Rauf Məmmədov (mühəndis)

Vikipediya, azad ensiklopediya
Jump to navigation Jump to search
Rauf Məmmədov
Doğum yeri
Fəaliyyəti alim

Məmmədov Rauf Bəhlul oğlu

Həyatı[redaktə | əsas redaktə]

26 sentyabr 1981-ci ildə Gədəbəy rayonunun Göyəlli kəndində anadan olmuşdur. 1999-cu ildə Göyəlli kənd orta məktəbini əla qiymətlərlə bitirərək Azərbaycan Dövlət Neft Akademiyasının Kimya texnologiyası fakultəsinə daxil olmuş və 2003-cü ildə «Neft, qaz və alternativ enerji texnologiyası» ixtisası üzrə bakalavr dərəcəsi almışdır. Elə həmin il ordu sıralarına getmiş və 2004-cü ildə hərbidən tərxis olunmuşdur. 2005-ci ildə Bakı Dövlət Universiteti kimya fakultəsinin magistraturasına daxil olmuşdur. 2007-ci ildə Bakı Dövlət Universitetinin magistraturasını fərqlənmə diplomu ilə bitirərək «Neft və qaz emalı» ixtisası üzrə magistr dərəcəsi almışdır.

28.07.2007-ci ildə təhsildə yüksək nailiyyətlər əldə etdiyinə görə AR Təhsil naziri M.Mərdanov və AR Gənclər və İdman naziri A.Rəhimov tərəfindən «Fəxri fərman»la təltif edilmişdir. 29.07.2007-ci ildə yüksək təhsil göstəriciləri və ictimai fəallığı ilə seçildiyinə görə BDU-nun rektoru, akademik A.M.Məhərrəmov tərəfindən «Fəxri fərman»la təltif edilmişdir. Bundan başqa R.B.Məmmədov 31 oktyabr 2011-ci ildə AMEA NKPİ-nin gənc alimlərin ən yaxşı tədqiqat işlərinin müsabiqəsində II yerə layiq görülmüşdür. Elə həmin il o, 28.07.2012-ci ildə Gənc alimlərin II İnnovativ İdeya Yarmarkası çərçivəsində təşkil olunmuş Elmi İnnovativ İdeyalar Müsabiqəsində uğurlu təqdimatına görə «Diplom»la təltif edilmişdir. Həmçinin 2012-ci ildə ADNA Sənaye Müəssələri İşçilərinin İxtisasartırma və Yenidənhazırlanma İnstitutunu bitirərək «İqtisadçı-menecer» ixtisası almışdır.

O, 2007-ci ildə AMEA Neft-Kimya Prosesləri İnstitutunun aspiranturasına daxil olmuş və 10.07.2011-ci ildə «Yağ fraksiyalarının ion-maye əsaslı ekstragentlə təmizlənməsi prosesinin texnologiyası» mövzusunda texnika elmi üzrə fəlsəfə doktoru elmi dərəcəsi almaq üçün dissertasiyanı müdafiə etmişdir. Ona 11.04.2012-ci ildə AR Prezidenti yanında AAK-ın qərarı ilə texnika üzrə fəlsəfə doktoru elmi dərəcəsi verilmişdir. Xaricdə və Azərbaycanda çap olunmuş 60-dən çox elmi əsərin müəlifidir. Hal-hazırda AMEA NKPİ-də böyük elmi işçi vəzifəsində çalışır. Eyni zamanda ARDNŞ-da mühəndis vəzifəsində işləyir. Ailəlidir, bir qızı, bir oğlu var.