Rəhim Əliyev

Vikipediya, açıq ensiklopediya
Jump to navigation Jump to search
Rəhim Əliyev
Rəhim Nadir oğlu Əliyev
Fotoqrafiya
Doğum tarixi 6 noyabr 1950 (1950-11-06) (68 yaş)
Doğum yeri Ramana, Bakı
Flag of the Azerbaijan Soviet Socialist Republic.svg Azərbaycan SSR
Vətəndaşlığı Flag of Azerbaijan.svg Azərbaycan
Milliyyəti azərbaycanlı
Fəaliyyəti yazıçı

Əliyev Rəhim Nadir oğlu — tənqidçi, nasir, 1983-cü ildən Azərbaycan Yazıçılar Birliyinin üzvü, filologiya elmləri doktoru (1996).

Həyatı[redaktə | əsas redaktə]

Rəhim Əliyev 1950-ci il noyabrın 6-da Bakı şəhərinin yaxınlığındakı Ramana qəsəbəsində anadan olmuşdur. Burada 198 saylı orta məktəbi bitirdikdən sonra ADU-nun filologiya fakültəsində təhsil almışdır (1968-1973). 1973-1975-ci illərdə Sovet ordusunda zabit rütbəsində moto-piyada hissəsində hərbi qulluqda olmuşdur.

Y.Qarayevin "Səhnəmiz və müasirlərimiz" adlı kitabına yazdığı ilk mətbu rəyi 1973-cü ildə "Azərbaycan gəncləri" qəzetində dərc edilmişdir. Bundan sonra dövri mətbuatda ədəbi-tənqidi məqalələri vaxtaşırı çıxır. Azərbaycan Elmlər Akademiyasının Nizami adına Ədəbiyyat İnstitutunda laborant (1975-1976), "Ədəbiyyat və incəsənət" qəzeti redaksiyasında ədəbi işçi (1976-1978), tənqid və ədəbiyyatşünaslıq şöbəsinin müdiri (1978-1985), Azərbaycan EA Nizami adına Ədəbiyyat İnstitutu Cənubi Azərbaycan şöbəsinin böyük elmi işçisi olmuşdur (1988-1991)

Azərbaycan Respublikası Prezident Aparatında məsləhətçi, Teleradio şirkətində sədr müavini işləmişdir (1990-1991), C.Cabbarlı fondunun sədri seçilmişdir (1994-cü ildən). "1970-ci illər lirikasının inkişaf meylləri" mövzusunda namizədlik (1983), "C.Cabbarlının yaradıcılıq təkamülü: metod, üslub, janr" mövzusunda doktorluq (1996) dissertasiyası müdafiə etmişdir. Azərbaycanda 90-cı illər xalq hərəkatı dövründə ictimai-siyasi hadisələrin təhlilinə həsr olunmuş məqalələrlə çıxış etmişdir. Hazırda Nizami adına Ədəbiyyat İnstitutunda Cənubi Azərbaycan şöbəsinin baş elmi işçisidir (1996-cı ildən).

Ədəbi tənqid, nəsr və publisistika ilə məşğul olur. 2001-ci ildən türkdilli hürufi mətnlərinin tədqiqi ilə məşğuldur. "Ədəbiyyat nəzəriyyəsi" kitabında dilin yazıdan törəmə olması barədə nəzəriyyə irəli sürmüşdür. Bu kitabda sözün semiotik işarə nəzəriyyəsi ədəbiyyat nəzəriyyəsinə də tətbiq edilir.

Əsərləri[redaktə | əsas redaktə]

  1. Poeziyanın təbiiliyi. Bakı: Yazıçı, 1982, 96 səh.
  2. Göndərilməmiş məktub (nəsr). Bakı: Gənclik, 1984, 147 səh.
  3. Cəfər Cabbarlının yaradıcılıq təkamülü. Bakı: Yazıçı, 1989, 236 səh.
  4. Bütövlənməyən borc (nəsr). Bakı: Sabah, 1995, 270 səh.
  5. Dilimiz, ədəbiyyatımız, tariximiz. Bakı: Elm, 1997, 260 səh.
  6. Nəsimi və klassik dini üslubun təşəkkülü. Bakı: 2006, 362 səh.
  7. Taleyin sözü. Bakı: 2008, 485 səh.
  8. Ədəbiyyat nəzəriyyəsi. Bakı: "Mütərcim", 2008. 360 səh.
  9. Sözün mifi. Bakı: Mütərcim, 2011, 175 səh.
  10. Ədəbiyyat nəzəriyyəsi. Bakı: Qanun, 2012.
  11. Zülmətdə çəhrayı, hekayələr, Alatoran, Bakı,2014, s.297.
  12. Cavidannamə.Monoteizmin dördüncü kitabı, Alatoran yayınları,Bakı, 2016. 141 s.
  13. Qoşulub qaçmayan qız, roman, Alatoran yayınları, Bakı, 2017, 295 s.