Rəsmi dövlət maşını

Vikipediya, azad ensiklopediya
Jump to navigation Jump to search
Türkiyə prezidenti və Türkiyə baş naziri tərəfindən istifadə olunan Mercedes-Benz S-Class avtomobilinin nümunəsi.
ABŞ prezidenti tərəfindən istifadə olunan Cadillac One model atomobili.

Rəsmi dövlət avtomobili — hökumət tərəfindən dövlət başçısının və ya hökumət başçısının daşınması və zaman zaman digər dövlət məmurların və digər ölkələrdəki vəzifə sahiblərinə baş çəkmək üçün qanuni səlahiyyətlər ilə istifadə edilən nəqliyyat vasitəsi. Rəsmi ziyarət zamanı avtomobil dövlət başçısı tərəfindən rəsmi istifadə üçün olduğu yerə aparıla bilər. Dövlət avtomobilləri həm də prezidentin və onun ölkəsinin simvolu rolunu oynaya bilər. Rəsmi dövlət avtomobillərinin bəzi meyarlarından biri də kifayət qədər təhlükəsiz, qabiliyyətli və vəzifələrinə görə cəlbedici olmalarıdır. Limuzin, yüksək səviyyəli avtomobillər və SUV kateqoriyalı avtomobillər ən çox seçilən sinifdir.

Vəzifəli şəxslərin yüksək təhlükəsizlik riskinə görə bu nəqliyyat vasitələri tez-tez yüksək dərəcədə təhlükəsiz və müdafiəli olurlar. Nəqliyyat vasitələri istehsalçı və ya səlahiyyətli şirkətlər tərəfindən zirehləndirilə bilər. Vəzifəli şəxs daşınarkən nəqliyyat vasitəsi polis və ya hərbçilərdən ibarət konvoy ilə müşayiət altında ola bilər. Avtomobilin sürücüsü də polis və ya hərbi təşkilatdan ola bilər.

Yerli avtomobil istehsalçılarına sahib olan ölkələrdə hökumət yerli istehsalçılardan birinə rəsmi avtomobil sifariş edir və ya bir neçə şirkətə rəsmi bir nəqliyyat vasitəsi parkı təmin etməyə icazə verir. Bir avtomobil şirkəti üçün öz ölkəsinin rəsmi dövlət avtomobilləri təminatçısı kimi seçilmək qürurverici və milli müdafiə sənayesi sahəsində hökumətin etibarını qazandığının göstəricisidir. Misal üçün; ABŞ prezidenti tez-tez istehsalçı şirkətdən götürülən Cadillac və ya Lincoln, Yapon İmparatoru Toyota, Fransa Baş Naziri Renault və ya PSA Peugeot Citroën, İtaliyanın Baş naziri Maserati idarə edir.

Avtomobil şirkəti olmayan ölkələrdə rəsmi nəqliyyat vasitələri güclü iqtisadi və diplomatik əlaqələrin mövcud olduğu bir ölkənin uyğun istehsalçısından alınır.

Bəzi hallarda rəsmi avtomobillər normal dövlət qeydiyyat nişanı daşıya bilər, bunun xaricində ya xüsusi bir qeydiyyat nişanından istifadə olunur, ya da ümumiyyətlə istifadə olunmur.

Rauf Denktaş tərəfindən istifadə BMW 750 Li avtomobilinin nümunəsi.