Rahim Tağıyev

Rahim Tağıyev
Rahim Qara oğlu Tağıyev
Doğum tarixi	10 noyabr 1979(1979-11-10)
Doğum yeri	Mingəçevir, Azərbaycan
Vəfat tarixi	10 iyul 2016 (36 yaşında)
Vəfat yeri	Bakı, Azərbaycan
Vətəndaşlıq	Azərbaycan
Mənsubiyyəti	A.R. Silahlı Qüvvələri
Qoşun növü	A. R. Quru Qoşunları
Rütbə	Gizir
Təltifləri

Rahim Qara oğlu Tağıyev (d. 10 noyabr 1979; Mingəçevir, Azərbaycan - ö. 10 iyul 2016; Bakı, Azərbaycan) — Azərbaycan Silahlı Qüvvələrinin giziri. 2016-cı ildə Aprel döyüşləri zamanı şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.

Həyatı

Rahim Tağıyev 1979-cu ilin 10 noyabr günündə Mingəçevir şəhərində anadan olub. Rahim Tağıyev Vüsalə xanım ilə ailəli idi, iki oğul və bir qız övladı yadigar qalıb; Ülkər, Nihat və Nicat.

Hərbi xidməti

Rahim Tağıyev 2016-cı ilin aprel ayında Azərbaycan-Ermənistan təmas xəttində baş verən atışma zamanı ağır yaralandı. Başından qəlpə yarası alan Rahim Tağıyev Bakı şəhərində yerləşən Silahlı Qüvvələrin Baş Klinik Hospitalında ölüm ilə mübarizə apardı. Üç dəfə cərrahi əməliyyat olunan Rahim Tağıyev 3 ay 7 gün koma vəziyyətində qalsada, sonda iyulun 10-u şəhid oldu.

Elə həmin gün, iyulun 10-u Rahim Tağıyev doğulduğu Mingəçevir şəhərində, Şəhidlər Xiyabanında son mənzilə yola salındı. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və gizir Tağıyev uğrunda şəhid olduğu torpağa tapşırıldı.