Rahim Əliyev

Vikipediya, azad ensiklopediya
Jump to navigation Jump to search
Rahim Əliyev
Rahim Əhməd oğlu Əliyev
Polkovnik Rahim Əliyev.jpg
Şəxsi məlumatlar
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Coat of arms of the Azerbaijani Armed Forces.png A.R. Silahlı Qüvvələri
Qoşun növü Azərbaycan Respublikası Quru Soşunları.png A. R. Quru Qoşunları
Rütbə
Təltifləri "Vətən uğrunda" medalı "İgidliyə görə" medalı "Qüsursuz xidmətə görə" II dərəcəli medalı "Qüsursuz xidmətə görə" III dərəcəli medalı "Azərbaycan Silahlı Qüvvələrinin 10 illiyi" yubiley medalı "Azərbaycan Silahlı Qüvvələrinin 90 illiyi" yubiley medalı "Azərbaycan Silahlı Qüvvələrinin 95 illiyi" yubiley medalı

Rahim Əhməd oğlu Əliyev - 1967-ci ildə Lənkəran şəhərində anadan olmuşdur. Cəmşid Naxçıvanski adına hərbi liseyi bitirmişdir. Hərbi liseyi bitirdikdən sonra Ukrayna Ali Hərbi Akademiyasında təhsilini davam etdirmişdir. Ali Hərbi Akademiyanı bitirdikdən sonra, bir müddət Almaniyada təhsilini davam etdirir.[1] Qarabağ müharibəsi zamanı könüllü şəkildə ordu sıralarına qoşulur və Ağdamın Cəvahir kəndində istehkamçılar üçün təlim yeri yaradır. Uzun müddət Azərbaycan Silahlı Qüvvələrinin tərkibində fəaliyyət göstərib. Polkovnik Rahim Əliyev Azərbaycanın ilk mühəndis-istehkamçılarından olub.1992-ci ildə Fred Asifin yaratdığı 859 saylı hərbi hissədə erməni işğalçılarına qarşı döyüşlərdə iştirak edib. Ağdərədən tutmuş Füzuliyə qədər neçə-neçə əməliyyatda iştirak edib. Rahim Əliyev Fred Asiflə bağlı verdiyi müsahibə bildirirdi:[2]

" Mən bu insanda kiminsə xoşuna gəlməyəcək, kiminsə xətrinə dəyəcək bir hərəkət görməmişəm. Haqq insanı idi. "

Rahim Əliyevin müstəqil Azərbaycanın ordu quruculuğunda çox böyük fəaliyyəti olmuşdur.Polkovnik Rahim Əliyev Aprel döyüşləri zamanı Lələtəpənin işğaldan azad olunmasında fəal iştirak etmişdir. Fred Asifin qardaşı Ədalət Məhərrəmov aprel döyüşlərindən danışarkən Rahim Əliyevi belə xatırlayır:

" Aprel döyüşlərində Rahim Füzulidə idi, səngərdə görüşdük. O günlərdə bir saat belə yatmadı. Əsgərlərlə çiyin-çiyinə döyüşürdü... Rahim akademiya idi. "

Aprel döyüşlərində fəal iştirakına görə Prezident İlham Əliyev tərəfindən "Vətən Uğrunda" medalı ilə təltif edilmişdir.[2] O, həmçinin sağlığında "İgidliyə görə" medalı ilə təltif edilmişdir.[3] Qarabağ qazisi Rey Kərimoğlu onun haqqında bildirirdi:[4]

" Batalyonun ən savadlı və ən etibarlı zabitlərindən idi...Ağdərədən tutmuş Füzuliyə qədər neçə-neçə əməliyyatda iştirak edib, ölümün pəncəsindən sağ çıxmışdı. "

Vəfatı[redaktə | əsas redaktə]

Rahim Əliyev təlim mərkəzlərinin birində məşğələ keçirilən zaman bədbəxt hadisə nəticəsində dünyasını dəyişmişdir. Polkovnik Rahim Əliyev Bakıda, “Qurd Qapısı“ deyilən ərazidə - hərbçilərin qəbiristanlığında torpağa tapşırılıb. Dəfndə  müdafiə nazirinin müavini general- leytenant Kərim Vəliyev, general-mayor Rasim Əliyev, polkovnik Abdulla Qurbani, nazirliyin mətbuat xidmətinin rəhbəri polkovnik Vaqif Dərgahlı iştirak ediblər.[5]

İstinadlar[redaktə | əsas redaktə]

  1. Fred Asifin qardaşı şəhid polkovnikdən nələr danışdı - axar.az
  2. 1 2 Lələtəpənin alınmasında iştirak edən polkovnik dünyasını dəyişdi - Femida.az
  3. Azərbaycan qazilərinə örnək polkovnikin dəfni - İstipress
  4. Polkovnik Rahim Əliyevin dəfnindən özəl reportaj - Qazilər İnformasiya Portalı
  5. Azərbaycan ordusunun zabiti həlak oldu - Basta İnfo