Rəfael İsgəndərov

Vikipediya, azad ensiklopediya
Jump to navigation Jump to search
Rəfael İsgəndərov
Rəfael Əmirxan oğlu İsgəndərov
Rəfael İsgəndərov.tif
“Azərrabitəinşaat” Açıq Tipli Səhmdar Cəmiyyətinin sədri
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili Azərbaycan Politexnik İnstitutu
İxtisası İnşaatçı-mühəndis
Doğum tarixi 25 oktyabr 1957 (1957-10-25) (62 yaş)
Doğum yeri SSRİ, Azərbaycan SSR, Qubadlı rayonu Boynəkər kəndi
Vəfat tarixi 30 avqust 2002(2002-08-30) (44 yaşında)
Vətəndaşlığı Azərbaycan Azərbaycan

İsgəndərov Rəfael Əmirxan oğlu – “Azərrabitəinşaat” Açıq Tipli Səhmdar Cəmiyyətinin sədri

Həyatı[redaktə | əsas redaktə]

Rəfael Əmirxan oğlu İsgəndərov 25 oktyabr 1957-ci ildə Qubadlı rayonunun Boynəkər kəndində müəllim ailəsində anadan olub. Orta məktəbi bitirdikdən sonra Azərbaycan Politexnik İnstitutunun inşaat fakültəsinə daxil olmuşdur.

Hələ uşaqlıq illərində elmə, təhsilə marağı, zəhmətə bağlılığı ilə həmyaşıdlarından seçilən Rəfael ali məktəb illərində özünün qabiliyyəti və bacarığı ilə tələbə yoldaşları, professor-müəllim heyəti arasında hörmət və nüfuz qazanmışdır. O, Azərbaycan Politexnik İnstitutunun inşaat fakültəsinin əyani şöbəsində oxuduğu beş il ərzində əlaçı tələbə kimi ali məktəbin ictimai işlərində fəal iştirak etmiş, daxil olduğu institutun bazasında yaranan İnşaat Mühəndisləri İnstitutunun sənaye və mülki tikinti fakültəsini fərqlənmə diplomu ilə bitirmişdir. İxtisasca inşaatçı-mühəndis idi.

R.Ə. İsgəndərov 1979 – 1981-ci illərdə Sovet Ordusu sıralarında xidməti borcunu yerinə yetirdiyi zaman inşaatçı-mühəndis zabit kimi əsgər kazarmalarının, inzibati binaların, rabitə qovşaqlarının tikintisində, yenidən qurulmasında, əsaslı təmirində və tikinti abadlıq işlərində fəal iştirak etmişdir. Elə buna görə də dəfələrlə SSRİ Müdafiə Nazirliyinin, xidmət etdiyi batalyon və diviziyanın fəxri fərmanları, tərifnamə və pul mükafatları ilə təltif olunmuşdur.

R.Ə. İsgəndərov ordudan tərxis olunduqdan sonra Azərbaycan tikinti kompleksində məsul və rəhbər vəzifələrdə işləmiş, respublikamızın əksər bölgələrində çoxlu sayda sosial-mədəni obyektlərin tikintisində iştirak etmiş və bir çox qlobal layihələrin tikintisinə bilavasitə rəhbərlik etmişdir. Sonra isə həyatını Azərbaycan SSR Rabitə Nazirliyinin tikinti birliyinə bağlamışdır.

R.Ə. İsgəndərov 1991-ci ildə “Azərrabitəinşaat” Layihə Tikinti Birliyinin 3 nömrəli tikinti-quraşdırma idarəsinə rəis təyin olunmuş, 1997-ci ildə isə Birliyin sədri vəzifəsinə irəli çəkilmişdir. Birlik “Azərrabitəinşaat” Açıq Tipli Səhmdar Cəmiyyətinə çevriləndə cəmiyyətin sədri vəzifəsində fəaliyyət göstərmişdir.

R.Ə. İsgəndərov 2002-ci ilin avqustuna kimi həmin vəzifədə çalıışaraq ölkənin bütün bölgələrində rabitə sisteminin yenidən qurulmasında, bərpa və yenidənqurma işlərində, Mildə, Muğanda, Şirvanda, Qarabağda, Abşeronda, Şəmkirdə, Şəkidə, Bərdədə, Gəncədə, Sabirabadda, Bakıda, Sumqayıtda və digər rayon və şəhərlərimizdə sosial-mədəni obyektlərin inşasında öz bilik və bacarığını əsirgəməmişdir. R. İsgəndərovun rəhbərliyi altında “Azərrabitəinşaat” Açıq Tipli Səhmdar Cəmiyyətinin Türkiyənin “Hesfibel” şirkəti ilə birgə həyata keçirdiyi Çindən Almaniyayadək uzanan TAE (Trans-Asiya-Avropa) beynəlxalq fibro-optik magistral xəttinin Azərbaycan Respublikası ərasizindən keçən 600 km-lik hissəsinin çəkilməsi layihəsi hər il respublikamıza külli miqdarda gəlir gətirir.

R.Ə. İsgəndərov tikinti və abadlaşdırma işlərində qüsursuz işinə, fəal mövqeyinə, bacarıq və qabiliyyətinə görə bir sıra birlik, komitə, nazirlik və Azərbaycan Qızıl Aypara Cəmiyyəti tərəfindən fəxri-fərman, tərifnamə, döş nişanı və qiymətli hədiyyələrlə mükafatlandırılmışdır.

R.Ə. İsgəndərov ömrünün çiçəklənən yaşında - 2002-ci il avqust ayının 30-da - 45 yaşında ikən vəzifə borcunu yerinə yetirərkən Goranboy rayonu ərazisində qəzaya düşərək həlak olmuşdur.

O, Azərbaycan tikinti kompleksində öz yüksək təşkilatçılıq qabiliyyəti, inşaatçı-mühəndis səriştəsi və insani ləyaqəti ilə böyük hörmət və nüfuz qazanmış seçılən simalardan idi. O, bacarıqlı, işgüzar və yaradıcı insan idi. Və o, yaşadığı qısa ömründə öz qabiliyyəti və istedadı sayəsində republikanın tanınmış mütəxəssisləri, görkəmli şəxsiyyətləri sırasına çıxmış, hörmət və nüfuz qazanmışdı.

R.Ə. İsgəndərov harada olursa – olsun elinə - obasına, doğma yurdu Qubadlıya və bütöv Azərbaycana başucalığı gətirmişdir.

O, taleyini öz xalqının xoş gün-güzəran görməsi yolunda şam kimi əridən əsil fədai idi, xeyriyyəçi insan idi, neçə-neçə insana çörək verib, kömək olub, qaçqın və məcburi köçkün ailələrinə qayğı və diqqətini əsirgəməyib. Heç də təsadüfi deyil ki, o, məcburi köçkünlər üçün tikdikləri qəsəbələrin tikintisınə baş çəkməyə gedərkən avtomobil qəzasında dünyasını dəyişdi.

Ailəsi[redaktə | əsas redaktə]

Ailəli di. Bir oğlu, bir qızı, dörd nəvəsi var. Hər ikisi ali təhsillidir və həyatda atalarının adına layiq övlad olmaq üçün çalışır, onun adını və xatirəsini daim uca tuturlar.

Mənbə[redaktə | əsas redaktə]

“Azərbaycan Tikinti Kompleksinin Ensiklopediyası” kitabı. I cild, səhifə: 178-179.