Rəhim Məmmədov

Rəhim Məmmədov
Rəhim Məmmədov
Doğum tarixi	2 noyabr 1928
Doğum yeri	Bakı, Bakı qəzası, Azərbaycan SSR, ZSFSR, SSRİ;
Vəfat tarixi	28 iyun 2025 (96 yaşında)
Vəfat yeri	Türkiyə;
Fəaliyyəti	rəssam, pedaqoq
Təhsili	Əzim Əzimzadə adına Azərbaycan Dövlət Rəssamlıq Məktəbi,; Sankt-Peterburq İncəsənət və Sənaye Akademiyası[d];
Janr	monumental sənət
Üzvlüyü	Azərbaycan Rəssamlar İttifaqı;
Mükafatları

Rəhim Əliağa oğlu Məmmədov (2 noyabr 1928, Bakı – 28 iyun 2025, Türkiyə) — Azərbaycan rəssamı, mozaika ustası, pedaqoq. Beynəlxalq sərgi iştirakçısı, sənət təbliğatçısı, sənət təhsili sahəsində mütəxəssis, Azərbaycan Respublikasının əməkdar rəssamı (2017).^[1]

Həyatı

Rəhim Əliağa oğlu Məmmədov 1928-ci ildə Bakıda anadan olub. İlk təhsilini Əzim Əzimzadə adına Rəssamlıq Məktəbində alıb. Daha sonra Moskva və Sankt-Peterburq Rəssamlıq Akademiyalarında təhsilini davam etdirib. Sankt-Peterburqda divar rəsmi ixtisasını seçmişdi.

Təhsilini başa vurduqdan sonra 1958-ci ildə Bakıya qayıdaraq İncəsənət İnstitutunda (indiki Mədəniyyət və İncəsənət Universiteti) fəaliyyətə başlayıb. Uzun illər burada kafedra müdiri və dosent kimi çalışıb.^[2]

Yaradıcılığı

Rəhim Məmmədovun ilk monumental işi Bakının "Ceyran" kafesinin üzərindəki divar mozaikası olub. Daha sonra Xalq rəssamı Tofiq Ağababayevlə birlikdə Bakı Dövlət Sirkinin fasadı üçün "Azərbaycan sirki" adlı mozaik kompozisiyanı ərsəyə gətirib.

Onun digər məşhur işlərinə "Araz" su bəndindəki mozaika-metallik kompozisiya, "Neftçi" futbol komandasının bazasında hazırladığı qabarıq mozaika və Səttar Bəhlulzadənin portreti daxildir.

1963-cü ildə Sumqayıtın baş rəssamı təyin olunub. Bakı şəhər Baş Memarlıq İdarəsində və Rəssamlar İttifaqında da müxtəlif vəzifələrdə çalışıb.

1995-ci ildə Türkiyənin Erciyes Universitetinə dəvət olunaraq orada İncəsənət fakültəsinin yaradıcılarından biri təyin olunub. Uzun illər bu fakültədə dərs deməklə yanaşı, universitetin fəxri müəllimi adını da alıb.

Sərgiləri

Onun sərgiləri Sankt-Peterburq, Bakı, Tiflis, Moskva, Sivas, Kayseri, Konya və digər şəhərlərdə keçirilib. Beynəlxalq Memarlıq Konqresi sərgisində "Münsif Onur" mükafatı, Azərbaycan Nazirlər Kabineti mükafatı, SSRİ dövründə isə milli rəsm sərgi-müsabiqəsi üzrə mükafata layiq görülüb.^[3]

İstinadlar

[1] "Sənətə həsr edilən ömür- Əməkdar rəssam Rəhim Məmmədov". azertag.az (az.).

[2] "sərgi iştirakçısı, sənət təbliğatçısı, sənət təhsili sahəsində görkəmli mütəxəssis".

[3] "Rəssam Rəhim Məmmədovun Azərbaycandan Türkiyəyə uzanan bir əsrlik həyat yolu - MÜSAHİBƏ". azertag.az (az.).

[1]

[2]

[3]