Rahilə Ginzburq

Vikipediya, azad ensiklopediya
Jump to navigation Jump to search
RAHİLƏ GİNZBURQ
Rahilə Solomon qızı Ginzburq
Rahilə Ginzburq.jpg
Digər adı

Rəhil Ginzburq

Raxil Ginzburq
Doğum tarixi 1 iyun 1920(1920-06-01)
Doğum yeri Bakı
Vəfat tarixi 6 dekabr 1995 (75 yaşında)
Vəfat yeri Bakı
Vətəndaşlığı
Peşəsi Aktrisa

Ginzburq Rahilə Solomonovna (1 iyun 1920(1920-06-01), Bakı6 dekabr 1995(1995-12-06), Bakı) – Aktrisa, Azərbaycan Respublikasının xalq artisti (1964) [1]

Həyatı[redaktə | əsas redaktə]

Rahilə Ginzburq 1 iyun 1920-ci ildə Bakı şəhərində neftçi Süleyman Ginzburqun ailəsində anadan olmuşdur. 1937-ci ildə Bakı Teatr Kollecinin aktyorluq fakültəsinə daxil olan aktrisa 1941-ci ildə buradan məzun olur. 1938-ci ildə, hələ 18 yaşında olarkən Rahilə xanım Gənc Tamaşaçılar Teatrının gənc rejissoru Azərbaycanın əməkdar incəsənət xadimi Məhərrəm Aşumovla tanış olur. Həmin il Aşumov Rahilə Ginzburqun ailəsinə elçi göndərir. Bu zaman Rahilə xanım ailəsi ilə birlikdə indiki Dilarə Əliyeva küçəsindəki mütəxəssislər binasının 5-ci mərtəbəsində yaşayırdı. Cütlüyün bu evlilikdən Tamilla adlı qızları dünyaya gəlmişdir. Tamilla Aşumova 70-80-ci illərdə Azərbaycan Televizyasının məşhur jurnalistlərindən biri olmuşdur.

Fəaliyyəti[redaktə | əsas redaktə]

Rahilə Ginzburq səhnə fəaliyyətinə 1941-ci ildən başlamış, 1943-cü ildən Azərbaycan Dövlət Rus Dram Teatrının aktrisası olmuşdur.

Aktrisanın teatr səhnəsində ifa etdiyi məşhur rolları:

  • Nina ("Maskarad", M.Lermontov)
  • Negina ("İstedadlar və pərəstişkarlar", A.Ostrovski)
  • İrina ("Üç bacı", A.Çexov)
  • Polya, Liza ("Meşşanlar", "Günəşin övladları", M.Qorki)
  • Valya, Lidiya ("İrkutsk əhvalatı", "Köhnə dəbli komediya", A.Arbuzov)
  • Sofiya ("Ağıldan bəla", A.Qriboyedov)
  • Mariya Stüart ("Mariya Stüart", F.Şiller)
  • Epifaniya, Eliza ("Milyonçu xanım", "Piqmalion", B.Şou)
  • Katarina ("Şıltaq qızın yumşalması", Şekspir)
  • Şirin ("Fərhad və Şirin", S.Vurğun)
  • Gülnar ("Səadət düşmənləri" Səməd Vurğun)
  • Gültəkin ("Aydın", C.Cabbarlı)
  • Klitemnestra ("Mənim məhəbbətim Elektra", L.Dürko)
  • Nelli ("Alçaldılmış və təhqir olunmuşlar", F.Dostoyevski)
  • Sara Bernar ("Lanqust gülüşü", C.Marrel)

Filmoqrafiya[redaktə | əsas redaktə]

  1. Körpə (film, 1962)
  2. Kənar adamlar (film, 1992)

İstinadlar[redaktə | əsas redaktə]

  1. Azərbaycan Qadın Ensiklopediyası. Bakı: Azərbaycan Milli Ensiklopediyası nəşriyyatı. 2002. səh. 22.

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı