

Müəyyən müddət İctimai Televiziyada çalışmışdır.

Hal-hazırda Azərbaycan Dövlət Televiziyasında "Musiqi və əyləncəli proqramlar" redaksiyasının baş rejissoru vəzifəsində çalışır^[1].

Mükafatları

2019-cu il 6 noyabr tarixində Azərbaycan Respublikasında televiziya və radio sahəsinin inkişafında xidmətlərinə görə Prezident İlham Əliyevin sərəncamı ilə Azərbaycan Respublikasının əməkdar mədəniyyət işçisi fəxri adına layiq görülüb.^[2]

Filmoqrafiya

İstinadlar

↑ "Musiqi və əyləncəli proqramlar redaksiyası. aztv.az saytı". 13 sentyabr 2013 tarixində orijinalından arxivləşdirilib. İstifadə tarixi: 9 oktyabr 2013.
↑ "Azərbaycan Respublikasının televiziya və radio işçilərinə fəxri adların verilməsi haqqında Azərbaycan Respublikası Prezidentinin Sərəncamı". 7 yanvar 2022 tarixində arxivləşdirilib. İstifadə tarixi: 24 avqust 2022.

Xarici keçidlər

[1] "Musiqi və əyləncəli proqramlar redaksiyası. aztv.az saytı". 13 sentyabr 2013 tarixində orijinalından arxivləşdirilib. İstifadə tarixi: 9 oktyabr 2013.

[2] "Azərbaycan Respublikasının televiziya və radio işçilərinə fəxri adların verilməsi haqqında Azərbaycan Respublikası Prezidentinin Sərəncamı". 7 yanvar 2022 tarixində arxivləşdirilib. İstifadə tarixi: 24 avqust 2022.

[1]

[2]