Rasim Əliquliyev

Vikipediya, azad ensiklopediya
Jump to navigation Jump to search
Rasim Əliquliyev
Rasim Məhəmməd oğlu Əliquliyev
Rasim Alg.2019.jpg
Doğum tarixi 20 yanvar 1958(1958-01-20) (63 yaş)
Doğum yeri
Vətəndaşlığı
Elm sahəsi informasiya texnologiyaları
Elmi dərəcəsi texnika elmləri doktoru
Elmi adları AMEA-nın həqiqi üzvü,[1] professor
İş yerləri AMEA-nın Rəyasət Heyəti Mərkəzi Aparatı,[2] AMEA İnformasiya Texnologiyaları İnstitutu.
Təhsili Azərbaycan Politexnik İnstitutu
Üzvlüyü
Mükafatları "Tərəqqi" medalı — 2009
rasim.az
Vikianbarın loqosu Vikianbarda əlaqəli mediafayllar

Rasim Məhəmməd oğlu Əliquliyev (20 yanvar 1958, Bərdə rayonu) — texnika elmləri doktoru, professor, Azərbaycan Milli Elmlər Akademiyasının (AMEA) həqiqi üzvü.[2]
AMEA-nın vitse-prezidenti, AMEA İnformasiya Texnologiyaları İnstitutunun direktoru.[3]

Həyatı[redaktə | mənbəni redaktə et]

Rasim Məhəmməd oğlu Əliquliyev 20 yanvar 1958-ci ildə Azərbaycan Respublikası Bərdə rayonunda anadan olmuşdur.[4] 1979-cu ildə Ç. İldırım adına Azərbaycan Politexnik İnstitutunun (indiki Azərbaycan texniki Universiteti) "Avtomatika və hesablama texnikası" fakültəsini "Elektron hesablama maşınları" ixtisası üzrə bitirmişdir. 1979–1986-cı illərdə Azərbaycan Elmlər Akademiyası (AEA) Kibernetika İnstitutunda mühəndis, böyük mühəndis, komsomol katibi vəzifələrində çalışmış və aspiranturada təhsil almışdır. 1986-cı ildə AEA Avtomatlaşdırılmış İdarəetmə Sistemləri Şöbəsinə köçürülmüş: böyük mühəndis, aparıcı mühəndis, "Respublika hesablama mərkəzləri və verilənlərin ötürülməsi şəbəkəsi" layihəsinin baş mühəndisi, təşkilatın baş mühəndisi – direktor müavini vəzifələrində işləmişdir. 2002-ci ildən Azərbaycan Milli Elmlər Akademiyası (AMEA) İnformasiya Texnologiyaları İnstitutunun direktorudur. Texnika elmləri doktoru, professor, AMEA-nın həqiqi üzvüdür. 2013–2019-cu illərdə AMEA-nın akademik-katibi işləmişdir. 2019-cu ildə AMEA-nın vitse-prezidenti seçilmişdir. Azərbaycan Respublikası Prezidentinin fərmanı ilə 2009-cu ildə "Tərəqqi" medalı ilə təltif olunmuşdur.[5]

Ailəlidir: 1 qızı və 1 oğlu var.

Elmi fəaliyyəti[redaktə | mənbəni redaktə et]

