Rılski qardaşlarının yaşayış evi

Vikipediya, azad ensiklopediya
Jump to navigation Jump to search
Emojione1 1F3DB.svg
Rılski qardaşlarının yaşayış evi
Building on Yusif Mammadaliyev Street 11 main facade.jpg
Binanın 2013-cü ildə çəkilmiş şəkili
Ölkə Azərbaycan Azərbaycan
Şəhər WP baku siegel.png Bakı
Yerləşir Yusif Məmmədəliyev küçəsi, 11
Aidiyyatı Azərbaycan Mərkəzi Kooperativlər İttifaqı
Memar İosif Ploşko
Tikilmə tarixi 1912
Vəziyyəti yaxşı
Kateqoriya Bina
Əhəmiyyəti Ölkə əhəmiyyətli
Rılski qardaşlarının yaşayış evi (Bakı)
Locator Dot2.gif
Rılski qardaşlarının
yaşayış evi

Rılski qardaşlarının yaşayış evi1912-ci ildə polşalı Rılski qardaşlarının sifarişi ilə İosif Ploşkonun layihəsi üzrə keçmiş Politseyskaya küçəsi, 11, indiki Yusif Məmmədəliyev küçəsi, 11-də tikilmiş bina.[1] Hazırda binada Azərbaycan Mərkəzi Kooperativlər İttifaqı yerləşir.

Haqqında[redaktə | əsas redaktə]

Bina 1912-ci ildə polşalı Rılski qardaşlarının sifarişi ilə İosif Ploşkonun layihəsi üzrə keçmiş Politseyskaya küçəsi, 11, indiki Yusif Məmmədəliyev küçəsi, 11-də tikilib.

Building on Yusif Mammadaliyev Street 11 (2).jpg

Bu böyük dördmərtəbəli bina hündür qüllə və anbar mərtəbəsinə malikdir. Memar İosif Ploşkonun fasadın memarlıq kompozisiyası mərkəzi simmetrik ox üzrə iki orta mərtəbədə iki təzadlı üsuldan ibarətdir. Erkerlərin şaquli mütənasibliyi göstərilir. İkinci mərtəbədə erker bağlı pəncərə açırımları üslubundadır. Üçüncü mərtəbədə sütunlar üzərində mavritan cizgili lociyaların şəbəkəli tağları vardır.

Erkerlərin memarlıq kompozisiyası yüksək bədii estetika nümayiş etdirərək şərq poeziya formalarının çox incə və gözəl üsullarının yaratdığı olduqca maraqlı motivlərə aiddir. Burada ikinci mərtəbənin pəncərə açırımı tağlarında naxış motivləri olan şaquli hamar çərçivələrin, tağların altında isə ənənəvi kapitelləri olan sütunların yerləşdirildiyi üsulun da memarlıq həlli diqqətəlayiqdir. Roma şəbəkələrindən ibarət balkonları saxlayan zəif ifadə olunan düzgün profil verilmiş taxça stalaktit kəmərlə bəzənən lociyalara keçidi təşkil edir.

Erkerin hər iki tərəfində dərin pəncərə açırımlarınm ahəngi hiss olunur, ikinci mərtəbədə nalabənzər, üçüncü mərtəbədə oxvari tağlar vardır. Divarların səthi tektonikadan məhrumdur və fasadın iri elementi olaraq dərin taxçalara verilmişdir. Bütövlükdə şərq-müsəlman motivlərində tikilmiş, milli-romantik istiqamət kimi öz dəyərini saxlayan eleqant memarlıq kompozisiyası yaranmışdır.[2]

İki portalı erkerin oxunun yan tərəfindəki giriş qapılarını da unutmaq olmaz. İosif Ploşko bu gözəl işlənmiş memarlıq elementlərinə böyük diqqət ayırmışdır. Portalı kəsən girişin dördbucaqlı haşiyədə timpan motivləri ilə zəngin olan oxvari tağı şərq irsinə münasibətin təcəssümüdür.[1]

1919-cu ildə bu binada Stefan Rılskinin rəhbərliyi ilə ilk diplomatik nümayəndəlik yerləşirdi.[3]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 Şamil Fətullayev. Bakı memarları XIX əsrin sonu - XX əsrin əvvəlində. — Bakı: Şərq-Qərb nəşriyyatı, 2013. — Səhifələrin sayı: 296. — Səh.: 251-252.  — ISBN 978-9952-32-020-6.
  2. Oktay Hacımusalı. "Bakıdakı məşhur binalarının memarı". anl.az (11 fevral 2012). 10 sentyabr 2019 tarixində arxivləşdirilib.
  3. "Józef PŁOSZKO". polonia-baku.org. 10 sentyabr 2019 tarixində arxivləşdirilib.