Rəhim Qurbani

Vikipediya, azad ensiklopediya
Jump to navigation Jump to search
Rəhim Qurbani
Qurbanov Rəhim Kazım oğlu
Rəhim Qurbani.jpg
Rəhim Qurbani
İlk adı Rəhim
Təxəllüsü Qurbani
Doğum tarixi 22 dekabr 1951 (1951-12-22) (67 yaş)
Doğum yeri Zərkənd, Ermənistan SSR, SSRİ
Vətəndaşlığı SSRİ SSRİ
Azərbaycan Azərbaycan
Təhsili Kirovabad Dövlət Pedaqoji İnstitutu
Mükafatları "Qızıl Qələm" mükafatı (2010), Prezident təqaüdçüsü (2018)

Rəhim Qurbani (Qurbanov Rəhim Kazım oğlu; d. 22 dekabr 1951, Zərkənd, Ermənistan SSR, SSRİ) — Azərbaycanlı şair. Əsasən təcnis sənətkarı kimi tanınır. Azərbaycan Yazıçılar Birliyinin (2015) və Azərbaycan Jurnalistlər Birliyinin (2015) üzvü.

Həyatı[redaktə | əsas redaktə]

Rəhim Qurbani 1951-ci il dekabr ayının 22-də Qərbi Azərbaycanın, Göyçə mahalının Zərkənd (Zərzibil) kəndində ziyalı ailəsində anadan olubdur.[1]

1970-1972-ci illərdə hərbi xidmətdə olmuşdur. 1974-cü ildə Kirovabad Dövlət Pedaqoji İnstitutunun tarix fakültəsinə daxil olmuşdur. 1979-cu ildə həmin institutu bitirib tarix müəllimi ixtisasını almış, həmin ildən doğma kəndlərində tarix müəllimi kimi pedaqoji fəaliyyətə başlamışdı.

Gənc müəllim kimi işlədiyi vaxtdan yaradıcılıqla məşğul olmuş, dövrü mətbuatda - "Sovet Ermənistanı", "Vardenis" qəzetlərində şeirləri müntəzəm dərc olunmuşdur.

Azərbaycanlıların Ermənistandan köçürülməsi nəticəsində 1988-ci ildə doğulduğu kənddən ailəsi ilə birlikdə Azərbaycana köçmüş, 1989-cu ildən Gəncə şəhərində məskunlaşmışdır. Gəncə şəhər 9№-li orta məktəbdə müəllim işləyir.

Yaradıcılığı[redaktə | əsas redaktə]

Azərbaycanda məskunlaşdıqdan sonra şeirləri bir çox qəzet və jurnallarda dərc olunub. "Oğuz eli", "Gəncənin səsi", "Göygöl", "Mübariz", "Naftalan", "Daşkəsən", "Vətəndaş", "Yeni Təfəkkür", "Vətən səsi", "Kredo", "Qərbi Azərbaycan press" qəzetlərində, "Pəncərə", "Ovqat", "Dünya Meridianları" və Yazıçılar Birliyinin nəzdində olan "Gəncə qapısı" jurnalında daimi olaraq şeirləri nəşr olunmuşdur.

Əvvəllər "Qərbi Azərbaycan press" qəzetinin əməkdaşı olmuş, hal-hazırda "Qanun və Səlahiyyət" qəzetinin xüsusi müxbiridir.

1989-cu ildən "Respublika Aşıqlar Birliyi"nin üzvü, 2015-ci ildən isə "Azərbaycan Yazıçılar Birliyinin" və "Azərbaycan Jurnalistlər Birliyi"nin üzvüdür.

Kitabları[redaktə | əsas redaktə]

2013-cü ildə "Göyçə yaraları" kitabı "Elm və təhsil" nəşriyyatında çap olunmuşdur.

Mükafat və təltifləri[redaktə | əsas redaktə]

2010-cu ildən "Qızıl Qələm" mükafatı laureatı adına layiq görülmüşdür. "Nüfuzlu Ziyalı" diplomu ilə də təltif olunmuşdur.

2018-ci ilin aprel ayında Prezident təqaüdünə layiq görülmüşdür.

Ailəsi[redaktə | əsas redaktə]

Ailəlidir, 3 oğlu, 1 qızı, 8 nəvəsi var.

İstinadlar[redaktə | əsas redaktə]

  1. Ocaqquliyev, Həsən (2016). Yadda qalan xatirələr — Zərkəndli şair Rəhim (az). Bakı: "Elm və təhsil". 2017-11-08 tarixində arxivləşdirilib.