  • 2007-ci ildə "İnformatika" ixtisası üzrə AMEA-nın müxbir üzvü seçilmişdir.
  • İnstitutun "İnformasiya cəmiyyəti və texnologiyalarının aktual problemləri" seminarının rəhbəridir.
  • R.Əliquliyevin rəhbərliyi altında 2 elmlər doktoru, 31 fəlsəfə doktoru hazırlanmışdır. Hazırda 8 elmlər doktoru, 15 fəlsəfə doktoru hazırlığı üzrə doktorant və dissertantların elmi rəhbəri və məsləhətçisidir.
  • 2002-ci ildən AMEA İnformasiya Texnologiyaları İnstitutunun direktorudur.
  • 2013–2019-cu illərdə AMEA-nın akademik-katibi işləmişdir.
  • 2019-cu ildə AMEA-nın vitse-prezidenti seçilmişdir.
  • Respublika elmi tədqiqatların təşkili və əlaqələndirilməsi şurasının nəzdində fəaliyyət göstərən "İdarəetmə sistemləri və informatika problemləri" üzrə Problem şurasının sədr müavinidir.
  • İnformasiya texnologiyalarının aktual problemlərinə həsr olunmuş bir sıra beynəlxalq və respublika səviyyəli elmi konfransların və simpoziumların proqram və təşkilat komitələrinin üzvü, seksiyalarının rəhbəri olmuşdur.
  • Azərbaycan Riyaziyyatçılar Cəmiyyətinin vitse-prezidentidir.
  • Uzun müddət Azərbaycan Texniki Universiteti və Azərbaycan Dövlət Neft Akademiyasında professor kimi pedaqoji fəaliyyət göstərərək kompüter sistemləri və şəbəkələrinin yaradılmasının nəzəri və texnoloji əsasları, informasiya cəmiyyətinin formalaşması və informasiya təhlükəsizliyinin təmin olunması mövzuları üzrə bir sıra fənləri tədris etmişdir.
  • 2008-ci ildən Azərbaycanın təhsil sistemində ilk dəfə olaraq Bakı Dövlət Universitetinin "Jurnalistika" fakültəsində "İnformasiya cəmiyyətinin əsasları" fənninin tədrisinin təşəbbüskarı və bir neçə il mühazirəçisi olmuşdur.
  • Respublika üzrə fəlsəfə doktoru hazırlığı çərçivəsində "İnformatika" fənninin tədrisi məqsədilə 2002-ci ildə AMEA İnformasiya Texnologiyaları İnstitutunun nəzdində yaradılmış Tədris-İnnovasiya Mərkəzinin təşkilatçısıdır.
  • Təhsil Nazirliyi tərəfindən həyata keçirilən islahatlar çərçivəsində ali tədris və orta ümumtəhsil məktəblərində "İnformatika" və informasiya texnologiyaları yönümlü digər fənlərin proqramlarının müasir tələblərə uyğunlaşdırılması, elektron dərsliklərin hazırlanması, terminoloji bazanın yeniləşdirilməsi işlərində yaxından iştirak edir və elmi-metodiki məsləhətlər verir
  • "İnformasiya Texnologiyaları Problemləri" və "İnformasiya Cəmiyyəti Problemləri" elmi jurnallarının (Azərbaycan) baş redaktorudur.
    • "International Journal of Convergence Computing" (Çin) beynəlxalq elmi jurnalının baş məsləhətçisi;
    • "Applied and Computational Mathematics" (Azərbaycan) beynəlxalq elmi jurnalının redaksiya heyətinin üzvü;
    • "Azerbaijan Journal of Mathematics" beynəlxalq elmi jurnalının redaksiya heyətinin üzvü;
    • "Телекоммуникации" (Rusiya) elmi jurnalının redaksiya heyətinin üzvü;
    • "AMEA-nın Xəbərləri" elmi jurnalının redaksiya heyətinin üzvü.
  • AMEA İnformasiya Texnologiyaları İnstitutunun nəzdində fəaliyyət göstərən dissertasiya şurasının sədridir.

İctimai-siyasi fəaliyyəti[redaktə | mənbəni redaktə et]

  • Azərbaycan Milli Ensiklopediyasının redaksiya heyətinin üzvüdür.
  • Dünya Azərbaycanlılarının III Qurultayında Dünya Azərbaycanlılarının Əlaqələndirmə Şurasının üzvü seçilmişdir.
  • İnformasiya Təhlükəsizliyi üzrə Koordinasiya Komissiyasının üzvüdür.
  • Bir müddət AMİP üzvü olmuşdur.

Elmi əsərlərin təsnifatı[redaktə | mənbəni redaktə et]

  • Elmi əsərlərin ümumi sayı: 613[6]
  • Jurnal məqalələri: 345

    - xaricdə dərc olunan jurnal məqalələri: 218
    - respublikada dərc olunan jurnal məqalələri: 127

  • Konfrans materialları: 221

     - beynəlxalq səviyyəli konfrans materialları: 165
     - respublika səviyyəli konfrans materialları: 56

  • Monoqrafiyalar: 4
  • Elmi icmallar və broşürlər: 27
  • Dərs vəsaitləri: 9
  • Lüğətlər və ensiklopediyalar: 4
  • İxtiralar və patentlər: 4
  • SCI jurnallarda çap olunan məqalələr: 32[7]
  • Beynəlxalq elmi bazalarda (Thomson Reuters, SCOPUS, ACM, IEEE, DBLP, EBSCO, Google Scholar, INSPEC, The British Library və s.) indeksləşən jurnal və konfrans materiallarında çap olunan məqalələrin sayı: 298
  • İstinadların sayı:scholar.google

İstinadlar[redaktə | mənbəni redaktə et]

  1. "Rasim Əliquliyev". 2018-02-09 tarixində arxivləşdirilib. İstifadə tarixi: 2018-01-25.
  2. 1 2 "Rəyasət Heyəti Mərkəzi Aparatı". 2017-12-28 tarixində arxivləşdirilib. İstifadə tarixi: 2018-01-25. Sitat səhvi: Xətalı <ref> etiketi; "Rəyasət Heyəti Mərkəzi Aparatı" adı bir neçə dəfə müxtəlif məzmunla verilib
  3. "AMEA-nın yeni vitse-prezidenti". 2019-05-01 tarixində orijinalından arxivləşdirilib. İstifadə tarixi: 2019-09-17.
  4. "AMEA-nın yeni vitse-prezidenti seçilib — Rasim Əliquliyev". 2019-05-02 tarixində arxivləşdirilib. İstifadə tarixi: 2019-09-17.
  5. "AMEA-nın yeni vitse-prezidenti kimdir? — DOSYE". 2019-05-04 tarixində arxivləşdirilib. İstifadə tarixi: 2019-09-17.
  6. "scholar.google". 2021-11-16 tarixində arxivləşdirilib. İstifadə tarixi: 2016-03-17.
  7. Xaricdə dərc olunan jurnal məqalələri[ölü keçid]