Rüstəm Əliyev (şəhid)

Rüstəm Əliyev
Əliyev Rüstəm Şahvələd oğlu
Doğum tarixi	11 iyun 1965
Doğum yeri	Bakı, Azərbaycan SSR, SSRİ
Vəfat tarixi	25 yanvar 1990 (24 yaşında)
Vəfat yeri	Bakı, Azərbaycan SSR
Vətəndaşlığı	SSRİ
Milliyyəti	azərbaycanlı
Fəaliyyəti	Qara Yanvar şəhidi

Rüstəm Əliyev (tam adı: Əliyev Rüstəm Şahvələd oğlu; 11 iyun 1965, Bakı – 25 yanvar 1990, Bakı) — 20 yanvar şəhidi. Azərbaycan Respublikasının Prezidentinin 31 mart 1998-ci il tarixdə fərmanı ilə ölümündən sonra 20 Yanvar Şəhidi fəxri adı verilmişdir.

Əliyev Rüstəm Şahvələd oğlu 1965-ci il 11 iyun tarixində Bakıda anadan olub. Subay idi. 2 nömrəli avtobus parkında sürücü işləmişdir. Yanvarın 19-da axşam dostu Elmanla Salyan qazarmasının yanına gedib. Atışma zamanı yaralıları avtobusla xəstəxanaya daşıyıb. Sonra yolda Rüstəmin avtobusunu da atəşə tutublar. O, döş qəfəsindən, qarın boşluğundan bir neçə odlu güllə yarası alıb. Gecə saat 03:30 dəqiqədə xəstəxanaya gətirilib. Yanvarın 25-də, saat 13:00-da keçinib. Şəhidlər xiyabanında dəfn edilib.

Ünvan

Bu ünvanda yaşayıb: Bakı şəhəri, 19-cu Dağüstü küçəsi, ev 20a, mənzil 38.

Həmçinin bax

• "20 Yanvar Şəhidi" fəxri adı alanların siyahısı
• Azərbaycan Respublikasının Azadlıq uğrunda mübarizlərinin siyahısı
• Şəhidlər Xiyabanında dəfn olunanlar

İstinadlar

• Qulu Kəngərli. 20 Yanvar şəhidləri (PDF). Bakı: Gənclik. 1992. 312 səh. ISBN 4702060204. 2015-07-17 tarixində orijinalından (PDF) arxivləşdirilib. İstifadə tarixi: 2017-01-18.

Xarici keçidlər

• 20 yanvar şəhidi Rüstəm Əliyevin anası ilə görüşdə