Rüstəm Rüstəmov (hərbçi)

Vikipediya, açıq ensiklopediya
Jump to navigation Jump to search
Picto infobox military.png
Rüstəm Rüstəmov
Rüstəm Qara oğlu Rüstəmov
Fotoqrafiya
Doğum tarixi20 iyun 1953(1953-06-20)
Doğum yeri Qovlar, Tovuz rayonu, Azərbaycan SSR, SSRİ
Vətəndaşlıq Flag of Azerbaijan.svg Azərbaycan
Mənsubiyyəti Coat of arms of the Azerbaijani Armed Forces.png
Azərbaycan Silahlı Qüvvələri
Qoşun növüArmy Flag of Azerbaijan.png Quru Qoşunları
Xidmət illəri 19751991
19912015
RütbəPolkovnik
Təltifləri"SSRİ Silahlı Qüvvələrinin 70 illiyi" yubiley medalı
"Hərbi xidmətlərə görə" medalı
"Qüsursuz xidmətə görə" medalı
"Azərbaycan Respublikası Silahlı Qüvvələrinin 95 illiyi (1918-2013)" medalı
"Azərbaycan Respublikası Silahlı Qüvvələri Veteranı" medalı
"Azərbaycan Respublikası Silahlı Qüvvələrinin 90 illiyi (1918-2008)" yubiley medalı

Rüstəmov Rüstəm Qara oğlu — Azərbaycan Respublikası Silahlı Qüvvələri Veteranı.

Həyatı[redaktə | əsas redaktə]

Rüstəm Qara oğlu Rüstəmov 20 iyun 1953-cü ildə Tovuz rayonunun Qovlar şəhərində (qəsəbəsində) anadan olub. Atası Qara kişi zəhmətkeş, anası Xatın Nəsib qızı isə evdar qadın olmuşdur. Bu iki halal cütlüyün izdivacından 11 övlad (5 oğul, 6 qız) dünyaya göz açmışdır. Rüstəm Rüstəmov ailənin 6-cı övlad payıdı.

O, Qovlar qəsəbə 1 saylı, şəhid Sadəddin Məmmədov adına orta məktəbin 1-ci sinfinə gedib və tam orta təhsilini 1970-ci ildə A.S. Puşkin adına Tovuz şəhər orta məktəbində başa vurub. 1970-1975-ci illərdə Azərbaycan Politexnik İnstitutunda təhsil alıb.

R.Rüstəmov institutu bitirdikdən sonra Sovet ordusu sıralarında leytenant rütbəsində həqiqi hərbi xidmətə başlamış, Rusiya Federasiyasının Komsomolsk-Amur şəhərində və Şimali Qazaxıstanda yerləşən hərbi hissələrdə xidmət etmişdir. 1983-cü ildə Orjonokidze Ali Hərbi Ümumqoşun Komandanlıq Məktəbini (quru qoşunları üzrə) müvəffəqiyyətlə bitirib hərbi xidmətini davam etdirmişdir.

O, 1975-cü ildən 1991-ci ilə qədər Sovet ordusu sıralarında xidməti vəzifə borcunu yerinə yetirərək mayor rütbəsinədək yüksəlmişdir.

1991-ci ildən müstəqillik dövrünün ilk günlərindən Rüstəm Rüstəmov Milli ordumuzun sıralarında Hərbi Komissarlıq sistemində və 1994-ci ilin əvəlindən “N” saylı hərbi hissədə tabor komandirinin tərbiyəvi işlər üzrə müavini, daha sonra hərbi hissədə kadrlar və nizami hissə rəisi, 1996-cı ildən isə Müdafiə Nazirliyinin Kadrlar və Hərbi təhsil idarəsində bölmə rəisi (polkovnik-leytenant rütbəsində), şöbə rəisi vəzifələrində çalışmışdır.

R.Rüstəmov 1998-ci ildən polkovnik vəzifəsində, 2003-cü ildən polkovnik rütbəsində xidmət etmişdir.

R.Rüstəmov çalışdığı kollektivlərdə özünəməxsus biliyi, bacarığı və hərbi nizamnaməyə uyğun davranışı ilə fərqlənmiş, xüsusi hörmət qazanmışdır. Onun ünvanına üz tutan hər bir kəs daim böyük ehtiramla qarşılanmış və böyük razılıq hissi ilə geri dönmüşlər. Məhz bu səbəbdən də, Rüstəm müəllim onu tanıyanlar tərəfindən ürəklərdə, hörmət əlaməti olaraq “dayı” kimi qərar tutmuşdur. Bu gün daim onunla hal-əhval tutmaq, ünsiyyətdə olmaq və məsləhət almaq istəyənlər saysız-hesabsızdır.

