Rafil İmanov

Vikipediya, azad ensiklopediya
Jump to navigation Jump to search
Rafil İmanov
Rafil Cəlal oğlu İmanov
Rafil İmanov.jpg Rafil Cəlal oğlu İmanovRiyaziyyatçı, Azərbaycan Respublikasının Əməkdar müəllimi, pedaqoq.
Şəxsi məlumatlar
Təhsili Gəncə Dövlət Pedaqoji İnstitutu
İxtisası Riyaziyyatçı
Doğum tarixi 12 noyabr 1949(1949-11-12)
Doğum yeri Goranboy, Azərbaycan
Vəfat tarixi 1 sentyabr 2014 (64 yaşında)
Vəfat yeri Bakı, Azərbaycan
Dəfn yeri Bakı, Azərbaycan
Atası İmanov Cəlal
Anası İmanova (Məmmədova) Qutayə
Həyat yoldaşı İmanova Gülbəniz
Uşaqları İmanova Qutayə, İmanova Turan, İmanov Sədi, İmanova Şəhrizad, İmanova Nərimanə

Mükafatları none<nowiki>
Rafil İmanovun babası-Məşədi Nağı, (1890-1933) dövrünün ziyalısı olub, fars, ərəbtürk dillərini bilmiş, Gəncəbasar qazisinin Faxralı kəndi üzrə nümayəndəsi olmuş, Sovet dövründə isə kolxozda mühasib işləmişdir

Rafil Cəlal oğlu İmanov (12 noyabr 1949 - 1 sentyabr 2014, Goranboy rayonu, Azərbaycan) — riyaziyyatçı, əməkdar müəllimpedaqoq.

Həyatı[redaktə | əsas redaktə]

Rafil Cəlal oğlu İmanov 1949-cu ildə noyabrın 12-də Goranboy rayonunun (keçmiş Qasım İsmayılov) Faxralı kəndində sadə kəndli ailəsində anadan olub. 1956-1966-cı illərdə Faxralı kənd orta məktəbində oxuyub.1966-1970-ci illərdə H.Zərdabi adına Gəncə Dövlət Pedaqoji İnstitutunun Riyaziyyat fakultəsində təhsil alıb və həmin institutu bitirib.1970-1977-ci illərdə Balakən rayonunda müəllimlikdən direktor müavinliyi vəzifəsinədək yüksəlib. Ailəlidir. Beş övladı var.

Pedaqoji fəalliyətləri[redaktə | əsas redaktə]

1978-ci ildən etibarən müvafiq olaraq Bakı şəhərinin 116, 48, 245 saylı məktəblərində riyaziyyat müəllimi işləyib.1991-1992-ci illərdə “Gələcək Zəkalar” liseyini yaradıb.1992-1993-cü illərdə Bakı şəhəri Xətai rayonu Təhsil Şöbəsinin müdiri vəzifəsində çalışıb.Həyatının sonuna kimi yaratdığı 287 saylı “Zəkalar” liseyində müəllim vəzifəsində fəaliyyət göstərmişdir.

1982-ci ildən test metodikasını tətbiq etməyə başlamışdır. Hər il şagirdləri riyaziyyat olimpiadasının rayon, şəhərRespublika turlarında, Respublika səviyyəli yarışlarda, intellektual televiziya yarışlarında uğurla çıxış edirlər. Məzunlarından hər il 90-100%-i ali məktəblərə daxil olur. Metodist və ali kateqoriyalı müəllimdir. 1992-2001-ci ildə TQDK-da ekspert kimi çalışmışdır. 20-dən artıq elmi-metodik məqalənin müəllifidir. “İlin müəllimi” və “Pedaqoji mühazirə”nin qalibi olmuşdur.

Rafil müəllim riyaziyyat dərsliklərinin hazırlanmasında yaxından iştirak edib. Dəfələrlə “Çevrə” dərgisində və “Azərbaycan müəllimi” qəzetində məqalələri çap olunub. 2008-ci ildə şagirdləri ilə birlikdə əyləncəli “287-Zəkalar” adlı kitabı çap etdirib. 2010-cu ildə “Həndəsənin inciləri” və “Sahələr metodu” kitabçalarını hazırlamışdır.

Rafil müəllim “Zəkalar” liseyini yaratmaqla Vətəni və xalqı qarşısındakı ən böyük xidmətini edib.

Mükafatlar[redaktə | əsas redaktə]

Gördüyü işlər[redaktə | əsas redaktə]

Rafil müəllimin pedaqoji fəaliyyətinin əsasını yarışçılıq, pedaqoji əməkdaşlıq, şagirdlərin özünü təsdiq etməsi, özünə inam yaratması ideyası təşkil edir. O, hər il “ZƏKA” yarışını keçirərək Azərbaycanın hər bölgəsindən istedadlı uşaqları tapıb üzə çıxardır. Onlara riyaziyyatı öyrətməklə yanaşı, düşünməyi, analiz etməyi, həyatda uğur qazanmağın, qalib olmağın yollarını öyrədir. Onun dərs dediyi şagirdlərin səsi təkcə Respublikanın Ali məktəblərindən deyil, onların sorağı Amerikadan, Almaniyadan, İngiltərədən, Fransadan, Rusiyadan, Türkiyədən və dünyanın neçə-neçə tanınmış elm ocaqlarından gəlir.

İstinadlar[redaktə | əsas redaktə]

Azərbaycanlı gənclərin ideal müəllimi olmuş Rafil İmanov haqqında "Sayların İşığı" kitabı 2016-cı ildə nəşr edilmişdir. Ancaq onun müəllim ömrü bir kitaba sığmaz. Hər bir şagirdinin həyatında Rafil Müəllim salnaməsi var.

Xarici keçidlər[redaktə | əsas redaktə]

  1. "Zəkalar" liseyi
  2. Rafil Imanov facebook səhifəsi
  3. Azərbaycan müəllimi