Məzmuna keç

Rauf Adıgözəlov

Vikipediya, azad ensiklopediya
Rauf Adıgözəlov
Rauf Zülfüqar oğlu Adıgözəlov
Ümumi məlumatlar
Doğum tarixi
Doğum yeri Bakı, Azərbaycan SSR, SSRİ
Vəfat tarixi (61 yaşında)
Vəfat yeri Bakı, Azərbaycan
Vətəndaşlığı SSRİ SSRİ→
Azərbaycan Azərbaycan
Atası Zülfü Adıgözəlov
Musiqiçi məlumatları
Fəaliyyəti müğənni
Fəaliyyət illəri 1965–2002
Musiqi aləti skripka
Təhsili
Mükafatları "Azərbaycan Respublikasının əməkdar incəsənət xadimi" fəxri adı

Rauf Adıgözəlov (tam adı: Rauf Zulfüqar oğlu Adıgözəlov; 22 noyabr 1940, Bakı, Azərbaycan SSR, SSRİ – 29 iyun 2002, Bakı, Azərbaycan) — Azərbaycanlı skripkaçı, müğәnni, professor, Əməkdar incəsənət xadimi (1991). Azərbaycan musiqisində misilsiz xidmətləri olan sənətkar.[1][2]

Həyatı

[redaktə | vikimətni redaktə et]

Rauf Zülfü oğlu Adıgözəlov 1940-cı il noyabrın 22-də Bakıda anadan olub.[1] Onun atası Əməkdar artist, muğam ustası Zülfi (Zülfüqar) Səmədbəy oğlu Adıgözəlov Ağcabədinin Qaradolaq kəndindən idi. [3] Muğam xanəndəsi Zülfü Adıgözəlovun ailəsində dünyaya göz açan Rauf uşaqlıqdan musiqiyə həvəs göstərib.[1] Bu həvəslə 1961-ci ildə Azərbaycan Dövlət Konservatoriyasına daxil olub.[1] İkinci kursda oxuyarkən gənc ifaçıların I Zaqafqaziya müsabiqəsində iştirak edərək diploma layiq görülüb.[1] Müsabiqədə münsiflər heyətinin üzvü, Pyotr İliç Çaykovski adına Moskva Dövlət Konservatoriyasının professoru B.Bondarenkonun məsləhəti ilə həmin təhsil ocağında ifaçılığını daha da təkmilləşdirib. [1] Uzun illər Azərbaycan Dövlət Simfonik Orkestrində konsertmeyster vəzifəsində, 1966-cı ildən isə Azərbaycan Dövlət Kamera Orkestrində çalışıb.[1]

Məlahətli səsə malik Rauf Adıgözəlov mahnı janrının inkişafında da öz xidmətlərini əsirgəməyib.[1] O həm orkestrdə çalışır, kamera ansamblında işləyir, digər tərəfdən bəstəkar mahnıları və romanslarda skripka ilə ifa edirdi.[1] Rauf Adıgözəlov klassik və müasir bəstəkarların əsərlərini özünəməxsus zərifliklə ifa edirdi.[1] Onun radioda müğənni kimi ilk çıxışı 30 oktyabr 1970-ci ildə baş tutub. Rauf Adıgözəlov Azərbaycan Dövlət Konservatoriyasında gənc kadrlarında yetişməsində də böyük kömək göstərmişdi.[1] Burada dosentlikdən professorluğadək yüksəlib.[1]

Daha çox vokal və skripka ifaçısı kimi məşhurlaşan Rauf Adıgözəlov müxtəlif ölkələrdə konsert proqramı ilə çıxış edib.[1] 1996-cı ildə Misir Musiqi Akademiyasına professor kimi dəvət alıb.[1] Bir neçə ildən sonra Bakıya gəlib. 2002-ci il iyunun 29-da vəfat edib.[1]

Ailəsi

[redaktə | vikimətni redaktə et]

Atası muğam xanəndəsi Zülfü Adıgözəlovdur.[1] Böyük qardaşı bəstəkar, Azərbaycan Respublikasının xalq artisti Vasif Adıgözəlovdur.[1][4] Dirijor, xalq artisti Yalçın Adıgözəlovun əmisidir.[1]

İrsi

[redaktə | vikimətni redaktə et]

2003-cü il noyabrın 25-də Bakı Musiqi Akademiyasında Rauf Adıgözəlovun xatirə gecəsi keçirilmişdir.[2] Tədbirdə Adıgözəlovun Azərbaycanı kənarda ölkələrdə də ləyaqətlə təmsil etdiyi vurğulanmışdır.[2] Tədbirin sonunda Bakı Musiqi Akademiyasının müəllim və tələbələrinin ifasında Azərbaycan bəstəkarlarının əsərləri səsləndirilmişdir.[2][4]

Həmçinin 2005-ci ilin yanvar ayında Azərbaycan Bəstəkarlar İttifaqının 70 illiyi münasibətilə Kamera musiqisi festivalı keçirildi.[5] Tədbirdə I hissədə Rauf Adıgözəlovun xatirəsinə həsr olunmuş 11 saylı sonatası səsləndi.[5] Sonatanın ifaçıları Lalə Həsənova (violino) və Fəridə Əhmədbəyova (piano) idi.[5]

Təltif və mükafatları

[redaktə | vikimətni redaktə et]

İstinadlar

[redaktə | vikimətni redaktə et]
  1. 1 2 3 4 5 6 7 8 9 10 11 12 13 14 15 16 17 18 F.Xəlilzadə. Axşamlar günəş batsa da, səhərlər dan yeri ağarır. Şuşanın işğalından 20 il ötür.-Azərbaycan.-2012.-8 may.-S. 10.
  2. 1 2 3 4 5 "MƏRHUM SƏNƏTKAR RAUF ADIGÖZƏLOVUN XATİRƏ GECƏSİ KEÇİRİLMİŞDİR". Mədəniyyət (az.). Azertag.az. 21 noyabr 2003. 6 sentyabr 2019 tarixində arxivləşdirilib. İstifadə tarixi: 18 avqust 2018.
  3. ↑ Şirxan Aranlı,AĞCAB ƏDİ (Ensiklopedik toplu).Bakı,2021.səh. 643
  4. 1 2 3 "MÜĞƏNNİNİN XATİRƏ GECƏSİ". Mədəniyyət (az.). Azertag.az. 26 noyabr 2003. İstifadə tarixi: 18 avqust 2018.
  5. 1 2 3 Sevda Əliqızı, Lalə Hüseynova. "BƏSTƏKARLAR ITTIFAQININ 70 ILLIK YUBILEYINƏ HƏSR OLUNMUŞ KAMERA MUSIQISI FESTIVALI". Azərbaycan Bəstəkarlar İttifaqı (az.). Musigi-dunya.az. 30 yanvar 2005. 22 oktyabr 2017 tarixində arxivləşdirilib. İstifadə tarixi: 18 avqust 2018.

Həmçinin bax

[redaktə | vikimətni redaktə et]

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Rauf_Adıgözəlov&oldid=9009355"