R. Rüstəmov geriyə dönüb, keçdiyi ömür yollarına baxır və qürur hissi keçirir, çünki o, 35 ildən yuxarı bir dövrdə Vətənə şərəflə xidmət etmiş və layiqli övladlar böyüdüb-tərbiyə etmişdir.

Ailəsi[redaktə | əsas redaktə]

R.Rüstəmov nümunəvi ailə başçısıdır. 4 övladı (3 oğul, 1 qız) var. Övladlardan - Rövşən Rüstəmov Azərbaycan Memarlıq və İnşaat Universitetini və Azərbaycan Respublikası Prezidenti Yanında Dövlət İdarəçilik Akademiyasını bitirib, Rauf Rüstəmov Tibb Universitetini və Dövlət İdman Akademiyasını bitirib, Qara Rüstəmli Türkiyə Ali Hərbi Dənizçilik Akademiyasını bitirib, hazırda Baş leytenant rütbəsində xidmət edir, Rövşanə Rüstəmova “Təfəkkür” Univesitetinin filologiya fakültəsini bitirib.

Həyatda ən böyük hobbisi maraqlı kitablar oxumaq və mütaliə etməkdir. Zəngin kitabxanaya malik olan R.Rüstəmovun bu günkü gənclərə ən böyük tövsiyəsi - “Yalnız çoxlu kitablar oxumalı və Vətənə xidmət etməlisiniz”- söyləməsidir. Bu ali hisslər Rüstəm müəllimin həyatsevərliyindən və Vətənpərvərliyindən qaynaqlanır.

Mükafatları[redaktə | əsas redaktə]

R. Rüstəmov hərbi xidməti vəzifə borcunu nümunəvi yerinə yetirdiyinə görə dəfələrlə SSRİ Silahlı Qüvvələrinin və Azərbaycan Respublikası Silahlı Qüvvələrinin komandanlığı tərəfindən Fəxri fərmanlarla və təşəkkürnamələrlə mükafatlandırılıb, medallarla təltif olunub.

SSRİ Silahlı Qüvvələrinin sıralarında:

Azərbaycan Respublikası Silahlı Qüvvələrinin sıralarında:

İstinadlar[redaktə | əsas redaktə]

Rüstəm Rüstəmovun “SSRİ Silahlı Qüvvələrinin 70 illiyi” Yubiley medalı ilə (28 yanvar 1988-ci il); “Hərbi xidmətə görə” medalı ilə (22 fevral 1990-cı il) təltif olunması barədə SSRİ Ali Sovet Rəyasət Heyətinin Fərmanları;

“SSRİ Silahlı Qüvvələrində qüsursuz xidmətə görə” medalı ilə (5 yanvar 1990-cı il) təltif olunması barədə SSRİ Müdafiə Nazirinin əmri;

Polkovnik Rüstəmov Rüstəm Qara oğlunun “Azərbaycan Respublikası Silahlı Qüvvələrinin 10 illiyi ( 1991-2001)” yubiley medalı ilə təltif olunması barədə Azərbaycan Respublikası Müdafiə Nazirinin 26 iyun 2003-cü il tarixli əmri;

“Azərbaycan Respublikası Silahlı Qüvvələri Veteranı” medalı ilə təltif olunması barədə Azərbaycan Respublikası Müdafiə Nazirinin 22 iyun 2004-cü il tarixli əmri;

26 iyun 2003-cü il tarixdə “Qüsursuz xidmətə görə” 3-cü dərəcəli medalı ilə, 25 iyun 2007-ci ildə “Qüsursuz xidmətə görə” 2-ci dərəcəli medalı ilə, 23 iyun 2012-ci il tarixdə “Qüsursuz xidmətə görə” 1-ci dərəcəli medalı ilə təltif olunması barədə Azərbaycan Respublikası Müdafiə Nazirinin əmrləri;

“Azərbaycan Respublikası Silahlı Qüvvələrinin 95 illiyi (1918-2013)” yubiley medalı ilə təltif olunması barədə Azərbaycan Respublikası Müdafiə Nazirinin 24 iyun 2013-cü il tarixli əmri.