Ramilə Kaştayeva

Vikipediya, açıq ensiklopediya
(Ramilə Yusubova səhifəsindən istiqamətləndirilmişdir)
Jump to navigation Jump to search
Judo pictogram.svg Ramilə Kaştayeva
Şəxsi məlumatları
Tam adı Ramilə Şahvələd qızı Kaştayeva
Vətəndaşlığı Azərbaycan
Doğum tarixi 28 iyul 1987 (1987-07-28) (32 yaş)
Doğum yeri Tbilisi, Gürcüstan SSR
Məşqçisi İbadulla Şabanov
Boyu 168 sm
Çəkisi 63 kq
İdman növü Paracüdo
Ağırlıq dərəcəsi 70 kq

Ramilə Kaşdayeva (qızlıq soyadı: Yusubova; doğ. 28 iyul 1987, Tbilisi, Gürcüstan SSR) — Azərbaycan paracüdoçusu, keçmiş cüdoçu, Azərbaycan Dövlət Sərhəd Xidmətinin giziri.[1] Cüdo üzrə idman ustası, 2010-cu il dünya çempionatının bürünc mükafatçısı.

Karyerası[redaktə | əsas redaktə]

Ramilə Kaştayeva beynəlxalq səviyyədə ilk uğurunu 2003-cü ildə qazanıb. O, Bakı şəhərində keçirilmiş yeniyetmə cüdoçuların Avropa çempionatında iştirak etmiş və 63 kq çəki dərəcəsində qızıl medal qazanmışdır.[2]

2005-ci ildə Azərbaycan çempionatında 63 kq çəki dərəcəsində ikinci yerə çıxıb.[3]

2006-cı ildə 23 yaşadək gənclər arasında Azərbaycan birinciliyində ikinci yerə çıxıb.[4]

20062009-cu illərdə 23 yaşadək gənclər arasında Avropa çempionatında bürünc medal qazanıb.[5][6]

2008-ci ildə 63 kq, 2013-cü ildə isə 70 kq çəki dərəcəsində Azərbaycan çempionu olub.[7][8]

2010-cu ildə Tokio şəhərində keçirilmiş dünya çempionatında bürünc medal qazanıb.[9]

2012-ci il London Yay Olimpiya Oyunlarında ölkəsini 63 kq-a qədər çəki dərəcəsində təmsil edib. İlk görüşündə türkmənistanlı Gülnar Haytbayevanı 1 vazari və 1 yuka xalı ilə məğlub edib.[10] İkinci görüşündə cənubi koreyalı Da-Vun Younqa ippon fəndiylə[11] məğlub olaraq mübarizəni dayandırıb.[12]

2017 İslam Həmrəyliyi Oyunlarında paracüdo yarışlarında iştirak edib. 1/2 final mərhələsində Özbəkistan təmsilçisi Gülruh Rəhimovanı 5 saniyəyə ippon fəndiylə üstələyib.[13] Final görüşündə digər Azərbaycan cüdoçusu Turanə Ağayevaya ipponla qalib gələrək qızıl medala sahib olub.[14]

İstinadlar[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]