Ralf Fayns

Vikipediya, açıq ensiklopediya
Jump to navigation Jump to search
Ralf Nataniel Fayns
Ralph Nathaniel Twisleton-Wykeham-Fiennes
Ralph Fiennes cropped.jpg
Nyu-York 2006-cı il

Doğum tarixi 22 dekabr 1962 (1962-12-22) (56 yaş)
Doğum yeri Saffolk, İngiltərə
Həyat yoldaşı Aleks Kinqston (1993-1997)
Partnyoru Francesca Annibali[d]
Atası Mark Fiennes[d]
Anası Jennifer Lash[d]
Vətəndaşlığı İngilis
Peşəsi Aktyor
Təhsili Chelsea College of Art and Design[d], Royal Academy of Dramatic Art[d][1], St Kieran's College[d], Newtown School, Waterford[d]Bishop Wordsworth's School[d]
Fəaliyyət illəri 1990-indiyədək
Mükafatları BAFTA (1993)
IMDb: ID 0000146
Commons-logo.svg Ralf Fayns Vikianbarda

Ralf Fayns (ing. Ralph Nathaniel Twisleton-Wykeham-Fiennes; 22 dekabr, 1962-ci il, Saffolk, İngiltərə) — britaniyalı aktyor. İki dəfə Oskar mükafatına nominant görtərilib. İştirak etdiyi ən məşhur film demək olar ki, Harri Potter silsilə romanları əsasında çəkilən Harri Potter filmidir. Burada o ən mənfi obrazı, yəni kinoda əsas düşmən obrazını yaradır.

Həyatı[redaktə | əsas redaktə]

Ralf Nataniel Fayns 22 dekabr 1962-ci ildə, fotoqraf Mark Fayns və yazıçı Cennifer Laşın ailəsində, Saffolkda, İngiltərədə anadan olub. Ralf altı uşaq arasında ən böyüyü idi. Ondan başqa, bacıları Marta və Sofi, qardaşı Cozef də öz karyeralarını kinoya bağlayıblar.

Fayns ailəsinin kökü orta əsrlərədək uzanır və ata xətti üzrə aktyorun 20 nəsil əcdadlarının adları məlumdur.

Ralf Fayns Çelsi Teatr Sənəti Kollecində və Dram Sənəti Kral Akademiyasında təhsil alıb. Feyns və gələcək həyat yoldaşı A. Kinqston Dram Sənəti Kral Akademiyasında tanış olmuşdular. Ancaq Ralfla aktrisa Françeska Ennis arasındakı uzunmüddətli münasibətlər nəticədə onların ayrılmasına səbəb olmuşdu. Ötən əsrin 60-cı illərində Cimi Hendrikslə yaxın münasibətlərdə olduğu bilinən Françeska Ennis aktyordan düz 17 yaş böyük idi.

Karyerası[redaktə | əsas redaktə]

1987-ci ildə Birləşmiş Krallıq Milli Teatrının aktyoru olan Ralf, 1988-ci ildə Şekspir Kral Teatrının truppasına daxil olur.

Aktyor əvvəlcə bir neçə televiziya filminə çəkilib və "Təhlükəli adam: Lourens Ərəbistandan sonra" Britaniya telefilmində baş rola çəkilərək geniş publika tərəfindən tanınıb. Sonra isə o, "İldırımlı aşırım", P. Qrinueyin "Makonun uşağı" və S. Spilberqin "Şindlerin siyahısı" filmlərində rol alıb. 1993-cü ildə ekranlara çıxan film ("Şindlerin siyahısı") Ralf Faynsı dünyamiqyaslı ulduza çevirdi. R. Redfordun "Televiktorina" filminin çəkilişlərindən sonra, 1996-cı ildə Oskar mükafatına layiq görülmüş "İngilis pasienti" filminin zəfər qazanması onu daha da populyar etdi.

1997-ci ildə "Empire" jurnalı bu dəfə Ralfı "Bütün dövrlərin 100 kinoulduzu" siyahısına saldı. Puşkinin "Yevgeni Onegin" poeması 1999-ci ildə ekranlaşdırılarkən aktyor baş rolda oynayıb.

  1. https://www.rada.ac.uk/profiles?aos=acting&yr=1985&fn=ralph&sn=fiennes