Rəvan Həsənov
| Rəvan Həsənov | |
|---|---|
| Doğum tarixi | |
| Doğum yeri | Ağdam |
| Vətəndaşlığı |
 Azərbaycan |
| Milliyyəti | azərbaycanlı |
| Təhsili |
BDU Potsdam Univeristeti |
| Fəaliyyəti | siyasətçi |
Rəvan Vaqif oğlu Həsənov (2 iyun 1989, Ağdam) — Bakı Beynəlxalq Multikulturalizm Mərkəzinin icraçı direktoru.
Həyatı[redaktə | mənbəni redaktə et]
Həsənov Rəvan Vaqif oğlu 2 iyul 1989-cu il tarixində Ağdam şəhərində dünyaya göz açmışdır. 1996-2007-ci illərdə orta təhsilini Tahir Həsənov adına 23 nömrəli məktəbdə almışdır. 2007-2011-ci illərdə Bakı Dövlət Universitetinin Hüquq fakultəsində bakalavr dərəcəsi üzrə təhsil almış və təhsilini fərqlənmə diplomu ilə başa vurmuşdur. 2010-cu ildə Yasamal Rayon İcra Hakimiyyəti, Yasamal Rayon Prokurorluğu və Nəsimi Rayon Məhkəməsində istehsalat təcrübəsində olan Rəvan Həsənov 2011-2012-ci illərdə Daxili Qoşunların “N” saylı hərbi hissəsində əsgər kimi hərbi xidmətdə olmuşdur. 2013-2014-cü illərdə Almaniyanın Potsdam Universitetinin hüquq fakultəsində magistr (LL.M) təhsili almış və Cinayət hüququ, Cinayət prosesi, Kriminalistika bölməsini uğurla başa vurmuşdur.[1] 16 fevral 2018-ci il tarixində “Cinayət hüquq və kriminologiya; cəza-icra hüququ” ixtisası üzrə AMEA Hüquq və İnsan Haqları İnstitutunun fəlsəfə doktoru hazırlığı üzrə dissertanturasına qəbul edilib. Rəvan Həsənov 1 yanvar 2018-ci ildə ABŞ-nin İllinois Texnologiyalar Universitetinin “Kent Hüquq Kolleci” tərəfindən qonaq elmi araşdırmaçı olaraq dəvət olunsa da, əmək fəaliyyəti ilə əlaqədar olaraq proqramda iştirak edə bilməyib.
Fəaliyyəti[redaktə | mənbəni redaktə et]
Rəvan Həsənov 13 noyabr 2014-cü ildən 2 mart 2016-cı il tarixinə qədər Bakı Beynəlxalq Multikulturalizm Mərkəzinin Analitika şöbəsində baş məsləhətçi vəzifəsində çalışıb. 2 mart 2016- 11 aprel 2017-ci il tarixlərində isə Azərbaycan Respublikası Prezidentinin millətlərarası, multikulturalizm və dini məsələlər üzrə Dövlət müşavirlik xidmətinin baş mütəxəssisi, 11 aprel 2017- 8 iyul 2017-ci il tarixlərində isə məsləhətçi vəzifəsində işləmişdir. O, 19 iyun 2017 il tarixindən 12 fevral 2019-cu il tarixinə qədər Bakı Beynəlxalq Multikulturalizm Mərkəzinin icraçı direktor vəzifəsini müvəqqəti icra edib.[2] Rəvan Həsənov Prezident İlham Əliyevin 12 fevral 2019-cu il tarixli sərəncamı ilə Bakı Beynəlxalq Multikulturalizm Mərkəzinin icraçı direktoru vəzifəsinə təyin edilmişdir.[3]
Əsərləri[redaktə | mənbəni redaktə et]
Bu zamana qədər onun Almaniya Federativ Respublikasında “Məktəblərdə narkotik və alkoqolun yayılmasının cinayət hüquqi aspektləri” və “Azərbaycan və Almaniyada mütəşəkkil cinayətkarlıq” başlıqlı elmi araşdırmaları Almaniyada kitab şəklində nəşr edilmişdir.
Ailəsi[redaktə | mənbəni redaktə et]
Ailəlidir. Bir övladı var.
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ Rəvan Həsənov
- ↑ "BBMM-İN İCRAÇI DİREKTOR ƏVƏZİ RƏVAN HƏSƏNOV". 2020-08-13 tarixində orijinalından arxivləşdirilib. İstifadə tarixi: 2019-02-14.
- ↑ "R.V.HƏSƏNOVUN BAKI BEYNƏLXALQ MULTİKULTURALİZM MƏRKƏZİNİN İCRAÇI DİREKTORU TƏYİN EDİLMƏSİ HAQQINDA AZƏRBAYCAN RESPUBLİKASI PREZİDENTİNİN SƏRƏNCAMI". 2019-02-14 tarixində orijinalından arxivləşdirilib. İstifadə tarixi: 2019-02-14.