Rafiq Məmmədov

Vikipediya, azad ensiklopediya
Jump to navigation Jump to search
Rafiq Məmmədov
Rafiq İslam oğlu Məmmədov
Rafiq Məmmədov.jpg
Doğum tarixi (65 yaş)
Doğum yeri Yuxarı Körpülü, Barana rayonu, Ermənistan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Elm sahəsi coğrafiyaçı
Elmi adı Müasir Təhsil Kompleksində Tarix-Coğrafiya kafedrasının müdiri
İş yeri Müasir Təhsil Kompleksi
Mükafatları "Tərəqqi" medalı “Əməkdar müəllim”

Rafiq Məmmədov — coğrafiyaçı.[1] Əməkdar müəllim. Bir sıra dərsliyin müəllifi.

Həyatı[redaktə | mənbəni redaktə et]

Rafiq İslam oğlu Məmmədov 1957-ci il mart ayının 29-da Qərbi Azərbaycanın Yuxarı Körpülü kəndində anadan olmuşdur. 1975-1977-ci illərdə hərbi xidmətdə olmuşdur. 1980-ci ildə Azərbaycan Dövlət Pedaqoji Universitetinin Coğrafiya fakültəsinə daxil olmuş, 1984-cü ildə həmin fakültəni bitirmişdir.

1984-1991-ci illərdə Saatlı rayonunun Bəylik orta məktəbində tədris işləri üzrə direktor müavini vəzifəsində çalışmış və 1991-ci ildən Bakı şəhəri Binəqədi rayonunun Ə.Şıxlinski adına 135 saylı orta məktəbində müəllim kimi əmək fəaliyyətini davam etdirmişdir.

1997-ci ildən TQDK-nın coğrafiya fənni üzrə ekspert şurasının üzvüdür. TQDK-da ali və orta ixtisas məktəblərində qəbul imtahanları üçün Coğrafiya proqramlarının hazırlanmasında müəllif kimi iştirak edir. 1999-2002-ci illərdə Tələbə Qəbulu üzrə Dövlət Komissiyasının nəzdindəki “Abituriyent” hazırlıq kursunda müəllim kimi fəaliyyət göstərmişdir.

2002-2016-cı illərdə Azərbaycan Respublikasının Prezidenti yanında Dövlət Qulluğu Məsələləri üzrə Komissiyada Coğrafiya üzrə Təlim rəhbəri kimi fəaliyyət göstərmişdir.

2001-ci ildən Heydər Əliyev adına Müasir Təhsil Kompleksinin Coğrafiya kafedrasında baş müəllim, 2004-cü ildən Coğrafiya kafedrasının müdiri, 2015-ci ildən Tarix-Coğrafiya kafedrasının müdiri vəzifəsində çalışır.

Azərbaycan Respublikası Təhsil Nazirliyinin Elmi-Metodiki Şurasının Coğrafiya bölməsinin və Azərbaycan Coğrafiya Cəmiyyətinin üzvüdür

2006-2012-ci illərdə Azərbaycan Respublikasının Təhsil Nazirliyinin Manitorinq və Qiymətləndirmə şöbəsində Coğrafiya fənni üzrə ekspert, 2009-2013-cü illərdə Azərbaycan Respublikası Təhsil Nazirliyi Təhsil Sektorunun İnkişafı üzrə İkinci Layihədə " Məsləhətçi " kimi fəaliyyət göstərmişdir.

Ailəlidir. İki oğlu var.

Nəşrlər [redaktə | mənbəni redaktə et]

Azərbaycan Respublikası Təhsil Nazirliyinin və TQDK-nın aşağıda göstərilən nəşrlərində:

  • 5-ci sinif “Təbiətşünaslıq” dərslik – Müəllif
  • 5-ci sinif “Təbiətşünaslıq” Test tapşırıqları dərs vəsaiti - Elmi redaktor
  • 5-ci sinif "Təbiətşünaslıq" İş dəftəri - Eimi redaktor
  • 6-cı sinif  “Fiziki coğrafi atlas” dərs vəsaiti – Müəllif
  • 6-cı sinif "Coğrafiya üzrə Kontur xəritələr" dərs vəsaiti - Layihə rəhbəri
  • 7-ci sinif “Materiklərin və okeanların fiziki coğrafiyası” dərslik – Müəllif
  • 7-ci sinif "Coğrafiya üzrə Kontur xəritələr" dərs vəsaiti - Layihə rəhbəri
  • 7-ci sinif TQDK Test tapşırıqları. dərs vəsaiti - rəyçi
  • 8-ci sinif “Azərbaycan Respublikasının Coğrafi atlası” dərs vəsaiti - Müəllif
  • 8-ci sinif "Azərbaycan Respublikasının coğrafiyası üzrə Kontur xəritələr" dərs vəsaiti - Layihə rəhbəri
  • 9-cu sinif TQDK Test tapşırıqları “Dünyanın iqtisadi və sosial coğrafiyası” dərs vəsaiti – Müəllif
  • 10-cu sinif “Yerşünaslıq” dərslik – Rəyçi
  • 11-ci sinif “Türk dünyasının coğrafiyası” dərslik – Metodik cəhətdən işləyən
  • 11-ci sinif “Buraxılış imtahanlarının test bankı” dərs vəsaiti – Müəllif
  • “İzahlı coğrafiya terminləri” dərs vəsaiti – Müəllif
  • “Toponimika” (coğrafi adlar) dərs vəsaiti – Müəllif
  • 5-11-ci siniflər “Coğrafiya” proqramı  – Müəllif
  • 5-11-ci siniflər “Ümumtəhsil fənləri üzrə seçmə fənlər” metodik vəsaiti – Müəllif
  • 6-11-ci siniflər “Coğrafiya” proqramı - Müəllif
  • TQDK "Coğrafiya" dərs vəsaiti - Rəyçi
  • TQDK "Coğrafiya test toplusu 1994-2015" dərs vəsaiti - Müəllif kimi iştirak etmişdir.

Heydər Əliyev adına Müasir Təhsil Kompleksindəki fəaliyyəti[redaktə | mənbəni redaktə et]

2001-ci ildən Heydər Əliyev adına Müasir Təhsil Kompleksində Coğrafiya kafedrasında baş müəllimi, 2004-cü ildən Coğrafiya kafedrasının müdiri, 2015-ci ildən isə bu kompleksin Tarix-Coğrafiya kafedrasının müdiri vəzifəsində çalışır.

Heydər Əliyev adına Müasir Təhsil Kompleksinin aşağıda göstərilən dərsliklərində:

  • 1-ci sinif “Ailə və məktəb” dərslik – Müəllif
  • 2-ci sinif “Vətən təbiəti” dərslik  – Müəllif
  • 3-cü sinif “Dünya və biz” dərslik – Müəllif
  • 4-cü sinif “Qitələrin təbiəti” dərslik – Müəllif
  • “Zəka” Elmi-metodiki jurnalında - Redaktor kimi fəaliyyət göstərmişdir.

Fəxri adlar[redaktə | mənbəni redaktə et]

  • 1985-ci il 25 iyul tarixində SSRİ Maarif Nazirinin 41203 nömrəli əmri ilə “Fəxri fərman”la təltif olunmuşdur.
  • 1997-ci ildə “Ən yaxşı metodbirləşmə rəhbəri” respublika müsabiqəsinin qalibi olmuşdur.
  • 2007-ci il 04 oktyabr tarixində Azərbaycan Respublikası Təhsil Nazirinin 1029 nömrəli əmri ilə “Azərbaycan Respublikası qabaqcıl təhsil işçisi” döş nişanı ilə təltif olunmuşdur.
  • Azərbaycan Respublikası Prezidentinin 19 avqust 2008-ci il tarixli sərancamı ilə “Ən yaxşı müəllim” müsabiqəsinin qalibi olmuşdur.
  • Azərbaycan Respublikası Prezidentinin 2009-cu il 30 sentyabr tarixli 505 nömrəli sərəncamı ilə Azərbaycan Respublikasının “Tərəqqi” medalı ilə təltif olunmuşdur.[2]
  • Azərbaycan Respublikası Prezidentinin 6 avqust 2013-cü il tarixli 3044 nömrəli sərəncamı ilə " Ən yaxşı müəllim " müsabiqəsinin qalibi olmuşdur (2-ci dəfə).
  • 2013-cü ildə Azərbaycan Respublikası " Təhsil " Mərkəzinin müsabiqə nəticələrinə görə “XXI əsrin ziyalısı” fəxri mükafatına layiq görülmüşdür.
  • Azərbaycan Respublikası Prezidentinin 2014-cü il 30 sentyabr tarixli sərəncamı ilə Azərbaycan Respublikasının “Əməkdar Müəllim”i fəxri adı ilə təltif olunmuşdur.[3]

İstinadlar[redaktə | mənbəni redaktə et]

  1. https://bakimektebleri.edu.az/135/az/teachers/5
  2. "Arxivlənmiş surət". 2016-11-17 tarixində orijinalından arxivləşdirilib. İstifadə tarixi: 2016-11-07.
  3. http://m.apa.az/az/sosial_xeberler/azerbaycan-prezidenti-tehsil-iscilerini-teltif-edib-siyahi[ölü keçid]